2 Kolinita 6:5 - Loina Tabu Auwauna NT

⁵ sapi, 'ebeyona, saiya, paisewa, yawemasala, botana,

2 Kolinita 6:5 Referans Kwoze

2 Kolinita 11:27

'ima paisewa sinabwana ga miyamwau 'adi tuta 'ediya, boiboi nigeya yada 'eno, ta botana be tona'a yala, wate tuta yauna nigeya 'agu masulamo, ta nigeya 'igu anuwamo tuta gogai 'ediya.

Guinuwa 17:5

Ta me Yudia sa'i Paulo be Sailasa sie'ipi'ipiyedi ga si'awa to'umaliyedi, ga 'aina toadadana besobeso to'umalidi siloinedi ga pwalu sinabwana siegogonedima ta nuwanuwadi be silosaiyedi. 'Enega Yesoni 'ina anuwa simwelena, 'idi nuwanuwa 'aene Paulo be Sailasa anuwaya simiyami, be 'aene sida giyaidi,

E'ita'ita 2:10

Ta geya'abo wamatamatauta 'abo to yage 'ena 'elouya waloba. Wada nuwa'i'isi 'aene 'etamo Seitani 'ida wasegigiyemi be 'aimi sida yonimi be deliya sida sa'umi, ta esi 'ami mwau nidi 'asiyata sanau dimo manudi. “Ta wada toolopa'ala 'ana laba mwawasa, be 'enega yawasimi ataya yada 'ebwa'emi.

Ibeliu 13:23

Nuwanuwagu wate be gosedai Timoti tetelina wada nono, manuna ni'atu deliyega sili'amina, 'enega 'abo 'ilomaninima 'etamo ma'iyagu 'awawai 'emiya.

Ibeliu 13:17

'Imi toanuganao 'ediya wada ematamatana be watagwalemi 'idi loinao 'ediya, manuna yaluyaluwami si'ita'i'isidi, be 'enega tuta 'imeema 'enaya 'imi bubuna manuna sida emwasala Yaubada 'enaya. 'Enega 'ilobwenemi be wada too be tetelimi manuna ma idi gwausowala Yaubada 'enaya sida simanemi, ta esi geya'abo ma idi omayamaya, 'abona nai loina mwauna waloba.

Ibeliu 11:36

'Aidi wate 'adi talauwalao situyetuyeyedi ta balaeyega siunuunudi, ta wate deliya sisa'u luguyedi ga siyonidi.

2 Timoti 4:5

Ta 'oyo geya'abo taudi nadigega. Tuta maibo'ana 'utoolo pa'ala ta 'imu miyamwau 'ediya 'ue'alama'i'ita, be tetela bobo'ana 'usimane. Gete 'enega 'iabe 'oyo toguinuwa waiwaiyo Yaubada 'ina guinuwa 'ena.

2 Timoti 2:9

'Igu loguguya nina manuna 'abo'agu ni'atu miyamwau yalobena, ga deliya siyonigu, 'atuwa toto'umalina 'ebweu. Ta Yaubada 'ina ona geya'abo 'ebweu yaita 'igiegie losa'u.

2 Timoti 1:8

'Enega geya'abo 'ida 'Inapwana tetelina 'ana simana manuna 'uomayamaya. 'Abo'agu wate 'igu lugu deliya 'Inapwana 'ina guinuwa manuna geya'abo manuna 'uomayamaya. Ta 'oyo wate ma'etamo Yesu tetelina manuna 'aina miyamwau 'emuya siapwesa, ta 'ilobwenemu be Yaubada 'ina waiwaiyega 'utoolopa'ala.

1 Timoti 4:10

manuna tuta gete 'enaya ma ida etapewa be ma ida gwaunuwa, manuna Yaubada miyamiya atayana tebweuna, tomota maibo'ada 'ada To'etoseyana, 'abo taemise. 'Enega 'ida nuwayaina 'enaya ni'atu tasa'una be 'i'etoseyeda.

1 Tesalonaika 2:9

Gosemao, wanuwa'i'isi lowa 'ima paisewa 'emiya, 'asiyata be boiboi 'ediya 'apaipaisewa sinabwana, ga 'enega taumamo 'ae'enima, ta wate Yaubada tetelina 'asimanena 'emiya, manuna geya nuwama 'ami mwau 'asa'u 'ama 'ita'i'ita manuna.

Pilipai 1:13

'enega sena gete 'enaya Sisa 'ina tolosaiyao be tomota maibo'adi ni'atu sinonona 'aene Keliso manuna sisa'ugu deliya.

Epeso 3:1

Gete manuna 'abo'agu Paulo yabwagobwago ta yasidasida Yaubada 'enaya, tauna 'igu paisewa 'i'ebwa'eguya 'omi nigeya me Yudia 'emiya, ta gete tuga Keliso 'ina guinuwa manuna deliya sisa'u luguyegu ga yamiyami.

1 Kolinita 15:10

Ta esi Yaubada 'i'atenuwa 'ole'oleyegu ga 'ilemegu. 'Enega nigeya 'ilemalema daidaitegu, manuna ni'atu yaemisa 'ai'ailena ga tosimanao maibo'adi 'idi paisewa yapilisinena, nigeya taugu 'igu waiwaiyega, ta Yaubada esiya 'ina oboboma 'eguya 'enega.

