2 Kolinita 12:4 - Loina Tabu Auwauna NT

⁴ Ta tai nina me galewa 'idi ona 'aina 'inonodi, ta nigeya sawesawenaya be 'iona apwesedi, manuna etaetabudi.

2 Kolinita 12:4 Referans Kwoze

Luke 23:43

Ta Yesu 'igwae, “Yaona 'ai'aila 'emuya, 'oyo ta 'abo'agu 'iabe sena bobo'ana 'ena tada miyami.”

E'ita'ita 2:7

“'Enega 'abo yaita 'omi matenana 'ida nono Yaluyaluwa Tabuna 'ina ona toekalesiyao 'ediya. “Ta 'abo 'omi yaita 'iewaiwai, 'enaya yawasida 'ana kaiwe uwana yatagwale be 'ida 'ani, kaiwe nina 'itootoolo Yaubada 'ina bagulaya.”

Guinuwa 8:39

'Enega bwasiyega situ'ema ga Yaubada Yaluyaluwana Pilipi 'i'au'ewena, ga tai nina nigeya Pilipi 'i'ita'ita lima, ta ma ina gwausowala 'itauya 'ina 'asaya.

1 Kolinita 13:1

'Eguma 'igu onao bobo'adi, 'atuwa tologuguyao be aniloseyao 'idi ona, ta 'abo oboboma nigeya 'ateguya 'imiyami, 'igu loguguya nidi yage besobeso, 'atuwa sinaa siunuunu besobeso, nai yoguli simu'emu'e besobeso.

2 Kolinita 12:2

'Ebweu Keliso 'ina tai yamwalamwalatoni, tauna yakwala potini sigumwala 'ena Yaubada 'i'au'ewena, ta 'iyaugwa nai bwalana nai yaluyaluwa namo nigeya yamwalamwalatoni. Yaubada namo 'imwalamwalatoni. 'I'au'ewena ga 'itu'e galewa 'ebweuna 'ena, ga 'itu'e wate galewa 'eluwena 'ena, ga wate 'itu'e galewa 'etonina 'enaya.

1 Tesalonaika 4:17

ta 'enega 'abo'ada wate mayawasida ma'edao tatutu'e galewaya, be 'ida 'Inapwana ma'eda taelobaloba pwana 'ediya, be tauna ma'edai tada miyaataya.

E'ita'ita 12:5

'Enega waine nina 'ienatuna ga gwama me'olotona, tauna 'aene sena maibo'adi 'adi toloina waiwaina, ta gwama nina Yaubada 'i'au'ewena tauna 'ina 'ebemi esaesa 'enaya.