2 Pita 1:1 - Loina Tabu Auwauna NT

¹ 'Abo'agu Yesu Keliso 'ina toguinuwa, nai 'ana tosimana, 'imi leta ya'etoladinawa, manuna 'omi be 'abo'agu 'ida emisa leleleya, tauna 'ida Yaubada be 'ada To'etoseyana Yesu Keliso 'idi loina bobo'ana 'enega talobena. Gete yage nina 'edaya yage sinabwana.

2 Pita 1:1 Referans Kwoze

Taito 2:13

Gete tuga ma ida gwausowala 'ada To'etoseyana Yesu Keliso taemisena, tauna 'ida Yaubada waiwaina ta ma ina esaesa, 'enega 'ina apwesama manuna tayamwayamwa.

Taito 1:4

Taito 'oyo ya'awanatu 'ai'ailemu 'ida emisa 'ebweuna 'enega. Tamada Yaubada be 'ada To'etoseyana Yesu Keliso 'idi obobomega sida lemeyo, be 'uda miya guguya.

2 Kolinita 4:13

Lowa 'ebweuna tai 'i'etoladina, 'igwae, “'Abo'agu yaemisena, 'enega yaona apwesena.” 'Abo'ama wate 'ima emisa tauna nadigega, ga 'enega 'ima emisega 'asimasimana,

Yoni 12:26

“'Enega 'abo yaita nuwanuwana be 'eguya 'ida etoguinuwa, nugana 'ida muliyegu, be 'enega to sena 'enaya yamiyami tauna ma'iyagu, ta wate 'abo yaita manugu 'ida etoguinuwa, Tamagu 'ida 'awa bobo'ane.”

Loma 1:12

Gete 'enega 'omi be 'abo'agu taelemalema, be 'enega 'omi 'imi emisega wada lemegu, ta 'abo'agu wate 'igu emisega yada lememi.

2 Pita 1:4

Ta wate 'ina onaupaupa bobo'adi ta waiwaidi 'ediyega bubuna bale'u 'ana yalakwaiyao to'umalidi waebesinedi, ga Yaubada 'ina bubuna bobo'ana walobena.

1 Pita 1:1

'Abo'agu Yesu Keliso 'ana tosimana, gete 'igu leta 'emiya, 'omi Yaubada 'ina tomotaiyao waesugalagala mali sena 'ediya, nadigega Ponito be Galetia be Kapadosia be Esia, be wate Bitinia 'asadiyao 'ediya.

Epeso 4:11

Ta 'ina egueguyai gete nadigega, 'aina tomota sietosimana be 'aidi siepalopita be 'aidi sietologuguya be 'aidi sietoanugana be 'aidi sietoe'ita.

Loma 1:1

'Abo'agu, Yesu Keliso manuna yaetopaisewa, ta Yaubada 'iesinuwegu be 'ina tetela bobo'ana manuna yada etosimana.

Luke 1:47

ta yagwaugwausowala Yaubada tauna 'agu To'etoseyana 'enaya.

1 Pita 5:1

Toekalesiyao 'idi 'inapwanao 'omi, 'aene yada gienuwa'i'isimi 'imi paisewa manuna. Manuna 'abo'agu 'ebweu wate toekalesiyao 'idi 'inapwana, ga 'abo'agu mataguyega Keliso 'ina 'elouya ya'itena, be ma'etamo 'ina esaesa maemaedanina 'ena yada miyami to tuta 'abo 'ina esaesa nina 'igieapwese.

2 Timoti 1:5

Ta wate 'imu emisa 'ai'aila Yaubada 'ena yanuwa'i'isina, nadigega sinayo Yunisi be tubuyo Loise Yaubada siemisa 'ai'ailena, 'enega 'oyo wate gete tugai Yaubada 'uemisa 'ai'ailena.

Pilipai 3:9

ta wate nuwanuwagu Keliso ma'iyagu 'ada miyami, nigeya 'aene taugu 'igu bubuna palupalunega, nai Mosese 'ina loinao 'ediyega, ta esi emisa Keliso 'enaya 'enega, nate 'ida bubuna palupaluna Yaubada 'i'ebwa'eda 'ida emisa Keliso 'enaya manuna.

Guinuwa 15:14

Saimoni 'edaya 'isimanaya 'aene Yaubada ni'atu 'ie'ale, ga taudi nigeya me Yudia 'ediyega 'aina 'ina tomotaiyao 'iesinuwedi.

Madiu 10:2

Tonono nidi 'adi esanao getedi: Nugana Saimoni, tauna sieesena Pita, ta tasina Anidulu, be Yemesa ta tasina Yoni, taudi tamadiya Sebedi,

1 Pita 2:7

Ta 'omi yaisigedi 'ola gete waemisena, 'emiya 'ola bobo'ana wawasae, ta yaisigedi taudi nigeya 'ena siemiemisa manudi Buki Tabu 'ena 'isimana, 'igwae, “'Ola nina lowa to'abi anuwa siguitoyasena, ta gete tugai ni'atu sietoolona be 'ie'ola nugana, be 'ola maibo'adi 'iloinedi.”

1 Pita 1:7

Gete 'ediyega 'imi emisa Yesu manuna Yaubada 'itoodi. Nadigega tuga goula kaiwe sabeluluyega sitootoodi. Ta esi 'imi emisa goula 'isinabwa sinena, manuna goula yage gumwagumwalina. Ta 'abo 'imi emisa waiwaina, ma'etamo Yesu Keliso 'ina apwesama 'enaya, tupu be esaesa be 'amayaba wada lobadi.

