2 Kolinita 7:8 - Loina Tabu Auwauna NT

⁸ Lowa 'imi leta ya'etoladina, ga 'igienuwa mwauyemi, ga 'abo'agu wate manuna yanuwamwau, ta gete tuga geya'abo yanuwanuwa mwau leta nina manuna, manuna 'omi 'imi nuwamwau tuta gidalina namo 'enaya.

2 Kolinita 7:8 Referans Kwoze

E'ita'ita 3:19

“Ta wada nuwa'i'isi 'aene yaisigedi 'omi yaobobomemi, 'enapa'alega be loinega yagiepaepaluyemi. 'Enega wada ewaiwai be 'imi to'umalina 'enega wada nuwa'ebuni.

2 Kolinita 7:11

Ona'ai'aila, 'imi nuwamwau gete 'enega Yaubada 'ilememi, ga waetaetapewa, ta waewaiwai be 'imi bubuna 'ida bobo'ana maibo'ana, 'enega to'umalina nina manuna wagamwasowala ta wamatauta, ta nuwanuwami be yawawai 'emiya, ta wate waewaiwai ga to'umalina nina wae'isena. Yage maibo'adi 'ediyega 'imi guinuwa bobo'ana wae'itaena.

2 Kolinita 7:6

Ta Yaubada, tauna tonuwamwau 'adi togiegwausowala, 'abo'ama 'igiegwausowalema yage 'eluwa 'ediyega, nate Taito 'ina mai 'enega,

Yoni 21:17

Ta Yesu wate 'ina ona 'etonina Pita 'ena 'igwae, “Saimoni, 'oyo Yoni natuna, 'uobobomeguya?” Ga gote 'ena Pita nuwana 'imwau, manuna Yesu 'ienaenaida matoi 'enaya, 'igwae, “'Uobobomeguya?” Ta Pita 'iona limana ga 'ena 'igwae, “'Inapwana yage yauyauna 'umwalamwalatonidi, 'enega 'umwalatonigu 'aene yaobobomemu.” Ga Yesu wate 'ena 'iona, 'igwae, “'Igu sipiyao 'u'ita'i'isidi.

Yoni 16:6

Ta 'enega 'igu ona manudi nuwami simwau sinabwana.

2 Kolinita 7:7

ta wate tetelimi 'enega, manuna Taito 'ieonegu, 'igwae, “Me Kolinita nidi nuwanuwadi be 'utatauya sabi ayausidi. Ta ni'atu 'imu ona manuna sitagwaledi ga 'idi to'umalina 'enega sinuwa'ebuni ma idi dedoi. Gete ya'itena ga yagwausowala sinabwana.”

2 Kolinita 7:9

'Enega 'abo'agu yagwausowala, nigeya 'imi nuwamwau manuna, ta esi manuna 'imi nuwamwau 'enega wanuwa'ebuni 'imi to'umalinao 'ediyega. 'Imi nuwamwau nina walotoonaya 'aene Yaubada 'enega 'imai, ta nigeya 'ebweu wate 'emiya to'umalina yaguiguinuwe.

2 Kolinita 7:12

'Imi leta lowa ya'etoladina nigeya gosemi toguinuwa to'umalina namo manuna, ta nigeya tauna 'ana togieto'umali manuna, ta esi 'omi maibo'ami manumi, be 'aene Yaubada matanaya 'imi etapewa wae'itae 'igu ona 'ana ematamatana manuna.