2 Timoti 4:17 - Loina Tabu Auwauna NT

¹⁷ Ta 'igu etala nina 'enaya Yaubada 'ilemegu ga waiwai 'i'ebwa'egu, ga tetelina maibo'ana yasimanena taudi nigeya me Yudia 'ediya, ta Yaubada 'ina lemega nigeya laiyoni 'ediya si'ebwa'ebwayaegu.

2 Timoti 4:17 Referans Kwoze

1 Pita 5:8

'Enega wada lomata'i'ita 'ai'ailemi 'ami talauwala Seitani 'enega. Manuna Seitani tauna nadigega bosasa mitawaya, tuta yauyauna 'isakosakowasi ta 'i'ebe'ebesa be 'aene 'ana tai 'ida loba, be 'ida 'ani.

Guinuwa 9:15

Ta 'Inapwana 'ieonena, “Tuwa tuga, 'uda tauya 'ena. Manuna Saulo nina ni'atu yaesinuwena be teteligu 'ida simana taudi nigeya me Yudia 'ediya, be toloina sinabwadi matadiya be me Isileli wate 'ediya.

Ibeliu 11:33

Manuna 'idi emisega siewaiwai 'adi talauwalao 'ediyega, be wate 'idi tomotaiyao siloina palupaluyedi, be wate Yaubada 'ina onaupaupa uwana silobedi, be wate laiyoni bosasa sigienuwa siwaloidi, be wate

Guinuwa 23:11

Ta boiboiya 'Inapwana Paulo selabenaya 'itoolo, ta 'ieonena, “Paulo, 'uda 'atepatu. Ni'atu 'usimanegu Yelusalema 'ena, be nadigega wate 'iabe Loma 'ena 'uda simana'esa.”

2 Pita 2:9

'Enega tamwalamwalatoni 'aene Yaubada tobobo'adi 'ebe tooyao 'ediyega 'ida 'etoseyedi, ta toto'umalidi 'iloinedi be 'ana laba 'asiyata bwa'omatana 'enaya.

Madiu 10:19

“Ta 'abo matadiya sietoolomi geya'abo wa'ate'atesa'ala be 'aene mwa'adega wada ona'esa, manuna 'etamo tuta nina 'ena Yaubada 'imi ona 'i'ebwa'emi,

2 Timoti 3:11

ta sena nidi Anitioki be Ikoniami be Lisitila 'ediya 'igu miyamwau be 'igu 'elouya tomota 'ediyega yalobediya wate 'umwalamwalatoni. Sena nidi 'ediya yamiyamwau 'ai'aila, ta mwau nidi maibo'adi 'ediyega 'ida 'Inapwana 'i'etoseyegu.

1 Timoti 1:12

Ta wate 'ida 'Inapwana Yesu Keliso 'igiewaiwaiyegu 'igu paisewa gete manuna, 'enega 'ena yalokagutoki, manuna 'iemisegu, ga paisewa nina 'i'ebwa'egu.

Epeso 3:8

Ta 'abo'agu 'atuwa gomabeso toekalesiyao soladiya, ta tuwa tuga 'ina obobomega paisewa gete 'i'ebwa'egu, be 'omi nigeya me Yudia 'emiya Keliso tetelina yada loguguyae, be 'enega 'ina esaesa sinabwa wawasae wada 'italobadi,

2 Kolinita 12:9

ta 'igu sida nina 'ie'isena, 'igwae, “Geya'abo, ta esi 'igu oboboma namo sawesawemuya, be 'imu neneta 'ena 'igu waiwai 'uda lotoona 'aene sawesawenaya.” 'Enega 'igu nenetao manudi yagwaugwausowala be yada onagagasa, manuna 'igu tuta neneta 'ediya Keliso 'ina waiwai 'eguya 'imiyami.

Luke 21:15

manuna 'abo'agu 'etamo ona palupaludi ta mwalatoi ya'ebwa'emi, be 'enega 'ami talauwalao geya'abo si'awa'awa kabokaboemi.

Luke 1:1

Ye 'inapwana Tiopilo. Ni'atu tomota yaudi Yesu tetelina si'etoladina to'ase nadigega 'ina guinuwa 'edaya manuna.

Loma 15:31

taudi Yesu 'ana toguitoyasao Yudia 'enaya manudi, be 'enega geya'abo sigiegie to'umaliyegu, be wate toekalesiyao nidi gomagomabesodi Yelusalema 'enaya manudi, be 'aene 'ebwayadaita getei yatautauye manuna sida gwausowala, ta geya'abo sida guiguitoyase,

2 Timoti 2:1

Natugu Timoti, Yesu Keliso 'ina waiwaiyega 'uewaiwai

2 Timoti 2:9

'Igu loguguya nina manuna 'abo'agu ni'atu miyamwau yalobena, ga deliya siyonigu, 'atuwa toto'umalina 'ebweu. Ta Yaubada 'ina ona geya'abo 'ebweu yaita 'igiegie losa'u.

2 Timoti 4:5

Ta 'oyo geya'abo taudi nadigega. Tuta maibo'ana 'utoolo pa'ala ta 'imu miyamwau 'ediya 'ue'alama'i'ita, be tetela bobo'ana 'usimane. Gete 'enega 'iabe 'oyo toguinuwa waiwaiyo Yaubada 'ina guinuwa 'ena.

Taito 1:3

'Enega Yaubada tauna 'ina onega tuta nina 'iesinuwena 'enaya Yesu 'imai ga yawasida ataya 'igie apwesenama, ga Yaubada, tauna 'ada To'etoseyana, 'iloinegu ga yaloguloguguyae.