2 Kolinita 4:10 - Loina Tabu Auwauna NT

¹⁰ Tuta maibo'ana 'ediya 'ana 'ita 'atuwa bwalama simwawamwawasa, nadigega Yesu 'imwawasa, be 'enega tomota Yesu yawasina 'emaya 'ipaipaisewa sida 'ita.

2 Kolinita 4:10 Referans Kwoze

Loma 6:5

Manuna 'abo 'ina mwawasa nina 'abo'ada nadigega tamwawasa, 'iabe wate tatoolo limana nadigega tauna mwawasega 'itoolo limana.

2 Timoti 2:11

Ona getedi ona'ai'aila 'aene: “'Eguma Keliso ma'edai tamwamwawasa, ma'etamo ma'edai yawasida bobo'ana taloba.

1 Pita 4:13

Ta esi wada gwausowala manuna Yesu Keliso 'elouya 'ilobena, ga 'omi nadigega tuga walobaloba'ese, be muliyega tuta nina 'ina esaesa 'iapwesama wada gwausowala 'ai'aila.

Loma 6:8

Ta 'abo tanuwena 'aene Keliso ma'eda tamwawasaya, tada emisa 'aene ma'edai mayawasida tamiya ataya.

2 Kolinita 13:4

Ona'ai'aila sigie kelosena 'atuwa tai nenetana, ta sa'i Yaubada 'ina waiwaiyega mayawasina 'imiyami. 'Abo'ama wate ooma nenetadi tauna oona nadigega, ta Keliso yawasina 'enega sawesawemaya 'ada loinemi, Yaubada 'ina waiwaiyega.

2 Kolinita 1:5

Ona'ai'aila, Keliso 'ana 'elouyao 'abo'ama 'alotoodi ta 'enega Keliso 'ina gwausowala 'i'ebwa'ema, tauna 'ina gwausowala nadigega.

Loma 8:36

manuna Buki Tabu 'ena onaupaupa 'ebweu 'igwae, “'Asiyata 'ebweuna 'ebweuna 'ediya 'imu guinuwa manuna 'ebe mwawasa 'ena 'atootoolo, 'atuwa nadigega sagali bawenao sabi loemwawasidi.”

Kolose 1:24

'Enega gete tuga 'igu 'elouya 'omi manumi yalobalobadi, ta tuwa tuga ma igu gwausowala. Taugu bwalagu 'ina 'elouya be Keliso 'ina 'elouya 'iloeposeyanena ga 'isinabwa toekalesiyao manudi, nate taudi Keliso oona.

2 Kolinita 1:9

'Ana 'ita 'atuwa 'ama talauwalao nidi 'iabe siloemwawasima, ta Yaubada sa'i sawesawenaya be tomwawasao 'igietoolodi, ga miyamwau nina 'alobena, be 'enega 'anuwayaina 'aene nigeya tauma 'ima waiwai, ta esi Yaubada 'ina waiwai 'i'etoseyema.

Galetia 6:17

Gete tuga be tuta 'imeemai 'ediya geya'abo 'ebweu yaita 'igiegie 'oata'oatagu, manuna bwalaguya Yesu 'ina we'iwe'iyaya simiyami, nate kweya nidi yalobedi 'ina guinuwa 'enaya.

Yoni 14:19

“Ta tuta gidalina namo 'ena be yapilisinemi, be geya'abo me bale'u si'ita'itagu, ta 'omi ma'etamo wada 'itagu mayawasigu yamiyami, 'enega 'omi wate nadigega mayawasimi wamimi.

E'ita'ita 1:17

Ya'itena ga 'aenaya yabe'u 'atuwa nadigega yamwawasa. 'Enega nima 'ataina 'eguya 'isa'una, ga 'iona, “Geya'abo 'umatamatauta, manuna 'abo'agu 'ebe e'ale be 'ebe losalowa,

2 Kolinita 4:11

Ona'ai'aila mayawasima tuta gete bale'uya, ta Yesu manuna tuta maibo'ana 'ediya talauwalao siloeloemwawasima, ta sa'i Yesu yawasina bwalama nenetadi solanaya 'ietaetapewa.

1 Pita 4:14

Ta 'abo tomota si'awa to'umaliyemi 'imi emisa Keliso 'enaya manuna, wada gwausowala tuga, manuna Yaubada yaluyaluwana 'esasena ni'atu 'emiya 'imiyami.