2 Pita 1:20 - Loina Tabu Auwauna NT

²⁰ Ta yage gete wada nuwasabwaleni 'aene palopitao 'idi ona Buki Tabu solanaya nigeya sawesawenaya taudamo 'adi gibui tamwalatonidi,

2 Pita 1:20 Referans Kwoze

2 Pita 3:3

Ta 'ebweu yage wada gimimwalatoni 'aene tuta 'ana 'ebe losalowa 'enaya 'aina totuyeya sida apwesa, be 'Inapwana 'ina 'eda manuna sida onaona besobeso, ta situyetuyeya, be taudi 'idi nuwanuwa to'umalidi simuliyedi,

Loma 12:6

'Ebweuna 'ebweuna 'abo'ada 'ida mwalatoi be 'ida waiwai Yaubada 'i'ebwa'eda, ta wate 'aidi 'adi egueguyai dumadumana 'i'ebwa'edi. Manuna 'abo yaita 'emiyega ma ina emisa be wate ma ina mwalatoi guguya manuna, ni'atu 'ana lobwene 'ai'aila be nadigega 'ida guinuwa.

Yemesa 1:3

ta wada mwalatoni 'aene gete 'ebe toona 'imi emisa manuna be 'enega wada toolopa'ala.

1 Timoti 1:9

Manuna loina nidi Yaubada nigeya 'isa'usa'udi topalupaludi manudi, ta esi tole'oa loina be tooopa'ala manudi, taudi nigeya Yaubada sida 'amayabena, be toto'umalidi, baibailidi, to'awasewa, taudi sinadiyao be tamadiyao be mali tomota 'adi toloemwawasao,

Loma 13:11

'Enega gete tugai 'ilobwene 'ai'ailimi be nadigega wada guinuwa'esa, manuna tuta 'iabe 'igugumwala. Yesu ni'atu waemisena, 'enega geya'abo wa'eno'eno, ta esi wada yaweyawe, manuna tuta gidalina namo 'ena be 'ada To'etoseyana nina 'iapwesama.

Loma 6:6

Ta wada nuwa'i'isi 'aene 'ida bubuna kadekadelina ni'atu kelose 'enaya 'iloemwawasina, be 'aene tauda 'ida loina 'igugumwala, be 'enega geya'abo wate bubuna to'umalina 'ina loina 'ena tamiyami,

2 Timoti 3:16

Ona'ai'aila, Buki Tabu 'ina onao maibo'adi Yaubada Yaluyaluwana 'enega simai, be ona nidi 'ediyega 'ada e'ita be 'ada guguya be 'ada giepaepalu be 'ida waiwai talobalobadi,