2 Kolinita 6:9 - Loina Tabu Auwauna NT

⁹ Wate tomota nigeya simwalamwalatonima ta Yaubada esi 'imwalamwalatonima. 'Abo'ama 'atuwa mwawamwawasima ta esi ma yawasima bobo'ana. Sigie to'umaliyema ta nigeya siloeloemwawasima.

2 Kolinita 6:9 Referans Kwoze

Loma 8:36

manuna Buki Tabu 'ena onaupaupa 'ebweu 'igwae, “'Asiyata 'ebweuna 'ebweuna 'ediya 'imu guinuwa manuna 'ebe mwawasa 'ena 'atootoolo, 'atuwa nadigega sagali bawenao sabi loemwawasidi.”

2 Kolinita 11:6

Ona'ai'aila, nigeya yada ona bobo'ana, ta esi ni'atu wamwalatonigu 'aene tuta yauna yamwalamwalatoni 'ai'aila.

2 Kolinita 4:2

Ni'atu bubuna to'umalidi nai kabokabodi 'aguitoyasedi, ta wate geya'abo Yaubada 'ina ona 'agibugibuni be 'aene e'ita kabokabona 'enega 'ae'ie'ita, ta esi e'ita 'ai'aila 'aonaona apwese, be tomota maibo'ami 'ima bubuna bobo'ana Yaubada matanaya wa'ita.

1 Kolinita 4:9

Ta esi gete tuga 'ana 'ita 'atuwa Yaubada 'ana tosimanao 'abo'ama miyamwau 'i'ebwa'ema, 'atuwa taudi yoniyonidi sabi loemwawasidi, ga 'enega aniloseyao be tomotaiyao be yage maibo'adi siduneduneyema,

2 Kolinita 5:11

Gete manuna tauna 'Inapwana nina 'amatautena ga tomota 'ediya 'aloguguya. Yaubada 'ima bubuna 'imwalamwalatoni ta yanuwayaina 'omi wate wamwalamwalatonima 'aene bobo'ama.

1 Kolinita 15:31

Ona'ai'aila, 'asiyata 'ebweuna 'ebweuna 'ediya 'atuwa yamwawamwawasa, ta esi ma igu gwausowala 'omi 'imi toolopa'ala manuna, 'ida 'Inapwana Yesu Keliso 'enaya.

1 Kolinita 11:32

Ta esi 'abo tuta gete 'enaya Yaubada 'iloineda, nate 'igiepaepaluda, be 'enega ma'etamo bwa'omatana 'enaya geya'abo me bale'u ma'edao 'iloiloineda.

Loma 15:19

ta wate 'igu guinuwao waiwaidi ta 'ebe nuwaowana si'itedi, manuna Yaluyaluwa Tabuna 'ina waiwaiyega Keliso tetelina yaguguya sakowasiyena Yelusalemega ga 'ana laba yamai Ililikami 'enaya.

Guinuwa 25:26

“Ta nigeya 'ebweu 'ina loegesi manuna, be 'ida 'inapwana Sisa 'ena yada 'etoladi. Gete 'enega ya'au'ewenama matamuya kini Agalipa, be 'omi wate maibo'ami, be 'enega 'aene etala gete mulinaya 'ina loegesi 'ebweu taloba, be manuna ya'etoladi Sisa 'enaya.

Guinuwa 25:19

ta taudi namo 'idi tapwalolo manuna sionaona, be 'ebweu tai ni'atu 'imwawasa, 'ana esana Yesu, ta Paulo 'isimasimana 'aene Yesu nina mayawasina 'imiyami.

Guinuwa 19:26

ta Paulo sa'i ni'atu tomota yaudi 'i'i'imidi ga 'igienuwa 'ebuniyedi, ta 'ionaona 'aene yaubadao tomota nimadiyega si'abidi nigeya Yaubada 'ai'ailao, ta gete nigeya Epeso namo 'enaya, ta sa'i sena yaudi Esia soladiya wate, ga 'omi ni'atu wanonona ta wa'itena Paulo nina 'ina guinuwa, aga?

Guinuwa 17:18

Ta 'aidi tosinasinapuyao wate, taudi sieesedi Epikulo, be 'aidi Sitoike wate, Paulo ma'enao sieonaona, ga 'aidi taudimo 'ediya siemwaemwasala, sigwae, “Na! Kabaleya nina to'ase 'ioneone?” Ta 'aidi sigwae, “Nai mali yaubadao manudi 'iloguloguguya.” Manuna sinononaya Yesu 'ina toololimana mwawasega manuna 'iloguloguguya.