2 Timoti 2:19 - Loina Tabu Auwauna NT

¹⁹ Ta esi Yaubada 'ina ona 'ana 'autui pa'alina 'enaya lowa si'etoladina 'igwae: “'Inapwana 'ina tomotaiyao 'imwalatonidi,” ta wate 'igwae, “Taudi 'Inapwana 'ena ni'atu sitagwalediya, 'ilobwenedi be 'idi bubuna to'umalidi siguitoyasedi.”

2 Timoti 2:19 Referans Kwoze

Yoni 10:14

'Enega wate 'ieonedi, “'Abo'agu sipi 'adi to'ita'i'ita bobo'ana, manuna 'igu sipiyao yamwalamwalatonidi ta taudi simwalamwalatonigu.

1 Kolinita 8:3

ta esiya 'abo Yaubada taobobome, 'abo'ada Yaubada 'imwalatonida 'aene bobo'ada.

Luke 13:27

Ta 'enega 'iabe 'Inapwana nina 'ieonami be 'ida gwae, ‘Ona'ai'aila, nigeya yamwalamwalatonimi. Mane 'enega wamai? Waila ta geya'abo waluguluguma, manuna 'omi toto'umalimi.’

Galetia 4:9

Ta gete tugai Yaubada wamwalamwalatoni, nai tagwae Yaubada 'imwalatonimi. 'Enega to'ase manuna Yaubada nina waguitoyasena, ta waila limana be 'imi 'ebe emisao nidi nenetadi nuwanuwami, be manudi wada guinuwa limana.

E'ita'ita 3:8

Tauna gete 'isimana 'emiya, 'igwae, “'Imi guinuwao ni'atu yamwalatonidi, ta wate yamwalamwalatoni 'aene 'imi waiwai tupwana 'imiyami, manuna 'igu e'itao wamuliyedi, ta wate 'agu esana nigeya waeyaseyaseye. Ni'atu 'awa yagigegena manumi, ta nigeya 'ebweu yaita sawesawenaya be 'ida gibode.

E'ita'ita 22:4

Be wate maninina sida 'ita, ta tauna 'ana esana debadiya.

Epeso 4:30

Geya'abo Yaluyaluwa Tabuna nuwana wagiegiemwauye, manuna Yaluyaluwa Tabuna nina 'atuwa we'iwe'iyaya 'edaya, 'aene ma'etamo 'ada gieauwau tada loba.

2 Pita 3:14

Gosegwao, 'imi yamwana 'ana tutaya watoo waiwai be 'eguma 'imamai, 'ilobami ma imi bubuna palupaluna maibo'ana, ta nuwa siwalowega wamiyami.

2 Kolinita 7:1

Gosegwao, Yaubada 'ina onaoboboma getedi tada nonodi be ooda be yaluyaluwada tagie'esasedi yage baibailidi 'ediyega, be ta'esasa 'ai'aila ma ida 'amayaba Yaubada 'ena.

E'ita'ita 2:13

“Ni'atu yamwalamwalatoni sena nina 'ena wamiyami, nate Seitani 'ina 'ebeloina. Ta tuwa tuga waemisa 'ai'ailigu, manuna nigeya wada eyaseyaseyegu. Ta Seitani 'ina sena nina 'ena lowa 'ebweu 'agu tosimana 'ai'aila siloemwawasina, 'ana esana Anitipasa, ta tuga sa'i wagiyaigu pa'alina.

Madiu 7:23

'Enega 'ediya yada ona, “Nigeya yamwalamwalatonimi yaisigedi 'omi. Waila ta geya'abo waluguluguma, manuna 'omi toto'umalimi.”

Epeso 3:15

tauna susu maibo'adi galewaya ta bale'uya 'aledi,

Loma 15:20

Manuna nuwanuwagu be sena auwaudi namo 'ediya yada gimi loguguya, taudi sena nidi nigeya Keliso tetelina sinoono, manuna geya nuwagu be mali tologuguyao 'idi guinuwa yaloeposeyane.

