2 Kolinita 7:3 - Loina Tabu Auwauna NT

³ 'Igu ona gete nigeya sabi 'enapa'alimi, manuna ni'atu nuwama wa'ewena, nadigega lowa yaeonemi be 'aene 'omi ma'egwao tada miya mwawamwawasa.

2 Kolinita 7:3 Referans Kwoze

1 Tesalonaika 2:8

Ta nuwama wa'ewena, 'enega ma ima 'atetagwala 'emiya Yaubada tetelina 'asimanena, ta wate 'abo'ama taumamo 'atagwalema, ga 'aegosigosiyana 'ai'ailemi.

2 Kolinita 13:10

'Imi leta gete 'edasolega ya'etoladinawa be 'abo tuta nina yawawai geya'abo yaloiloina pa'ala 'emiya, manuna loina nina 'Inapwana 'i'ebwa'eguya nigeya sabi gieto'umaliyemi, ta esi sabi giewaiwaiyemi.

2 Kolinita 12:15

Ni'atu yatagwala be 'igu gwegweyao be 'igu tuta be yawasigu wate yada 'ebwaya yaluyaluwami sabi 'etoseyedi. 'Igu oboboma 'emiya sinabwana, 'enega mwa'adega ga 'enega 'omi 'imi oboboma 'eguya gidalina tuga?

2 Kolinita 11:11

Ta to'ase 'alena? Nai 'igu ona gete manuna ga yaguitoyasemi? Nigeya sa'i! Yaubada 'imwalatoi 'ai'ailigu yaobobomemi.

2 Kolinita 7:12

'Imi leta lowa ya'etoladina nigeya gosemi toguinuwa to'umalina namo manuna, ta nigeya tauna 'ana togieto'umali manuna, ta esi 'omi maibo'ami manumi, be 'aene Yaubada matanaya 'imi etapewa wae'itae 'igu ona 'ana ematamatana manuna.

2 Kolinita 3:2

Manuna 'omi tuga 'ima letao nidi, be tomota maibo'adi 'emiyega sida sawa, be 'aene 'imi bubuna bobo'ana sida 'ita, be 'enega 'ima guinuwa 'emiya sida mwalamwalatoni 'ibobo'ana,

Pilipai 1:7

Ona'ai'aila, 'ilobwenena be manumi to'ase yalotolotoona nadigega, manuna 'omi nuwagu wa'ewena, manuna 'omi ma'egwao Yaubada 'ilemelemeda gete tuga deliya yamiyamiya, ta 'ilemelemeda wate tetela bobo'ana 'ana e'ita be 'ana 'ebe ewaiwai 'ediya.