2 Kolinita 7:15 - Loina Tabu Auwauna NT

¹⁵ Taito ni'atu 'imi ematamatana maibo'ana 'inuwa'i'isina, tuta nina tauna 'ena watagwalemi ma imi 'atesa'ala, 'enega nuwana wa'ewa 'ai'ailina.

2 Kolinita 7:15 Referans Kwoze

Pilipai 2:12

Gosegwao 'omi ematamatana 'alemi. Lowa mataguya waematamatana, ta gete tuga 'emiyega yamiya 'edasola, ta tuga ma'etamo waematamatana 'ai'aila. 'Enega 'ilobwenemi be Yaubada wamataute be wate watoo waiwai be 'ina 'etoseyana waloba,

2 Kolinita 2:9

Gete manuna 'imi leta ya'etoladinawa be 'aene yatoomi, nai loina maibo'ana waematamatanedi, nai nigeya.

1 Yoni 3:17

Wada nuwa'i'isi 'aene 'eguma yaita toesaesa 'imiyami, ta gosiyana 'ebweu 'imiyamwau, be 'eguma nigeya 'ebweu wate lema 'i'ebwa'ebwa'e, mwa'adega Yaubada 'ina oboboma 'atenaya? Nigeya.

2 Tesalonaika 3:14

'Eguma yaita e'ita nidi 'imi leta gete solanaya 'isinalidi, geya'abo tai nina wa'ita'ita nao, be 'enega 'ina guinuwa nina manuna 'ida omayamaya,

Kolose 3:12

Ta 'omi Yaubada 'ina obobomega 'iesinuwemi tauna manuna, 'enega 'ilobwenemi be wa'atenuwa 'ole'ole, be waeobooboboma, be wanuwamwa'uta ma imi 'atetagwala ta ma imi e'alama'i'ita,

Pilipai 1:8

Yaubada wate 'imwalatonigu 'aene Yesu Keliso 'ina obobomega nuwanuwagu 'omi,

2 Kolinita 6:12

ga 'ateguyega yaobobomemi, ta esi nigeya wada gwausowala 'eguya.

Guinuwa 16:29

'Enega to'ita'i'ita nina 'ina toguinuwao 'ediya 'ibwau be mayale sime'e, ga mayale 'i'ewena, ta 'ipili ga 'ilugu ma ina dedela, manuna 'imatauta, ta 'ibe'usana mwa'uta Paulo be Sailasa matadiya.

Epeso 6:5

'Omi topaisewao 'imi 'inapwanao bale'uya wada 'amayabedi, be 'idi ona waematamatanedi, nadigega Keliso 'ina ona waematamatana 'esena, ta geya'abo wate waenuenuwanaluwa.

Yoni 16:21

“Nadigega tuga 'abo waine 'ina tuta enatuna 'enaya 'elouya 'ilobaloba, ta 'abo 'ina enatuna mulinaya 'elouya maibo'ana 'inuwapupuledi, manuna gwama ni'atu 'itubuwa ga ma ina gwausowala.

1 Kolinita 2:3

'Enega 'igu apwesa 'emiya 'atuwa toneneta, ta ma igu dedela be ma igu 'atesa'ala,