2 Kolinita 7:10 - Loina Tabu Auwauna NT

¹⁰ Ona'ai'aila, nuwamwau Yaubada 'enega yage bobo'ana, ta 'igienuwa 'ebunida, be 'enega 'etoseyana taloba. 'Enega geya'abo nuwamwau nina taguiguitoyasei. Ta esi mali nuwamwau bale'u 'enega ma'etamo 'iloemwawasida.

2 Kolinita 7:10 Referans Kwoze

Guinuwa 3:19

'Enega 'ilobwenemi be wanuwa'ebuni be 'imi loegesiyao 'ida 'ewayauledi, be 'ami lotoona bobo'ana wada loba 'Inapwana tauna 'enega,

Guinuwa 11:18

Pita 'ina ona gete sinononaya, ta nigeya 'idi 'ebe onamo, ga Yaubada situpuna, sigwae, “Ona'ai'aila, Yaubada ni'atu 'itagwatagwala taudi nigeya me Yudia 'ediya, be 'idi nuwa'ebuniyega yawasi ataya sida loba.”

Luke 18:13

“Ta esi takisi 'ana to'ewa nina ma'alenega 'itoolo ga ma ina omayamaya lumalumana 'itutuna, ta 'ikopu sanamwa'uta ga 'isidasida, 'igwae, ‘Yaubada ye, ni'atu 'umwalatonigu 'aene 'abo'agu toto'umaligu, 'enega 'uda 'atenuwa 'ole'oleyegu!’

Luke 15:10

Nadigega wate 'abo 'ebweu toto'umalina 'inuwa'ebuni, 'iabe Yaubada 'ina aniloseyao manuna sigwausowala sinabwana.”

Ibeliu 12:17

Ta wanuwa'i'isi 'aene tuta muliyega Iso onaupaupa nina 'inuwena, ga manuna 'idedoi, ta nigeya sawesawenaya be sisa'u gelasa limana, manuna ni'atu tasina 'i'ewena.

2 Kolinita 12:21

'Igu 'atesa'ala nina 'aene 'abo yawai limana 'emiya be 'ebe omayamaya Yaubada 'i'ebwa'egu matamiya, be taudi lowa siloegesi, ta 'idi bubuna baibailidi be loelata be sogala 'ediyega nigeya sinuwanuwa 'ebuni, taudi sida gienuwa mwaugu be manudi yada dedoi.

Madiu 26:75

'Enega Pita Yesu 'ina ona 'inuwa'i'isina 'aene “Muliyega be kakaleko 'igwagwane ta 'oyo matoi 'ueyaseyaseyegu.” 'Enega Pita nuwana 'imwau sinabwana ga 'iapwesa 'atamanaya ga 'idedoi.

2 Kolinita 7:9

'Enega 'abo'agu yagwausowala, nigeya 'imi nuwamwau manuna, ta esi manuna 'imi nuwamwau 'enega wanuwa'ebuni 'imi to'umalinao 'ediyega. 'Imi nuwamwau nina walotoonaya 'aene Yaubada 'enega 'imai, ta nigeya 'ebweu wate 'emiya to'umalina yaguiguinuwe.