2 Kolinita 7:1 - Loina Tabu Auwauna NT

¹ Gosegwao, Yaubada 'ina onaoboboma getedi tada nonodi be ooda be yaluyaluwada tagie'esasedi yage baibailidi 'ediyega, be ta'esasa 'ai'aila ma ida 'amayaba Yaubada 'ena.

2 Kolinita 7:1 Referans Kwoze

1 Tesalonaika 4:7

Manuna Yaubada 'iesinuweda nigeya bubuna baibailidi manudi, ta 'esasedi esi manudi.

1 Pita 2:11

Ta gosegwao 'emiya yada simana apwesa 'aene 'abo'ada bale'u gete 'enaya toesugalagala, 'enega 'imi yalakwaiyao nidi 'atemiya simiyami waguitoyasedi, manuna yaluyaluwami sietalauwaledi.

Yemesa 4:8

Ta wada mai Yaubada selabenaya be 'enega tauna wate 'ida wai selabemiya. Ta 'omi to'umalimi ta kabokabomi nimami wada 'utudi be 'atemi wada gie'esasedi,

1 Yoni 3:3

'Ida emisa yage gete manuna 'enega 'ida bubuna tagie'esasedi, nadigega Keliso.

1 Tesalonaika 5:23

Yaubada tauna gwausowala 'alena 'enega yaluyaluwami be nuwami ta oomi 'ida gie'esasa 'ai'ailidi be sida maedana, be 'enega ma imi bubuna bobo'ana wada miyami be 'ana laba Yesu Keliso 'iila limanama.

1 Pita 1:22

'Enega ni'atu 'eda palupaluna wamuliya 'ai'ailina, gote 'enega 'imi 'esasa walobena, ta wate taudi gosemiyao waobobomedi 'atemi maibo'ana 'enega, 'enega 'ilobwenemi be wada eobooboboma 'ebweuna 'ebweuna, oboboma 'ai'aila 'enega.

1 Kolinita 6:20

Manuna ni'atu 'iemaisida, 'enega 'ilobweneda be ooda 'ediyega 'ana esana tada giesinabwa.

1 Yoni 1:7

Ta 'eguma sena maedana 'ena tamiyami, nadigega Yaubada nina sena maedana 'ena 'imiyami, nate taegosigosiyana 'ai'aila, manuna Natuna Yesu lalanega 'igie'esaseda 'ida to'umalinao maibo'adi 'ediyega.

Ibeliu 4:1

'Ina onaupaupa manuda 'etamo 'imiyami, 'aene 'ina eyawai'ata tauna 'enega tada loba, 'enega 'ilobweneda be tamatauta 'abona nai 'aimi wabebe'u be geya'abo walobaloba.

Madiu 5:48

Ta 'omi 'ilobwenemi be adelimi bobo'ana maibo'ana, nadigega Tamami galewaya.

Madiu 5:8

'Omi to'ate'esasa wada gwausowala, manuna ma'etamo Yaubada wa'ita.

1 Yoni 1:9

Ta esi 'eguma tasimana 'ai'aili be tagwae, “O! Ni'atu yaloegesi,” Yaubada 'ida to'umalinao 'ida nuwataudi be 'enega 'igie'esasa 'ai'ailida, sawesawenaya be Yaubada tauna Topalupaluna taemise.

Epeso 2:3

'Abo'ada wate lowa taudi nadigega, ta ooda 'ina yalakwaiyao tamulimuliyedi, be to'ase tauda 'ida nuwanuwa taguiguinuwedi. 'Enega 'ana lobwene be Yaubada 'igamwasowaleda manuna adelida toto'umalida, nadigega me bale'u maibo'adi.

Loma 5:20

Ona'ai'aila, tuta nina Mosese 'ina loina 'iapwesa, to'umalina sisinabwa, ta esi Yaubada 'ina 'ebwayadaita 'isinabwa wawasae.

1 Pita 5:10

Yaubada tauna 'atenuwa'ole'ole 'alena ni'atu 'ibwauyeda be 'aene 'ina esaesa miyamiya atayana 'ena tada miyami Keliso ma'eda. Ta 'imi 'elouya tuta kukupana namo be sigugumwala, ta muliyega Yaubada 'ida gie'esasemi be 'ida giepa'alimi be 'ida giewaiwaiyemi be 'aene wada miya bobo'ana.

Ibeliu 12:28

Gete 'ida sena auwauna 'ena talugulugu, waiwaina ta miyamiya atayana, 'enega 'ilobweneda be Yaubada 'enaya tada lokagutoki, be tada lotapwalolo to'ase 'ina nuwanuwa 'ana lobwene nadigega, be wate tada 'amayabei ma ida matauta,

Ibeliu 12:23

ta wate wamai tomota nidi Yaubada 'i'awa natunedi ga 'adi esanao galewaya 'i'etoladidi 'ediya, ta wate tauna 'abo'ada be yage maibo'ana 'ada toloina, nate Yaubada 'ena, ta wate taudi yaluyaluwadi Yaubada 'igiepaepaluyedi 'ediya,

1 Tesalonaika 3:13

be ma'etamo tuta nina 'ida 'Inapwana Yesu, ma 'ana toemisao siapwesama, 'omi ma imi waiwai, ta ma 'ate'esasemi, Tamada Yaubada matanaya wada toolo.

2 Kolinita 1:20

Manuna Yaubada 'ina onaoboboma maibo'adi 'itagwala Yesu namo 'enega. 'Enega Yesu nina 'ana esanega taloeimeni, ta Yaubada tatupuna.

Guinuwa 9:31

Gote 'ena toekalesiyao me Yudia be me Galili be me Samelia senadiyao 'ediya simiya gwausowala, ta sipa'ala, ta ma idi 'amayaba 'Inapwana 'ena, ta Yaluyaluwa Tabuna 'ina 'ita'i'ita 'enega 'adi boda 'isinabwa.

Madiu 12:33

Yesu wate 'ieonedi, “Kaiwe 'eguma bobo'ana, uwana wate bobo'ana. Ta 'eguma kaiwe to'umalina, uwana wate to'umalina. Manuna kaiwe 'ebweuna 'ebweuna uwadi 'ediyega tamwalamwalatonidi 'aene kaiwe nidi bobo'adi nai to'umalidi.

Ibeliu 6:9

Ta gosegwao, 'igu ona getedi emataluwa tuga, ta yanuwayaina obobomega 'aene 'omi Keliso 'ina 'etoseyana 'ana to'ewao wada ewaiwai 'ai'aila.

1 Pita 1:15

Ta esi 'imi guinuwa maibo'adi 'ediya wada bubuna palupaluna, nadigega tauna 'ibwauyemi 'ina bubuna 'esasena.

1 Pita 1:17

'Etamo Yaubada 'ina loina 'ebweuna ta palupaluna 'enega tomota maibo'ada 'ida loineda, nadigega 'ida guinuwa, bobo'ana, nai to'umalina. Tauna Yaubada nina waeesena Tamami 'imi sidasidao 'ediya, 'enega 'ilobwenemi be wada 'amayabe tuta maibo'ana bale'u gete 'ena wamiyami.