2 Pita 3:11 - Loina Tabu Auwauna NT

¹¹ Ta 'abo yage nidi maibo'ana ma'etamo sisasawala, 'ilobwenena be ma imi bubuna 'esasena ta ma imi 'amayaba Yaubada 'enaya wada guinuwa.

2 Pita 3:11 Referans Kwoze

1 Pita 1:15

Ta esi 'imi guinuwa maibo'adi 'ediya wada bubuna palupaluna, nadigega tauna 'ibwauyemi 'ina bubuna 'esasena.

Pilipai 1:27

Ta wada 'ita'i'isimi 'aene 'imi guinuwao 'ediyega tomota Keliso tetelina sida 'awabobo'ane, 'enega 'eguma yayausimi, nai 'eguma yamiyaila, tuwa tuga tetelimi bobo'ana yada noono 'aene ma imi 'atetagwala watoolo pa'ala, ta ma imi nuwanuwa leleleya ga 'enega waetaetapewa tetela bobo'ana 'ana emisa manuna,

1 Pita 2:12

Ta wada bubuna bobo'ana taudi nigeya me Yudia 'ediya. Manuna gete tuga 'etamo si'awa'awa to'umaliyemi, ta tuta muliyega 'imi guinuwa bobo'ana sida 'ita, be 'enega tuta nina Yaubada 'iapwesama Yaubada nina sida tupu.

2 Pita 3:12

Ta wada yamwayamwa ma imi nuwayaina 'Inapwana 'ina 'asiyata 'ina mai manini manuna, be tuta nina 'enaya Yaubada gimigalewa be gimibale'u 'iloesawalidi 'awe 'ala'alasina 'enega,

1 Timoti 6:11

Timoti ye, 'oyo Yaubada 'ina toguinuwa, 'enega gete bubuna nina 'enega 'u'ita'i'isiyo, ta bubuna palupaluna 'umuliye, yage nidi nadigega 'eda'eda bobo'ana be emisa be oboboma be 'alama'i'ita be bubuna oo nuwana,

Yemesa 3:13

'Abo yaita 'oyo ma imu mwalatoi, 'uda guinuwa bobo'ana ma imu nuwamwa'uta, be tomota sida 'ita be sida mwalatoni 'aene 'imu bubuna bobo'ana.

Pilipai 3:20

Ta 'abo'ada esi 'ida sena galewaya, be gote 'enega 'ada To'etoseyana, tauna 'ida 'Inapwana Yesu Keliso, ma'etamo 'iilama, ta tauna manuna tayamwayamwa.

2 Pita 1:3

Yaubada nina 'ina waiwaiyega 'ilemeda ga 'iobobomeda, ta yage yauna yawasida be 'ida bubuna 'esasena manudi 'i'ebwa'eda. Manuna tauna tamwalatonina 'aene 'iesinuweda be 'ina esaesa ta 'ina bubuna palupaluna 'i'ebwa'eda.

1 Timoti 6:3

Ta 'eguma yaita 'ina e'ita dumadumana, nai 'ida 'Inapwana Yesu Keliso 'ina ona palupaludi nigeya 'ida muliyedi, ta e'ita nidi bubuna bobo'ana manuna 'iguitoyasedi,

1 Timoti 4:12

Tomota geya'abo sisinasinaliyo manuna 'aene 'oyo tubuwau tuga, ta esi 'imu ona bobo'ana, be 'imu guinuwa bobo'ana, 'imu oboboma, 'imu emisa, be 'imu bubuna 'esasena 'ediyega be 'oyo 'ebe'ita taudi 'ediya.

Madiu 8:27

'Enega tomotai nidi sinuwa owana ga sigwae, “To tai sana gete, ga yagila be lisu 'enana siematamatanena?”

Yemesa 1:24

ga muliyega 'itauya, ta tuta kukupana 'ena maninina 'ana 'ita 'inuwa pupulena.

1 Timoti 3:16

Ona'ai'aila, 'ida tapwalolo 'ana mwalatoi kwaikwaiyina, ta yage sinabwana Keliso manuna gete: Ni'atu 'ietomotai, ta yaluyaluwana 'enega 'iewaiwai, ga aniloseyao si'itena, ta tetelina sena yauyaudi sinonona, ga me bale'u 'aidi siemisena, ta muliyega 'itu'e sena esaesa 'ena.

1 Tesalonaika 1:5

'enega tuta nina tetela bobo'ana 'a'ebwa'emi, Yaluyaluwa Tabuna ona nina 'igiewaiwaiyena 'emiya, 'enega ona nina wa'awa 'ai'ailena, ta 'abo'ama wate 'ima guinuwa manumi wa'itena, nate guinuwa palupaluna.

1 Timoti 6:6

Ta 'abo'ada 'ida esaesa dumadumana. Yaubada 'ana 'amayaba 'enega sawesawenaya 'iloineda, ta esi esaesa bale'u 'ana loba geya'abo manuna tanuwanuwa.

2 Pita 1:6

'etonina 'alama'i'ita, eatana toolopa'ala, enimana bubuna 'esasena,

Ibeliu 13:5

Geya'abo esaesa bale'u nuwami 'i'ewa'ewa, ta esi wada gwausowala to'ase ni'atu walobalobadi manudi, ta geya'abo mali yage be mali yage manudi waetaetapewa, manuna Yaubada 'igwae, “Geya'abo yanuwanuwa pupuleyo nai yapilipili sineyo. Nigeya!”

2 Kolinita 1:12

'Ebweu yage manuna yagwausowala sinabwana, ta yanuwena ona'ai'aila 'ima bubuna 'esasena ta palupaluna tomota 'ediya, nigeya sinasinapu bale'u 'ediyega, ta esi Yaubada 'ina oboboma 'emaya 'enega, ta wate nadigega 'aguinuwa sinabwana 'emiya.

Loma 13:11

'Enega gete tugai 'ilobwene 'ai'ailimi be nadigega wada guinuwa'esa, manuna tuta 'iabe 'igugumwala. Yesu ni'atu waemisena, 'enega geya'abo wa'eno'eno, ta esi wada yaweyawe, manuna tuta gidalina namo 'ena be 'ada To'etoseyana nina 'iapwesama.

Loma 13:12

Ta ona'ai'aila, ni'atu be tomwa 'iulisi, 'enega gete tuga guguyoi 'ana guinuwa tapilisine be maedana 'ana guinuwa taguinuwe.

2 Pita 3:10

Ta 'Inapwana 'ina bwa'omatana 'ana 'asiyata ma'etamo 'ina mai 'atuwa to'ipwala be 'iloesalutunidamo, be galewa 'isasawala ma 'ina 'alapwasi sinabwana, ta yage maibo'adi galewaya 'awe 'ala'alasina 'enega 'i'ala esawalidi, ta wate bale'u be yage maibo'adi 'enaya simiyami 'i'ala esawalidi.