Guinuwa 15:17

Be 'enega tomota tupwatupwadi simiyami 'Inapwana sida 'ebesa, be 'agu esiesinuwao, taudi nigeya me Yudia 'ediyega, taudi wate sida 'ebesegu.

Madiu 7:25

ga muliyega 'usana 'imwa'uta ga muluwa 'idau ta wate yagila sinabwana 'itowa ga 'ina anuwa nina nigeya 'ibe'ube'u, manuna 'ina 'autui gulewa 'ena 'i'abina.

1 Yoni 2:19

ta Keliso 'ana talauwalao nidi 'adi 'ita 'atuwa Keliso 'ana toemisao, ta nigeya. Manuna taudi 'eguma 'ida boda 'ai'aila, 'etamo ma'edao tamiyami. Ta nigeya sa'i! Ni'atu sipilisineda.

Loma 12:9

Wada oboboma 'ai'aila ta to'umalina wada guitoyase, ta esi bubuna bobo'ana wada giyai.

Maki 13:22

Manuna Keliso kabokabo be palopitao kabokabo 'iabe siapwesa be we'iwe'iyaya waiwaidi tomota 'ediya sida e'itaedi, be 'ediyega 'abo sawesawediya Yaubada 'ina bodao esiesinuwadi sikwakwani.

Loma 9:11

ta muliyega be Libeka 'ienatuna, Yaubada 'ieonena, 'igwae, “'Abo natumwao 'uenatunedi, megwamana 'ida etoloina tomatuwa 'ena.” Taudi Yekobe be Iso. Gete 'enega tamwalatoi 'ai'ailina 'aene gogama nidi nigeya 'idi guinuwa bobo'ana nai to'umalina 'ediyega 'iesiesinuwedi, ta esi tauna 'ina onaupaupa 'enega, manuna Yaubada nigeya tomota 'idi guinuwega 'ida esinuwedi, ta esi taunamo 'ina nuwenuwega.

1 Timoti 6:19

Gete 'enega 'adi e'isa bobo'ana tuta 'imeemai 'ena siloba, nate yawasidi ataya.

Loma 8:28

Gete 'enega tamwalatonina 'aene 'abo Yaubada taobobome 'iabe to'ase be to'ase talobaloba maibo'ana 'igiepaepaludi, manuna tauna 'ina nuwanuwa nadigega ga 'ibwauyeda.

Guinuwa 9:14

ta wate totaliyao sinabwadi sitagwalena be gete tuga 'imai bada be 'amu bodao maibo'ama sabi yonima, 'eguma 'amu esanega 'asidasidawa.”

Yoni 13:18

“Yage getedi nigeya 'aene maibo'ami manumi yaonaona, ta esi taudi yaesinuwediya manudi yaonaona, ta Buki Tabu 'ina simana mali tai manuna 'igwae, ‘Tai nina tauna 'ana masula ya'ebwa'ena, 'isanaila ga 'ietalauwalegu.’ 'Enega ona nina 'ana 'ai'aila 'iabe 'iapwesa.

Madiu 24:24

Manuna Keliso kabokabo be palopitao kabokabo 'iabe siapwesa be we'iwe'iyaya waiwaidi tomota 'ediya sida e'itaedi be 'ediyega 'abo sawesawediya Yaubada 'ina bodao esiesinuwadi wate sikwakwani.

