2 Kolinita 6:1 - Loina Tabu Auwauna NT

¹ 'Enega tauna ma'emai 'apaipaisewa, ga 'emiya 'asida be geya'abo Yaubada 'ina oboboma waeyage besobesoe,

2 Kolinita 6:1 Referans Kwoze

Ibeliu 12:15

Wa'ita'i'isimi 'abona nai 'emiyega yaita Yaubada 'ina oboboma geya'abo 'ilobaloba. Ta geya'abo 'ebweu yaita 'emiyega 'ie'ale be 'ibubuna to'umalina, 'abona nai yaudi simuliye.

1 Kolinita 3:9

Gete tuga Yaubada ma'ema 'ina bagulaya 'apaipaisewa, ta 'ina bagula nina nate 'omi tomotai, ta wate 'omi Yaubada 'ina anuwa.

1 Pita 4:10

Ta ni'atu 'ebweuna 'ebweuna Yaubada egueguyai dumadumadi be dumadumadi 'i'ebwa'emi, 'enega egueguyai nidi 'ediyega wada guinuwa be gosemiyao wada lemedi, be 'enega 'omi Yaubada 'ina toguinuwao bobo'ami.

Galetia 2:21

'Enega geya'abo Yaubada 'ina oboboma nina yae'idi'idiye. Geya'abo tanuwanuwa 'aene Mosese 'ina loinao 'adi ematamatana 'enega Yaubada 'ida 'awa bobo'aneda. Nate be Keliso 'ina mwawasa nina 'ieyage besobeso.

Ibeliu 12:25

'Enega wa'ita'i'isimi be tauna galewega 'ionaona 'edaya geya'abo 'enana waguiguitoyase. Manuna lowa tomota 'aidi bale'uya Mosese 'ina guguya 'ediya siguitoyasena ga mwau silobena. Ta gete tuga Yaubada galewega 'iloguloguguya 'edaya, 'enega 'abo 'enana taguitoyasei mwau sinabwa wawasae taloba.

Loma 12:1

Tasigwao, wada nuwa'i'isi 'aene Yaubada 'ina 'atenuwa'ole'ole 'edaya sinabwa wawasae, 'enega gete 'igu loguguya 'emiya be 'aene tuta mayawasimi wada taliyaemi Yaubada 'enaya, manuna Yaubada nuwanuwana be oomi maibo'ana wada tagwaledi 'ina guinuwa 'enaya. Gete tapwalolo 'ai'aila Yaubada matanaya 'abo nadigega waguinuwa'esa.

Galetia 3:4

Sana mwa'adega ga 'enega yage maibo'ana wa'italoba yogenedi, ga 'enega Keliso 'ana emisa 'ena waso'i yoge?

Guinuwa 14:3

Ta tuwa tuga, tuta dudulana Paulo be Banaba simiyana sena nina 'ena, ta ma idi 'atepatu siloguloguguya 'Inapwana manuna. Ga 'Inapwana nina 'ina waiwaiyega guinuwa 'ebe nuwaowana be edeedede siguinuwedi, ga 'ediyega 'Inapwana nina 'ina oboboma tetelina 'ana 'ai'aila tauna 'ie'itaena tomota 'ediya.

Taito 2:11

Yaubada 'ina oboboma nina ni'atu 'iapwesama tomota 'ada 'etoseyana manuna,

Madiu 23:37

“Yelusalema ye! Mwa'adega ga palopitao 'uloemwawasidi ta wate Yaubada 'ina toepilialealeyao gulewega 'uloibweibwedi. Tuta yauna nuwanuwagu be 'imu tomotaiyao yabwau egogonedima 'atuwa kakaleko natunao papenega 'i'aubodebodedi, ta sa'i siguitoyasegu.

2 Kolinita 10:1

'Abo'agu Paulo taugu yasidasida 'emiya, 'atuwa Keliso 'ina bubuna nuwana 'enega, manuna 'omi wagwae, “Paulo 'ina bubuna nuwana 'eguma ma'edai tada onaona, ta esi 'edasolega 'i'ena pa'alida.”

Guinuwa 11:23

Ga tuta nina Banaba 'imai Anitioki 'enaya Yaubada 'ina oboboma toekalesiyao nidi 'ediya 'i'itena, ga 'igwausowala sinabwana, ga 'iguguyedi be geya'abo sienuenuwanaluwa, ta esi sida toolopa'ala ma idi emisa 'Inapwana 'enaya.

1 Tesalonaika 3:5

Gete 'alena 'enega yanuwanuwa wawasae, ga Timoti yaetunenawa be 'imi emisa 'ida 'ita, be tetelimi 'ida me'e 'eguya, manuna ya'atesa'ala Seitani 'enaya, 'abona nai 'ebetoo sinabwana 'i'ebwa'emi be waneneneta, be 'enega 'ima paisewa lowa 'emiya 'igie to'umaliye.

Ibeliu 4:1

'Ina onaupaupa manuda 'etamo 'imiyami, 'aene 'ina eyawai'ata tauna 'enega tada loba, 'enega 'ilobweneda be tamatauta 'abona nai 'aimi wabebe'u be geya'abo walobaloba.