2 Tesalonaika 2:2 - Loina Tabu Auwauna NT

² be 'enega geya'abo wa'ate'ate sa'ala. 'Enega 'eguma tomota sigwae, “'Inapwana 'ina apwesa limanama 'ana tuta gete,” geya'abo waemiemisedi. 'Eguma siona 'aene mwalatoi gete silobena 'idi madawalega, nai Yaubada 'ina ona 'ediya 'enega, nai 'abo'agu 'idi leta ya'etoladina 'ediya 'enega,

2 Tesalonaika 2:2 Referans Kwoze

Maki 13:7

Wate ale 'etamo wanonodi saiyao selabemiya ta 'edasolaya manudi, ta geya'abo wa'ate'ate sa'ala, manuna yage getedi sida apwesa nugana ta esi bale'u 'ana 'ebe losalowa 'ana tuta ma'etamo.

2 Tesalonaika 3:17

Leta gete 'ana 'ebe losalowa taugu nimaguyega ya'eto'etoladinawa, nadigega 'igu gimi letao 'ediya.

Luke 21:9

“Ta 'eguma wate losaiya aledi wanonodi, geya'abo wa'ate'ate sa'ala, manuna yage getedi sida apwesa nugana ta bale'u 'ana 'ebe losalowa 'ana tuta ma'etamo.”

1 Tesalonaika 4:15

Gete 'ida 'Inapwana 'ina ona 'asimasimane 'emiya, 'aene tuta nina 'iila limanama, taudi kwaikwaiyidi Keliso sida gimi lobai, ta 'abo'ada mayawasida muliyega.

1 Kolinita 1:8

Manuna tauna 'igiegie pa'alimi be 'ana laba 'asiyata nina 'iila limanama.

Yoni 14:1

'Enega Yesu wate 'ieonedi ga 'ediya 'igwae, “Geya'abo waenuenuwanaluwa, ta esi Yaubada wada emise, ta wate 'abo'agu wada emisegu.

Luke 21:19

ta 'omi wada toolopa'ala be 'enega yawasimi ataya wada loba.

Madiu 24:24

Manuna Keliso kabokabo be palopitao kabokabo 'iabe siapwesa be we'iwe'iyaya waiwaidi tomota 'ediya sida e'itaedi be 'ediyega 'abo sawesawediya Yaubada 'ina bodao esiesinuwadi wate sikwakwani.

E'ita'ita 19:20

Gote 'ena yobai nina ma ina palopita kabokabo sigiyaidi, ga mayawasidi siuledi yaiyai sinabwana solanaya. Palopita kabokabo nina tauna lowa 'ina guinuwa waiwaidi 'iguinuwedi yobai nina matanaya ga 'ediyega tomota 'ikaboediya, taudi yobai nina 'ana we'iwe'iyaya 'ediya 'imiyami, ta 'ina tokwalui nina 'ana tobwagobwagoyao.

1 Tesalonaika 3:3

be 'enega geya'abo 'imi 'elouyao 'ediya waneeneta. Manuna miyamwau nidi wamwalamwalatoni 'aene maibo'ada talobalobadi.

Epeso 5:6

Bubuna getedi manudi Yaubada tole'oa loina 'igamwasowaledi, 'enega geya'abo 'ebweu yaita 'ina ona besobesoega 'ikabokaboemi,

2 Tesalonaika 2:15

Gosemao, wada toolopa'ala, be 'ami e'itao nidi 'ima onega, ta wate 'ima leta 'ediyega, wada giyai'i'isidi.

1 Tesalonaika 5:2

manuna ni'atu wasinapuna 'aene nigeya tamwalamwalatoni, ta esi 'ina mai ma'etamo 'atuwa to'ipwala 'ina mai boiboiya nadigega,

Yoni 14:27

“'Abo'agu ni'atu be yapilisinemi, 'enega taugu tuga 'igu nuwasiwalowa 'enega yada 'ebwa'emi, ta nuwasiwalowa nina nigeya nadigega me bale'u si'ebwa'ebwa'emi. 'Enega geya'abo waenuenuwanaluwa nai wa'ate'ate sa'ala.

1 Kolinita 7:26

'Enega tuta 'ebe esilae gete 'enaya 'ida 'ebemiya gete tuga 'ena tada miyami.

1 Kolinita 14:32

Ta tologuguyao yaluyaluwadi taudimo siloiloinedi,