Epeso 2:20

'Omi wate si'abimi, 'enega 'abo'ada 'atuwa anuwa, ta Yesu Keliso tauna 'ida 'autui, be tauna 'ena 'ola sinabwadi nate Yesu 'ana tosimanao be palopitao,

Loma 11:2

'Enega yamwalatonina 'aene 'abo'ama Yaubada 'ina tomotaiyao nima 'igimi esinuwema be 'ina bodao, 'enega geya'abo 'ie'idi'idiyema. Lowaenei Ilaitiya me Isileli 'ilomugiyedi Yaubada 'ena, ta 'ina ona nina Buki Tabu 'ena 'igwae,

Luke 6:48

To'abi anuwa nina nugana 'ina 'autui pa'alina 'ilobena, gulewa daisinamo 'enaya, ga 'ina anuwa 'ena 'i'abina. 'Enega tuta nina 'usana sinabwana 'imwa'uta ga muluwa 'idau, 'idau ga anuwa nina 'iununa ta nigeya 'igiegie to'umaliye, manuna 'autui bobo'ana 'ena 'i'abi.

Loma 15:9

ta wate 'aene taudi nigeya me Yudia sena yauyaudi 'ediya simiyami, Yaubada sida tupu 'ina 'atenuwa'ole'ole 'ediya manuna. Manuna 'ebweu 'etoladi Buki Tabu 'ena 'igwae, “Gete 'alena 'enega sena yauyaudi ma'egwao 'ada tupuyo, ta wate 'amu esana manuna 'ada wali tuputupu 'emuya.”

E'ita'ita 21:14

'Asa nina sinabwana si'abina 'autui 'ebweu bobo'ana 'enaya, nate gulewa tuwelo pa'alidi debadiya, ga gulewa nidi 'ediya Lami 'ana tosimanao tuwelo 'adi esanao si'etoladidi.

Ibeliu 11:10

Ta esi Ebelaamo 'inuwayaina 'aene 'asa nina 'ana 'autui pa'alina 'ena 'ilulugu, nate Yaubada 'imweluluina, nai 'i'abina.

Madiu 28:19

'Enega watatauya be sena maibo'adi 'ediya waloguguya, be 'enega tomota sida emisegu, be wate wagiebapitaisoedi Tamagu 'ana esanega be Natuna 'abo'agu 'agu esanega be wate Yaluyaluwa Tabuna 'ana esanega.

E'ita'ita 17:8

Yobai nina 'u'itena lowa mayawasina ta ni'atu 'imwawasa, be ma'etamo 'iapwesama gaula nina sinabwana 'enega be 'itatauya, be 'enega sigieto'umali 'ai'aili. Ta tomota me bale'u, yaisigedi taudi 'adi esana Yaubada nigeya 'i'eto'etoladidi yawasi bukina solanaya, tuta nina bale'u 'ana mweluluwa'unu 'enaya, taudi yobai nina 'etamo sida 'ita be nuwadi 'iowana, manuna lowa mayawasina ta gete tugai ni'atu 'imwawasa, ta ma'etamo 'iapwesa limanama.

Guinuwa 11:26

ga 'ilobena, 'enega ma'iyana siila Anitioki 'enaya. 'Enega yakwala 'ebweuna solanaya silugulugu toekalesiyao nidi 'idi deliegogonao 'ediya, ta tomota yaudi sie'ie'itadi. 'Asa nina Anitioki 'enaya Yesu 'ana tomuliyao tuta nina 'ena sigimi eesedi Kelisitianiyao.

Yoni 3:33

Ta 'abo yaisigedi 'ina simana nina siemisena, gote 'ena si'awa 'ai'aila 'aene Yaubada tauna topalupaluna.

1 Timoti 3:15

be 'eguma yasoso'i, leta gete 'enega 'umwalatoni to bubuna 'abo'ada totapwalolo 'ilobweneda, tauna 'ida Yaubada mayawasina 'ina boda solanaya, manuna 'abo'ada toekalesiyao 'ina e'ita 'ai'aila 'ana to'ita'i'itao.

Maki 12:16

'Enega mani 'ebweuna si'ebwa'ena. Ga Yesu 'ieonedi, 'igwae, “Wada eonagu, mani gete 'ena yaita 'ana ma'ama'yau ta 'ana esana?” Ta sigwae, “Kini Sisa.”