Taito 1:1

Natugu Taito, 'imu leta gete 'eguyega. 'Abo'agu Yaubada 'ina toguinuwa ta Yesu Keliso 'ana tosimana, 'igu guinuwa nina 'i'ebwa'egu be taudi Yaubada 'ana esiesinuwao yagiepa'alidi, be siemisa 'ai'aila, ta nuwadi 'isabwalena, be 'enega mwalatoi 'ai'ailega sida bubuna palupalu.

Pilipai 1:29

Manuna Yaubada ni'atu 'itagwala 'emiya be Keliso 'ena waemiemisa, be tauna wate manuna wada 'elouya,

Epeso 4:5

'ida 'Inapwana wate 'ebweuna namo, 'ida emisa 'ebweuna namo, 'ida bapitaiso 'ebweuna namo.

Epeso 3:5

Ta sinasinapu nina 'epatao taudi sigumwalaya nigeya simwalamwalatoni, ga gete tuga Yaluyaluwa Tabuna 'igieapwesena 'ina tosimanao esiesinuwadi be palopitao 'ediya,

Galetia 2:8

Manuna Yaubada Pita waiwai 'i'ebwa'ena 'ina guinuwa me Yudia manudi, ta 'abo'agu wate nadigega waiwai 'i'ebwa'egu 'igu guinuwa taudi nigeya me Yudia manudi.

2 Kolinita 5:21

Yaubada nina 'abo'ada manuda Keliso 'iloinena, tauna nigeya 'ebweu wate 'ina to'umalinamo, ta Yaubada 'itagwalena be Keliso nina 'atuwa tai to'umalina, be tauna 'enega 'abo'ada Yaubada 'ina bubuna palupaluna tada lowa'elu.

1 Kolinita 15:9

Ta wate 'abo'agu tai to'umaligu. Manuna Yaubada 'ana toemisao yagie'elouyaedi 'enega Keliso 'ana tosimanao maibo'adi sibobo'ana sinegu.

1 Kolinita 9:1

Geya'abo tomota sitootoo be siloinegu, nai silomulomugiyegu, ta esi wanuwa'i'isi 'aene 'abo'agu 'Inapwana Yesu 'ina toguinuwa 'ebweu, ga 'Inapwana nina ni'atu ya'itena, ga tetelina wate 'emiya yasimanena, ga waemisena,

1 Kolinita 1:30

Manuna Yaubada tauna 'ina guinuwega Yesu Keliso ma'eda tae'ebweu, 'enega Yaubada 'ina sinasinapu Yesu nina 'isa'u balenaya 'edaya, manuna Yesu tauna 'italiyaena manuda, ga 'enega 'igie'esaseda, ta 'igiepaepaluyeda.

Loma 1:17

Ona'ai'aila, tetela gete 'ie'iteda 'aene 'ida emisa namo 'enega Yaubada 'ida 'awa palupaluyeda. Manuna Buki Tabu wate 'ina simana nadigega, 'igwae, “Topalupaluyao 'idi emisega yawasidi sida loba.”

Yoni 20:21

Ta Yesu wate 'ediya 'igwae, “Geya'abo wamatamatauta. Tamagu tauna 'ietuneguma, ta 'abo'agu wate nadigega yada etunemi.”

Yoni 1:42

Ga Saimoni 'i'au'ewena ga Yesu 'ena 'ime'ena. Gote 'ena Yesu Saimoni 'i'itena ga 'ieonena, 'igwae, “'Oyo 'amu esana Saimoni, Yoni natuna, ta 'amu esana auwauna yada bwauye Pita, 'ana gibui Gulewa.”

Luke 11:49

Yage getedi manudi Yaubada 'ina sinasinapu 'isa'una, 'igwae, ‘'Etamo 'aidi palopitao be 'igu tosimanao yaetunediwa, be 'aidi waloemwawasidi ta 'aidi wapa'idi.’

Madiu 4:18

'Enega 'ebweu tuta Yesu ola Galili le'awinaya 'iwadawada'e ga togomana siteluwa matasina 'i'itedi 'idi gomana siyauyauye, 'ebweu Saimoni, tauna watece sieesena Pita, ta tasina 'ana esana Anidulu.

Pilipai 1:1

'Abo'agu ta Timoti ma'iyagu 'aguiguinuwa To'etoseyana Yesu manuna, 'imi leta 'a'etoladinawa 'omi me Pilipai Yesu Keliso 'ina toekalesiyao, be wate 'imi toanuganao be 'imi dikoniyao ma'emiyao.

Yemesa 1:1

Kagutoki 'omi Yaubada 'ina tomotaiyao susu tuwelo 'ediyega waesugalagalaya sena yauyaudi 'ediya. Gete 'imi leta ya'etoladinawa, Yaubada be 'Inapwana Yesu Keliso 'idi toguinuwa 'abo'agu.

Yude 1:1

'Abo'agu Yesu Keliso 'ina toguinuwa, ta tasigu Yemesa. Gete 'imi leta ya'etoladinawa, 'omi Tamadai Yaubada 'ana esiesinuwao, manuna 'iobobomemi ta Yesu Keliso 'i'ita'i'isimi.