2 Pita 3:10 - Loina Tabu Auwauna NT

¹⁰ Ta 'Inapwana 'ina bwa'omatana 'ana 'asiyata ma'etamo 'ina mai 'atuwa to'ipwala be 'iloesalutunidamo, be galewa 'isasawala ma 'ina 'alapwasi sinabwana, ta yage maibo'adi galewaya 'awe 'ala'alasina 'enega 'i'ala esawalidi, ta wate bale'u be yage maibo'adi 'enaya simiyami 'i'ala esawalidi.

2 Pita 3:10 Referans Kwoze

E'ita'ita 21:1

'Enega galewa be bale'u auwaudi ya'itedi siapwesa, ta nigeya ola, ta esi gimigalewa be gimibale'u ni'atu sikwaiya.

Madiu 24:35

Ma'etamo galewa ta bale'u sisasawala, ta 'igu onao geya'abo sa'i sisawasawala.

2 Pita 3:7

Ta Yaubada 'ina onega galewa be bale'u ni'atu 'isa'ububudi, ga siyamwayamwa be 'asiyata loina 'enaya 'igabu yauledi, ta toto'umalidi 'iloesawalidi.

E'ita'ita 16:15

“Wada enono 'ai'aila, manuna 'etamo 'igu mai 'atuwa to'ipwala 'idi mai nadigega, ta 'abo yaita 'oyo 'ulomata'i'ita 'ai'aila be 'amu 'oama 'u'ita'i'isi, 'uda gwausowala, manuna geya'abo ma imu omayamaya tomota gamwagamwanidiya bubugewa manuna.”

1 Tesalonaika 5:2

manuna ni'atu wasinapuna 'aene nigeya tamwalamwalatoni, ta esi 'ina mai ma'etamo 'atuwa to'ipwala 'ina mai boiboiya nadigega,

Maki 13:31

“Ma'etamo galewa ta bale'u sisasawala ta 'igu onao geya'abo sa'i sisawasawala.

2 Pita 3:12

Ta wada yamwayamwa ma imi nuwayaina 'Inapwana 'ina 'asiyata 'ina mai manini manuna, be tuta nina 'enaya Yaubada gimigalewa be gimibale'u 'iloesawalidi 'awe 'ala'alasina 'enega,

E'ita'ita 3:3

Ta lowa e'ita nina sie'itemiya ga wanononaya, 'enega wada nuwa'i'isi be wasanaila, ta wamuliya 'ai'aila. Ta 'abo nigeya 'eno'enoega watootoolo, 'etamo 'emiya yawawai be yaloesalutuimi nadigega to'ipwala, ta nigeya wamwalamwalatoni to tuta 'ena yawawa.

Luke 12:39

“Ta wate yage 'ebweuna gete wada nuwa'i'isi, 'eguma tonianuwa 'imwalatonina to tuta 'ena to'ipwala 'ilugulugu 'ina anuwaya, 'ida gibubuna 'ai'aila ta 'ida yaweyawe be geya'abo 'ina anuwa 'ibwalebwale.

E'ita'ita 20:11

'Enega 'ebweu 'ebemi esaesa wakewakekena ta sinabwana, be 'ana tomiya nina, ya'itena. Ga matanega galewa be bale'u sisawala, be nigeya sawesawenaya taloba limadi.

1 Kolinita 5:5

toto'umalina nina wa'ebwayae Seitani 'enaya be 'aene bwalana 'igieto'umaliye, be 'enega ma'etamo 'ida 'Inapwana 'ina 'asiyata 'enaya tai nina yaluyaluwana 'i'etoseye.

Loma 8:20

Ta Yaubada 'ina mwelumweluluwao nigeya to'umalidi, ta esi 'iloinedi be gete tuga sida eyage besobeso, ta esi mwelumweluluwa nidi ma idi emisa,

Yude 1:6

Aniloseyao wate wanuwa'i'isidi, manuna lowa 'aidi taudimo sigitu'eyedi, ga 'idi 'ebe miyao sipilisinedi, 'enega Yaubada 'iyonidi ga sena guguyoi ni'uya 'ena 'isa'udi, ga nada 'aene simimi be 'ana laba bwa'omatana 'ana 'asiyata 'iapwesa.

2 Kolinita 1:14

nadigega tupwana ni'atu wamwalatonina, be 'enega ma'etamo 'Inapwana Yesu 'ina 'asiyata sinabwana 'enaya wada gwausowala 'abo'ama manuma, ta 'abo'ama sa'i 'ada gwausowala manumi.

1 Kolinita 1:8

Manuna tauna 'igiegie pa'alimi be 'ana laba 'asiyata nina 'iila limanama.

1 Tesalonaika 5:4

Ta gosemao, 'omi nigeya sena guguyoi 'ena wamiyami, 'enega 'inapwana 'ina ila limanama manuna geya'abo wa'ate'ate sa'ala, ta sa'i guguyoi 'ana tomiyanao 'ida loesalutunidi, to'ipwala nadigega.

2 Pita 3:11

Ta 'abo yage nidi maibo'ana ma'etamo sisasawala, 'ilobwenena be ma imi bubuna 'esasena ta ma imi 'amayaba Yaubada 'enaya wada guinuwa.

E'ita'ita 6:14

Ta galewa ya'itena 'atuwa pwepwai nadigega 'i'enunumina ga 'isawala, 'enega 'oya be salu 'ebweuna 'ebweuna 'adi 'autui sipilisinena.