2 Kolinita 6:4 - Loina Tabu Auwauna NT

⁴ ta esi 'ima guinuwao maibo'ana bobo'ana Yaubada manuna, be 'ediyega wada 'awabobo'anema. 'Ima guinuwa getedi: 'alama'i'ita sinabwana, 'elouya, miyamwau, esilae,

2 Kolinita 6:4 Referans Kwoze

2 Kolinita 12:10

'Enega Keliso manuna yatagwatagwala mwau yaudi 'ediya, nadigega neneta, 'awa to'umalina, tuta mwau, etalauwala, esilae. Manuna 'abo yaneneta gete 'igu 'ebe ewaiwai!

2 Kolinita 4:8

Tomota 'ama mwau yaudi si'ebwa'ema ta sa'i nigeya sawesawediya be sigie to'umaliyema, 'enega 'ima nuwanuwa yauna ta esi nigeya 'abe'ube'u.

2 Kolinita 11:27

'ima paisewa sinabwana ga miyamwau 'adi tuta 'ediya, boiboi nigeya yada 'eno, ta botana be tona'a yala, wate tuta yauna nigeya 'agu masulamo, ta nigeya 'igu anuwamo tuta gogai 'ediya.

2 Kolinita 12:12

We'iwe'iyaya nidi matamiya ma igu e'alama'i'ita yaguinuwedi, nate yage 'ebe nuwaowana ta guinuwa waiwaidi, be 'ediyega wada mwalatonigu 'aene 'abo'agu Keliso 'ana tosimana 'ai'aila.

2 Kolinita 3:6

be sawesawemaya 'ina loina auwauna manuna 'aetoetoguinuwa. Loina nina auwauna nigeya 'eto'etoladina, ta esi Yaluyaluwa Tabuna 'enega, manuna loina 'eto'etoladina mwawasa 'i'ebwa'eda, ta sa'i loina nina Yaluyaluwa Tabuna 'enega yawasida 'i'ebwa'eda.

1 Kolinita 3:5

Mwa'adega ga 'abo'agu be Apolosa manuma waegewagewana? 'Abo'ama topaisewa tuga 'Inapwana manuna. 'Inapwana nina 'ima paisewa 'i'ebwa'emaya dumadumadi be dumadumadi 'aguinuwedi, ga 'enega 'omi Keliso waemisena.

E'ita'ita 3:10

“Ta 'etamo tuta mwau 'ida apwesa bale'uya, be tomota yaudi 'ida toodi, ta 'omi esi mwau nina 'enaya yada 'ita'i'isimi, manuna 'igu ona waematamatanena, ga manugu wae'alama'i'itanemi.

E'ita'ita 1:9

'Abo'agu tasimiya Yoni. Ni'atu taeboda 'ebweuna Yesu ma'edai, ta 'ina 'ebeloina solanaya 'omi be 'abo'agu tae'alama'i'itaneda 'elouya be mwau 'ediya. 'Abo'agu lowa yoniyonigu salu Patimo 'ena, manuna yaloguguya Yaubada 'ina ona be Yesu tetelina.

1 Kolinita 4:1

Ta esi 'abo'ama Keliso 'ina toguinuwao, manuna tetela nina Yaubada 'enega lowa kwaikwaiyina ta gete tuga ni'atu 'asimasimane 'emiya.

Ibeliu 12:1

Ga 'enega toemisao yaudi galewega siduneduneyeda, be 'ilobweneda yage mwaudi 'edega tada gisinedi, be 'enega tada pili waiwai epili nina 'ana 'eda 'enega, ta wate bubuna to'umalina nidi sigiyagiyaida tada gisinedi.

2 Timoti 4:5

Ta 'oyo geya'abo taudi nadigega. Tuta maibo'ana 'utoolo pa'ala ta 'imu miyamwau 'ediya 'ue'alama'i'ita, be tetela bobo'ana 'usimane. Gete 'enega 'iabe 'oyo toguinuwa waiwaiyo Yaubada 'ina guinuwa 'ena.

