2 Timoti 2:15 - Loina Tabu Auwauna NT

¹⁵ 'Enega wate 'uetapewa waiwai be tetela bobo'ana 'ana e'ita 'ai'aila manuna 'ugwaunuwa be 'aene 'oyo Yaubada 'ina toguinuwa be ma'etamo matanaya 'uapwesa be 'ida 'awabobo'aneyo.

2 Timoti 2:15 Referans Kwoze

1 Tesalonaika 2:4

Manuna 'ima paisewa gete Yaubada 'itagwala 'emaya be tetela bobo'ana 'asimana apwese, 'enega 'ima simana nina nigeya to'ase tomota nuwanuwadi, ta esi to'ase Yaubada nuwanuwana. Manuna nuwanuwa nidi 'atemaya simiyami, nai bobo'adi, nai to'umalidi, Yaubada taunamo 'imwalamwalatoni.

2 Pita 1:10

'Enega, gosegwao, watoo waiwai be geya'abo Yaubada 'ana esiesinuwao bodadi 'enega wamiyamiya apwesa. Ta 'abo 'igu ona getedi waematamatanedi geya'abo wabe'ube'u,

1 Timoti 4:6

Loina getedi 'eguma gosedao 'ediya 'ue'itae, 'enega 'oyo Yesu Keliso 'ina toguinuwa bobo'ana, manuna e'ita palupaludi Yesu 'ana emisa manuna 'umulimuliyedi, ta 'ediyega yaluyaluwayo 'iewaiwai.

2 Kolinita 10:18

Wate 'eguma yaita taunamo 'i'awa bobo'ane, Yaubada geya'abo 'igwaugwausowala manuna. Ta 'eguma Yaubada tomota 'i'awa bobo'ane, nate 'ebe gwausowala.

2 Kolinita 5:9

Ta 'eguma bwaladaya tamiyami, nai 'eguma bwalada tapilisinedi, 'ida 'ebe masi tuga to'ase 'Inapwana nina nuwanuwana.

2 Kolinita 4:2

Ni'atu bubuna to'umalidi nai kabokabodi 'aguitoyasedi, ta wate geya'abo Yaubada 'ina ona 'agibugibuni be 'aene e'ita kabokabona 'enega 'ae'ie'ita, ta esi e'ita 'ai'aila 'aonaona apwese, be tomota maibo'ami 'ima bubuna bobo'ana Yaubada matanaya wa'ita.

2 Pita 3:14

Gosegwao, 'imi yamwana 'ana tutaya watoo waiwai be 'eguma 'imamai, 'ilobami ma imi bubuna palupaluna maibo'ana, ta nuwa siwalowega wamiyami.

Galetia 1:10

Mwa'adega, tomota nidi 'adi tuputupu manuna yanuwanuwa, nai Yaubada 'ana tuputupu? Manuna 'eguma tomota 'idi nuwanuwa yaguiguinuwa, nigeya sawesaweguya be Keliso manuna yaetoguinuwa.

2 Pita 1:15

'enega yatootoo waiwai be 'aene ma'etamo 'igu kwaiya mulinaya e'ita nidi geya'abo wanuwanuwa pupuledi.

Epeso 1:13

Ta wate 'omi Keliso 'enega tetela 'ai'aila ta bobo'ana 'ami 'etoseyana manuna wanonona, ga tauna waemisena, ta wate Yaluyaluwa Tabuna nina 'iona upaupaenaya 'i'ebwa'emi,

1 Tesalonaika 5:14

Ta gosemao, 'ilobwenemi wate be tologwautoyasao waloguguyadi, be to'atesa'ala wagie 'atepatudi, be toneneta walemedi, ta yage nidi getedi e'alama'i'itega wada guinuwedi.

2 Kolinita 3:6

be sawesawemaya 'ina loina auwauna manuna 'aetoetoguinuwa. Loina nina auwauna nigeya 'eto'etoladina, ta esi Yaluyaluwa Tabuna 'enega, manuna loina 'eto'etoladina mwawasa 'i'ebwa'eda, ta sa'i loina nina Yaluyaluwa Tabuna 'enega yawasida 'i'ebwa'eda.

Loma 14:18

Be 'abo bubuna nidi gete 'ediyega Keliso 'ina guinuwa taguiguinuwe, 'iabe Yaubada manuda 'igwausowala, ta wate tomota si'awa bobo'aneda.

Ibeliu 4:11

Ta 'ilobweneda be tatoo waiwai be 'ebe eyawai'ata nina taloba, ta geya'abo 'ebweu yaita 'ilooguitoyasa, 'abona nai 'ibebe'u, nadigega taudi lowaenei sibe'u'esa.

Yemesa 1:18

Ga 'ina nuwanuwa tauna 'enega, ta wate 'ina ona'ai'aila 'enega, 'igimi mweluluida be 'aene 'abo'ada 'ina mwelumweluluwao maibo'adi tada loetana sinedi.

1 Kolinita 2:6

Mwalatoi 'ai'aila Yaubada 'enega yasimasimana toemisa pa'alidi 'ediya, ta sa'i bale'u gete 'ana mwalatoi nai toloinao gete tuga 'idi mwalatoi sawasawalidi tuga,

Guinuwa 2:22

Pita wate 'ieonedi, 'igwae, “Me Isileli 'omi ona gete wada nono, Yesu tauna goma Nasaleta manuna. Yesu nina matamiya Yaubada 'ie'itaena 'aene tauna 'ina toguinuwa nina, manuna Yesu 'ina guinuwa waiwaidi ta 'ebe nuwaowana, Yaubada 'ina waiwaiyega 'iguinuwedi, ta wamwalamwalatonidi manuna gamwagamwanimiya 'iguinuwedi.

Madiu 13:52

'Enega 'ieonedi, “Gete tuga wada mwalatoni 'aene loina 'ana toe'itao 'eguma ni'atu Yaubada 'ina loina sipanaita 'ai'ailena, taudi 'atuwa nadigega 'ebweu tonianuwa 'ina gwegwe kadekadelidi ta auwaudi soladiya esaesa 'imiyami.”

Loma 16:10

Ta wate 'igu oboboma Apeli 'enaya, tauna Keliso 'ana toemisa 'ai'aila. Ta Alisitobulo ma ina bu'unao 'igu oboboma wate 'ediya,

Luke 12:42

'Enega Yesu 'igwae, “Toguinuwa bobo'adi ta sinasinapudi 'idi bubuna gete nadigega, 'abo yaita tauna 'ina 'inapwana 'iesinuwena be anuwa 'ida 'ita'i'isi, be gosenao 'adi masula 'i'ebwa'edi 'asiyata 'ebweuna 'ebweuna 'ediya,

Maki 4:33

Yesu 'ina loguguyao 'ediya tuta yauna onasemalimali yauna 'ediyega 'ie'ie'ita, be 'enega 'abo tomota 'ediya kapekapeyana sida mwalatoni.

Loma 6:13

Ta wate geya'abo 'ebweu welawela'ami watagwatagwale guinuwa to'umalina manudi, ta esi Yaubada 'ena wada tagwalemi manuna mwawasega 'igietoolo limemi, ga batuwa mayawasimi, be 'enega welawela'ami maibo'adi watagwaledi Yaubada 'ina guinuwa palupaluna manuna.

Yemesa 1:12

'Abo yaita 'oyo 'ebe toonayao 'ediyega 'utoolo pa'ala, 'uda gwausowala. Manuna 'amu pali bobo'ana Yaubada 'enega 'uda loba, nate yawasi ataya. Gete Yaubada 'ina onaupaupa maibo'ana 'edaya, 'abo taobobome.