2 Pita 1:19 - Loina Tabu Auwauna NT

¹⁹ Ta palopitao lowa 'idi ona 'ediyega Keliso sigimi simanena, ta 'abo'ama 'a'itena, 'enega 'omi 'ilobwenemi be ona nidi wanuwa'i'isidi, manuna ona nidi 'atuwa mayale sena guguyoi 'enaya 'imaemaedana be 'ana laba tomwa 'iulisi ta 'Ubwana 'atemiya 'isasae.

2 Pita 1:19 Referans Kwoze

E'ita'ita 22:16

“'Abo'agu Yesu, ta 'igu anilose ni'atu yaetunenawa 'emiya, be yage getedi 'ida simanedi toekalesiyao 'emiya. 'Abo'agu Debida 'ina susuyega, ta 'abo'agu wate 'ubwana nina tuyayaligu.”

Yoni 5:39

“Tuta yauyauna Buki Tabu wasawasawa ga wanuwena 'aene ma'etamo yawasimi ataya wada loba, ta nigeya wanuwanuwa sabwaleni 'aene Buki Tabu nina 'isimasimanegu.

E'ita'ita 2:28

Ta wate 'ubwana yada 'ebwa'emi.

Yoni 5:35

Ta Yoni nina nadigega mayale tuyatuyayalina, ga 'omi lowa tuta gidalina namo 'enaya nuwanuwami, ga 'ina maedana nina 'enega wagwaugwausowala.

Madiu 4:16

Taudi guguyoi 'ina sena 'ena simiyami, ta esi gete tuga maedana sinabwana ni'atu si'itena. Manuna lowa mwawasa 'ina sena to'umalina 'ena simiyana, ta gete tuga maedana ni'atu 'ediya 'isae.”

Yoni 8:12

Ta Yesu 'ediya 'iona limana, 'igwae, “'Abo'agu me bale'u 'idi maedana, be 'enega yaita tauna 'imuliyegu maedana nina yawasina 'ena 'ida sae, ta geya'abo wate guguyoi 'ena 'itautauya.”

1 Yoni 5:10

'Enega 'eguma tauna taemise, 'atedaya talotoo 'aene tauna Yaubada Natuna. Ta esi 'eguma Yaubada geya'abo taemiemise, gote 'enega ta'awa kabokaboe, manuna 'ina simana Natuna manuna nigeya taemiemise.

1 Pita 1:10

Gete 'etoseyana nina lowa palopitao sienaidena ta si'ebesena, ga 'etoseyana nina 'edaya siona upaupaena be 'aene Yaubada 'ida 'ebwa'eda.

Yemesa 2:8

Ta 'ida 'Inapwana 'ina loina sinabwana Buki Tabu 'ena 'igwae, “Gosemwao 'uda obobomedi nadigega tauyo 'amu oboboma.” Loina getei 'abo 'umuliya 'ai'aili, gete bubuna bobo'ana.

Guinuwa 17:11

Lowa Tesalonaika 'ena me Yudia geya nuwadi tetela nina, ta sa'i me Yudia Belia 'ena 'idi tagwala bobo'ana, ga tetela nina nuwadi 'i'ewena, 'enega 'asiyata 'ebweuna 'ebweuna Buki Tabu sisawasawa be 'aene tetela gete 'ana 'ai'aila sida mwalamwalatoni.

Guinuwa 15:29

'Etoboda nidi nate, to'ase tomota sitalitaliyae mali 'ebe bwagobwagoyao 'ediya, geya'abo wae'ani, wate yobai malaladi ta yobai didimagadi esiyodi geya'abo wae'enidi, ta wate geya'abo waloeloelata. 'Eguma 'etoboda getedi 'ediyega wa'ita'i'isimi, 'imi miya bobo'ana. Kaiyoni.”

3 Yoni 1:6

Ta tasidao nidi 'eguma siilama, 'imu lema 'ediya manuna sisimasimana toekalesiyao 'emaya. Ona'ai'aila, taudi Yaubada 'ina toguinuwao, 'enega 'ilobwenena be 'eguma sipilipili sinemi nima 'abiyadi wate wa'ebwa'edi.

Ibeliu 2:2

Lowa aniloseyao Yaubada 'ina ona sisimanena tomota 'ediya, ta ona nina ona 'ai'aila, 'enega 'abo tomota nigeya simulimuliye 'idi to'umalinao 'ebweuna 'ebweuna 'ana e'isa siloba.