2 Timoti 2:24

Ta egewagewana 'Inapwana 'ina toguinuwao nigeya 'ilobwelobweneda, ta 'atenuwa'ole'ole be e'ita bobo'ana be 'alama'i'ita esi.

2 Timoti 1:8

'Enega geya'abo 'ida 'Inapwana tetelina 'ana simana manuna 'uomayamaya. 'Abo'agu wate 'igu lugu deliya 'Inapwana 'ina guinuwa manuna geya'abo manuna 'uomayamaya. Ta 'oyo wate ma'etamo Yesu tetelina manuna 'aina miyamwau 'emuya siapwesa, ta 'ilobwenemu be Yaubada 'ina waiwaiyega 'utoolopa'ala.

1 Timoti 6:11

Timoti ye, 'oyo Yaubada 'ina toguinuwa, 'enega gete bubuna nina 'enega 'u'ita'i'isiyo, ta bubuna palupaluna 'umuliye, yage nidi nadigega 'eda'eda bobo'ana be emisa be oboboma be 'alama'i'ita be bubuna oo nuwana,

1 Timoti 4:6

Loina getedi 'eguma gosedao 'ediya 'ue'itae, 'enega 'oyo Yesu Keliso 'ina toguinuwa bobo'ana, manuna e'ita palupaludi Yesu 'ana emisa manuna 'umulimuliyedi, ta 'ediyega yaluyaluwayo 'iewaiwai.

1 Timoti 2:15

Ta gete tuga iine 'idi enatuna 'enaya, Yaubada sawesawenaya 'i'etoseyedi, 'abo ma idi emisa, be ma idi oboboma, be ma idi bubuna 'esasena ta palupaluna.

1 Tesalonaika 5:14

Ta gosemao, 'ilobwenemi wate be tologwautoyasao waloguguyadi, be to'atesa'ala wagie 'atepatudi, be toneneta walemedi, ta yage nidi getedi e'alama'i'itega wada guinuwedi.

1 Tesalonaika 3:7

Gosemao 'anabwa'ayoi ma ima 'elouya, be ma ima miyamwau, ta 'imi emisa tetelina ni'atu 'anonona ga 'igiegwausowalima.

Kolose 1:24

'Enega gete tuga 'igu 'elouya 'omi manumi yalobalobadi, ta tuwa tuga ma igu gwausowala. Taugu bwalagu 'ina 'elouya be Keliso 'ina 'elouya 'iloeposeyanena ga 'isinabwa toekalesiyao manudi, nate taudi Keliso oona.

Kolose 1:11

Ta wate tauna 'ina waiwai sinabwana 'enega 'ida giewaiwaiyemi, be 'imi guinuwa yauyaudi 'ediya wae'alama'i'ita, be wada toolopa'ala, be wate ma imi gwausowala

2 Kolinita 11:23

'Abo taudi Keliso 'ina 'ali'eiyao bobo'adi, 'abo'agu 'ina 'ali'ei bobo'ana wawasae. 'Igu ona gete 'atuwa uwauwagu. 'Igu gwaunuwa 'enega yanugana sinedi, 'igu lugu deliya yau wawasae, 'agu sapiyao wate yauna, ga tuta yauna 'ediyega 'aene tuga 'iabe yada mwawasa.

2 Kolinita 11:9

Wate tuta nina 'imi senaya yamiyami ta yabotabotana, nigeya yada sida 'emiya, ta esi 'aina tasidao Masidonia 'enega simai ga lema si'ebwa'egu; manuna geya nuwagu be mwau 'emiya yasa'usa'u 'agu masula manuna. Lowa nigeya 'ebweu mwau 'emiya yasa'usa'u, be tuta simeemai 'ediya wate geya'abo yasa'usa'u.

