2 Kolinita 5:16 - Loina Tabu Auwauna NT

¹⁶ Lowa, 'igu nuwanuwa 'aene Keliso tauna tai to'umalina ta esi ni'atu yanuwa'ebuni, 'enega geya'abo taesiesinuwa tomota 'ediya 'aene bobo'adi nai to'umalidi, nate me bale'u 'idi nuwanuwa nadigega,

2 Kolinita 5:16 Referans Kwoze

Kolose 3:11

'Enega nigeya 'ebweu wate weyala 'imiyami be wada gwae, “Me Yudia mali boda ta 'abo'ama mali boda”, nai wagwae, “Taudi bwaladi sidabedi mali boda, ta taudi nigeya, mali boda”, nai “'Owagao be to'u'umalao mali bodao”, nai “'Ali'eiyao mali boda be 'inapwanao mali boda”, ta tuwa tuga Keliso 'ina boda maibo'ada, ga 'atedaya Keliso namo 'iloegogoneda.

Yoni 6:63

Ta Yaluyaluwa Tabuna tauna yawasimi 'ana to'ebwaya, ta bwalami nigeya sida lememi. 'Igu ona gete ni'atu ya'ebwa'emi, be 'enega ona nidi Yaluyaluwa Tabunega yawasimi sida 'ebwa'emi.

Yemesa 3:17

Ta 'abo yaita 'ina sinasinapu galewega 'imai, tauna 'ina bubuna nugana 'esasena, ta wate nuwasiwalowa 'alena, bubuna nuwana 'alena, egosigosiyana 'alena, 'atenuwa'ole'ole 'alena, ta 'aina wate uwanao bobo'adi siapweapwesa, ta nigeya gosenao 'ida e'idi'idiyedi nai 'ida kaboedi.

Galetia 5:6

Ona'ai'aila, Yesu Keliso 'enaya me Yudia 'adi we'iwe'iyaya, nate bwaladi silodaba, nigeya 'igiepaepaluyeda, be wate 'abo lodaba taguitoyase geya'abo 'ada 'awapalupalu talobaloba. Nate namo 'eguma Yesu taemise be taobobome, tauna 'ada togiepalu.

Yoni 15:14

“Ta 'omi wate nadigega 'abo 'igu loinao waematamatanedi, 'omi gosegwao.

Yoni 2:4

Ga Yesu 'igwae, “'Oyo geya'abo 'uloiloinegu, manuna 'igu guinuwa nigeya yae'ae'ale.”

Madiu 10:37

“Ta 'abo yaita tamana be sinana 'iobobomedi sinabwana ta 'abo'agu gidalina, tauna nigeya sawesawenaya be 'imuliyegu. Ta 'abo yaita wate natuna me'olotona nai mewainena 'iobobome sinabwana ta 'abo'agu gidalina, tauna nigeya sawesawenaya be 'imuliyegu.

2 Kolinita 11:18

Manuna tomota yaudi sionaona gagasa yage bale'u manudi, 'enega 'abo'agu wate yada onagagasa taudi nadigega.

Yoni 8:15

Ta 'omi 'imi esinuwa, me bale'u 'idi esinuwa nadigega waguiguinuwedi, ta 'abo'agu nigeya 'ebweu yaita manuna yada esinuwa nai manuna yada loina.

Pilipai 3:4

Ona'ai'aila, sawesaweguya be esaesa bale'u manuna yada onatu'e, manuna 'abo'agu 'agu esana tomota yaudi 'adi esanao 'iloetana sinedi,