2 Kolinita 3:7 - Loina Tabu Auwauna NT

⁷ Ta loina kadekadelina mwawasa manuna, ta gulewa bababadi 'ediya si'etoladina, ga Yaubada Mosese 'i'ebwa'ena, maedana sinabwana solanaya, ga Mosese maninina 'enega maedana 'isae ga tupwana 'imiya'amana ta 'enega wate 'isawala, ta tuta nina Mosese manininaya 'isae me Isileli nigeya sawesawenaya be siduneye,

2 Kolinita 3:7 Referans Kwoze

1 Kolinita 13:10

ta tuta 'imeemai 'ediya sinasinapu auwauna maibo'ana 'iapwesama, be sinasinapu kadekadelina tanuwa pupule.

Loma 10:4

Manuna ni'atu Keliso 'ena Mosese 'ina loina 'ilosalowa, ga gete tugai tauna 'ina loina 'ie'alena, 'enega 'abo yaita Keliso 'iemise 'iabe 'ana 'awapalupalu 'ida loba Yaubada 'enega.

2 Kolinita 3:6

be sawesawemaya 'ina loina auwauna manuna 'aetoetoguinuwa. Loina nina auwauna nigeya 'eto'etoladina, ta esi Yaluyaluwa Tabuna 'enega, manuna loina 'eto'etoladina mwawasa 'i'ebwa'eda, ta sa'i loina nina Yaluyaluwa Tabuna 'enega yawasida 'i'ebwa'eda.

2 Kolinita 3:3

be gote 'enega wae'itadi 'aene 'omi tuga leta Keliso 'enega, Yaubada tauna mayawasina Yaluyaluwanega 'i'etoladina, nigeya 'ebe 'etoladi 'enega nai gulewa bababadi 'ediya, ta esi tomota 'atenaya, ta 'omi 'atuwa leta ga 'a'ebwayaemi tomota 'ediya.

Loma 4:15

Manuna loina 'enega Yaubada 'ina gamwasowala 'edaya 'iapwesa, manuna loina nina tale'oena. Ta esi 'eguma Mosese 'ina loinao geya'abo 'isa'usa'udi, geya'abo wate taetoto'umalina.

Loma 7:10

ga 'enega loina nina 'iloemwawasigu, manuna loina bobo'ana, yawasida manuna, ta esi 'abo'agu loina nina nigeya yamulimuliya 'ai'aili.

Guinuwa 6:15

Ta todeliegogona nidi maibo'adi Sitibeni maninina siduneyena, 'ana 'ita anilose maninina nadigega.

Loma 7:22

Manuna yage gete yalobena 'aene yaluyaluwagu nuwanuwana be Yaubada 'ina loina yaguinuwe,

Loma 5:20

Ona'ai'aila, tuta nina Mosese 'ina loina 'iapwesa, to'umalina sisinabwa, ta esi Yaubada 'ina 'ebwayadaita 'isinabwa wawasae.

Loma 7:5

Manuna 'abo'ada lowa tabubuna me bale'u nadigega, 'anabwa'ayoi Mosese 'ina loina 'edaya 'imiyami, ta tuwa tuga 'ida yalakwaiyao siewaiwai ga welawela'ada maibo'ana sibubuna to'umalina, 'enega 'ana e'isa taloba, mwawasa.

2 Kolinita 3:8

'enega tamwalatoni 'aene loina auwauna Yaluyaluwa Tabuna 'enega 'ina maedana esaesa sinabwa wawasae.

Galetia 3:10

Ta esi 'eguma yaisigedi sinuwena 'aene Mosese 'ina loina 'ana ematamatana 'enega sida bobo'ana, 'awato'umali namo sida loba, manuna Buki Tabu 'igwae, “Loina maibo'adi buki gete solanaya 'abo yaita nigeya 'imuliya 'ai'ailidi, 'awato'umali 'ida loba.”

Galetia 3:21

Geya'abo wanuwanuwa 'aene Mosese 'ina loina Yaubada 'ina onaupaupa 'ietalauwalena? Manuna nigeya 'ebweu wate loina sawesawenaya be yawasida 'i'ebwa'eda, nai 'ida bubuna 'ida giepaepaluyedi. Nigeya.

Ibeliu 3:3

'Enega Yesu tupu sinabwana 'ilobena, ta Mosese 'ana tupu tupwana namo tuga, 'atuwa nadigega anuwa bobo'ana nigeya tauna tupu sinabwana 'ida lobena sa'i, ta 'ana to'abi esi. Ta Mosese nadigega anuwa, ta Yesu to'abi.

Ibeliu 12:18

Gete tuga wamai Yaubada 'ina senaya, nigeya nadigega lowa Mosese be me Isileli ma'enao sitauya ga silotoona 'oya Sainai 'enaya, manuna 'awe sabelulu be guguyoi sinabwana be umauma be kwau sinabwana