2 Kolinita 7:11

Ona'ai'aila, 'imi nuwamwau gete 'enega Yaubada 'ilememi, ga waetaetapewa, ta waewaiwai be 'imi bubuna 'ida bobo'ana maibo'ana, 'enega to'umalina nina manuna wagamwasowala ta wamatauta, ta nuwanuwami be yawawai 'emiya, ta wate waewaiwai ga to'umalina nina wae'isena. Yage maibo'adi 'ediyega 'imi guinuwa bobo'ana wae'itaena.

2 Kolinita 4:17

'Elouya nidi gete tuga kapekapeyadi be tuta kukupana namo 'ediya talobalobadi, ta esi sigiewaiwaiyeda be 'aene 'ida esaesa bobo'ana wawasae ta miyamiya atayana ma'etamo ta'ewa.

2 Kolinita 4:2

Ni'atu bubuna to'umalidi nai kabokabodi 'aguitoyasedi, ta wate geya'abo Yaubada 'ina ona 'agibugibuni be 'aene e'ita kabokabona 'enega 'ae'ie'ita, ta esi e'ita 'ai'aila 'aonaona apwese, be tomota maibo'ami 'ima bubuna bobo'ana Yaubada matanaya wa'ita.

1 Kolinita 9:11

'Abo'ama wate nadigega yaluyaluwami 'adi masula ni'atu 'adaunina 'emiya, 'enega 'ilobwenemi be bwalama 'adi masula wa'ebwa'ema.

Loma 16:10

Ta wate 'igu oboboma Apeli 'enaya, tauna Keliso 'ana toemisa 'ai'aila. Ta Alisitobulo ma ina bu'unao 'igu oboboma wate 'ediya,

Loma 14:18

Be 'abo bubuna nidi gete 'ediyega Keliso 'ina guinuwa taguiguinuwe, 'iabe Yaubada manuda 'igwausowala, ta wate tomota si'awa bobo'aneda.

Loma 5:8

ta 'abo'ada 'etamo toto'umalida ga Yaubada 'ina oboboma 'ie'itaena 'edaya, nate Keliso manuda 'imwawasa,

Guinuwa 20:34

ta esi ni'atu wamwalatonigu 'aene taugu 'igu paisewega 'agu 'e'ai be gwegwe yalobedi, ga 'igu 'ali'eiyao wate yalemedi.

Guinuwa 9:16

Be wate yada e'itae 'ina 'elouyao sinabwadi 'ida lobadi, 'abo'agu 'agu simana manuna.”

Guinuwa 2:22

Pita wate 'ieonedi, 'igwae, “Me Isileli 'omi ona gete wada nono, Yesu tauna goma Nasaleta manuna. Yesu nina matamiya Yaubada 'ie'itaena 'aene tauna 'ina toguinuwa nina, manuna Yesu 'ina guinuwa waiwaidi ta 'ebe nuwaowana, Yaubada 'ina waiwaiyega 'iguinuwedi, ta wamwalamwalatonidi manuna gamwagamwanimiya 'iguinuwedi.

Luke 21:19

ta 'omi wada toolopa'ala be 'enega yawasimi ataya wada loba.

2 Kolinita 2:17

Ta 'abo'ama nigeya nadigega tologuguya kabokabodi, taudi 'idi esaesa tuga manuna siloguguya, ta esi 'abo'ama ma 'ama emisa, nadigega Yaubada 'iloinema, 'enega tauna matanaya Keliso tetelina 'aonaona 'ai'aila.

Yoni 16:33

Ona gete yasimanena 'emiya be 'enega ma imi gwausowala wada miyami, manuna 'abo'agu ma'emi. Ta ma'etamo bale'uya wamiyamwau, ta tuwa tuga wada 'atepatu, manuna 'abo'agu loina bale'u yaewaiwai sinena.”

Loma 3:5

'Enega 'eguma 'ida bubuna to'umalina 'enega Yaubada 'ina bubuna bobo'ana 'igie apwesena, nai tada gwae, “Geya'abo Yaubada 'iloiloineda 'ida bubuna to'umalina manuna,” aga? (Ona'ai'aila, gete yaona besobeso 'atuwa nadigega 'aina tomota 'idi ona.)