2 Tesalonaika 1:9 - Loina Tabu Auwauna NT

⁹ 'Enega sida miya dumaduma, ta sida esilae ataya 'asa gabugabu 'enaya, be 'Inapwana maninina be 'ina waiwai ta 'ana tupu geya'abo si'ita'ita.

2 Tesalonaika 1:9 Referans Kwoze

Madiu 25:41

“Ta taudi gegeumiguya simiyami yaeonadi, ‘'Omi toto'umalimi wapilisinegu be watatauya kaiwe sabesabelulu atayana 'enaya, tauna Yaubada 'igibubuna Seitani ma ina bodao manudi,

2 Tesalonaika 2:8

be 'enega toto'umalina nina 'iapwesama. Muliyega 'ida 'Inapwana Yesu 'ida apwesama, be tai to'umalina nina 'ida loesawali yage 'eluwa 'ediyega, nate 'ina waiwai ta 'awanega 'awesabelulu.

Madiu 25:46

'Enega taudi sida tauya 'elouya ataya 'enaya, ta topalupaludi esi yawasi ataya sida loba.”

E'ita'ita 21:8

Ta esi taudi 'ate nenetadi be taudi nigeya siemiemisa be tosogalao be toloemwawasao be toloyaweyao be Taumudumudulele magosenao be gulewa 'adi toemisao, be toekabokaboyao, taudi getedi 'idi sena yaiyai sinabwana, nate mwawasa 'eluwena.”

Pilipai 3:19

Taudi 'idi 'ebe losalowa sida esilae, manuna 'idi 'ebe emisa gamwapawa manuna, be yage 'ebe omayamayao situputupudi, manuna yage bale'u namo nuwanuwadi.

Madiu 16:27

“Ma'etamo 'abo'agu Tomota Natuna yaila limanama, be Tamagu 'ina esaesa tuyatuyayalina 'enega yailama, ta wate aniloseyao ma'egwao, be tomota 'idi guinuwao 'adi e'isa ya'ebwa'edi.

Madiu 7:23

'Enega 'ediya yada ona, “Nigeya yamwalamwalatonimi yaisigedi 'omi. Waila ta geya'abo waluguluguma, manuna 'omi toto'umalimi.”

E'ita'ita 20:14

'Enega Mwawasa be wate 'idi sena nina 'iula mwa'utedi yaiyai sinabwana solanaya, ta yaiyai nina nate mwawasa 'eluwena.

2 Pita 3:7

Ta Yaubada 'ina onega galewa be bale'u ni'atu 'isa'ububudi, ga siyamwayamwa be 'asiyata loina 'enaya 'igabu yauledi, ta toto'umalidi 'iloesawalidi.

Luke 13:27

Ta 'enega 'iabe 'Inapwana nina 'ieonami be 'ida gwae, ‘Ona'ai'aila, nigeya yamwalamwalatonimi. Mane 'enega wamai? Waila ta geya'abo waluguluguma, manuna 'omi toto'umalimi.’

Madiu 22:13

'Enega kini nina 'ina toguinuwao 'ieonedi, ‘Tai gote wagiyai be nimana be 'aena wayonidi be waula apwese sena guguyoi 'enaya, be gote 'ena tomota sidedoi ta siesala'i'ita 'elouya 'enega.

E'ita'ita 20:11

'Enega 'ebweu 'ebemi esaesa wakewakekena ta sinabwana, be 'ana tomiya nina, ya'itena. Ga matanega galewa be bale'u sisawala, be nigeya sawesawenaya taloba limadi.

Yude 1:13

Ta wate 'adi 'ita 'atuwa lisu sinabwadi mabusobosodi 'idi guinuwao to'umalidi 'ediyega, ta wate 'adi 'ita 'atuwa kwadima siadadana besobeso be 'enega guguyoi 'ina senaya simiya ataya.

Ibeliu 10:29

'Enega 'abo yaita Yaubada Natuna 'ie'idi'idiye, be lala nina 'igie'esasedaya 'i'awa to'umaliye, be wate 'ada tolema Yaluyaluwa Tabuna 'igiegamwasowali, 'ana e'isa 'elouya sinabwa wawasae 'ida loba Yaubada 'enega.

Taito 2:13

Gete tuga ma ida gwausowala 'ada To'etoseyana Yesu Keliso taemisena, tauna 'ida Yaubada waiwaina ta ma ina esaesa, 'enega 'ina apwesama manuna tayamwayamwa.

E'ita'ita 22:15

Ta 'asa nina 'atamaninaya 'adi tomiyanao, nate kedewao, be Taumudumudulele magosenao, be toloelatao, be toloemwawasao, be gulewa 'adi toemisao, be wate toekabokaboyao.

2 Pita 2:17

Ta toe'ita kabokabo nidi 'idi bubuna 'atuwa nadigega bwasi gaula nigeya bwasi dimo, ta taudi wate nadigega pwana, nigeya sida miyabaula, 'enega Yaubada 'ida sa'umwa'utedi gaula guguyoi 'ena be nada sida miyaataya.

1 Tesalonaika 5:3

be 'abo tomota 'aidi sigwae, “'Ida miya maibo'ana bobo'ana tuga,” ta muliyega esilae 'ida loesalutunidi, nadigega waine 'ina 'elouya tuta enatuna 'ena. 'Enega nadigega esilae nina nigeya sawesawenaya sidenasine.

Yoni 5:14

Tuta muliyega Yesu tai nina 'ilobena Anuwa Tabu solanaya, ga 'ieonena, 'igwae, “'U'ita ni'atu 'ubobo'ana, ta geya'abo wate to'umalina 'uguiguinuwe, 'abona nai yage to'umali wawasae 'emuya 'ida apwesa.”

Madiu 26:24

'Abo'agu Tomota Natuna ma'etamo yatatauya 'eda nina lowa Buki Tabu 'ena 'igimisimanena, ta esi 'agu tosipupu nina nuwa'ole'olena sa'i, ta bobo'ana 'abo lowa sinana geya'abo 'ida enaenatune.”

Madiu 24:30

'Abo'agu Tomota Natuna, be tuta gote 'ena 'igu we'iwe'iyaya galewaya 'iapwesama, ta boda maibo'adi bale'uya si'itagu pwana debanega ma igu waiwai ta ma igu esaesa sinabwana yameema, be sida doonaona.