1 Kolinita 7:5

Ta wate geya'abo wa'eno'eno dumaduma mwanemiyao 'ediyega. Nate namo 'abo siteluwa 'emiyega 'idi nuwanuwa leleleya be 'asiyata nigeya yauna 'ediya sida sidasida Yaubada 'enaya be muliyega wate sida 'enoluwa limana, ta geya'abo wamiyamiya dumaduma wawasae, 'abona nai yalakwaiyao 'emiya siapwesa be 'ediyega Seitani 'itoo be 'imi ai 'igieto'umaliyedi.

1 Kolinita 4:11

Tuta yauyauna ma 'ama botana be ma 'ama tona'a yapasa, be nigeya 'ama 'oamamo, be nigeya 'ima anuwamo wate, 'enega 'ama 'ita 'atuwa 'amiyamiya nanaewa.

Guinuwa 28:30

'Enega Paulo 'ina anuwa gote 'ilowagena 'ena 'imiyami yakwala 'eluwa 'ediya, ta tomota yaudi 'ina anuwaya silugulugu be ma'enao siegosigosiyana,

Guinuwa 26:29

Ta Paulo 'ionalimana, “Nai tuta kukupana, nai tuta dudulana 'ena, 'oyo be taudi wate gete 'eguya sienoenono 'eguma ma'emwao walowa'elugu, nate 'ebe gwausowala. Nate namo geya nuwagu be balae getedi nimaguya simiyami walobalobadi.”

Guinuwa 26:10

Gete manuna Yelusalema 'ena toekalesiyao yaudi deliya yasa'u luguyedi, nadigega totaliya sinabwadi siloinegu, be 'eguma sida loemwawasidi, 'abo'agu wate yatagwatagwala.

Guinuwa 24:27

ga 'ana laba yakwala 'eluwa sigumwala, ga Posiu Pesito ni'atu Pilikesa 'ilopa'eluna. Ta Pilikesa nuwanuwana me Yudia tauna sida 'awabobo'ane, 'enega 'iloina be Paulo deliya tuga 'ida miyami.

Guinuwa 23:35

'Enega gabana 'igwae, “'Amu toe'ewao simamai bemi be 'enega 'imi etala yada guinuwe.” Ga tolosaiyao 'iloinedi be Paulo nina sida lomata'i'isi anuwa esaesa nina, lowa Elodi 'ina anuwa, 'enaya.

Guinuwa 23:10

Ta ni'atu sie'ue'upwa sinabwana, ga boda saiya 'ana toloina pwaluyao 'imatautedi, 'abona nai Paulo sigiyai be sigieto'umaliye, ga tolosaiyao 'iloinedi ga sidolo ga Paulo gamwagamwanidiyega sime'ena anuwaya.

Guinuwa 20:31

'Enega walomata'i'ita be wate 'igu loguguya wanuwa'i'isi, 'aene yakwala 'etoi soladiya nigeya yada eyawai'ata, 'asiyata be boiboi 'ediya, ta esi ma mataselugu yaloguloguguya 'ebweuna 'ebweuna 'enaya.

Guinuwa 14:23

Ta wate 'asa 'ebweuna 'ebweuna 'ediya Paulo be Banaba toekalesiyao 'idi toanuganao siaseyedi, ta 'adi gilagata gete nadigega, 'ebotanega 'Inapwana nina siemisenaya 'ena sisidasida, be 'ida giewaiwaiyedi 'idi guinuwa nina manuna.

Guinuwa 14:19

Ta sa'i me Yudia Anitioki be Ikoniami 'ediyega simai, ga silugu boda nidi Paulo ta Banaba 'adi toenonoyao soladiya, ga silo'ae etuetunedi ga Paulo gulewega siloibweibwena, ta 'asa solanega silisi apwesena, ta 'idi nuwanuwa ni'atu 'imwawasa.

Guinuwa 13:3

'Enega Yaubada 'ena sisidasida limana mabotanidi, ga sigidebedi, ga Banaba be Saulo sietunedi 'idi guinuwa nina manuna.

Guinuwa 5:18

'enega sitoolo ga Yesu 'ana tosimanao nidi sigiyaidi, ga deliya sisa'udi.

Madiu 14:10

ta 'ina toguinuwao deliya 'ietunedi, ga Yoni 'otona si'upwena,

Madiu 14:3

Manuna lowa Elodi Yoni 'igiyaina ga 'iyonina ta deliya 'isa'una. Ta Yoni 'ana giyai 'alena nate 'ebweu waine 'ana esana Elodiasa, nate Elodi tasina Pilipi mwanena,

Madiu 9:15

'Enega Yesu onasemalimali 'i'ebwa'edi, 'igwae, “Mwa'adega, kapekapeyana be ai 'ana toyo'oyao sinuwamwau 'abo toai me'olotona ma'ediya sigwaugwausowala? Nai nigeya aga? Ta wanuwa'i'isi 'aene tuta 'imeemai be toai nina 'ipilisinedi 'enega esi sinuwamwau be siedidigula, ta si'ebotana.”