2 Kolinita 11:3 - Loina Tabu Auwauna NT

³ Ta esi ya'atesa'ala manumi 'abona nai 'imi nuwanuwa sikwakwani be 'imi 'atetagwala Keliso 'ena wapilisine, nadigega lowa mwata Ibe 'ikaboena 'ina ona dibidibi 'enega, ga Ibe nina 'ineneta.

2 Kolinita 11:3 Referans Kwoze

Kolose 2:8

Geya'abo 'ebweu yaita 'ikabokaboemi tomota 'idi sinasinapu 'enega, manuna mwalatoi nidi yage besobeso bale'uyega, ta nigeya Keliso 'enega.

Galetia 1:6

'Ebe nuwaowana gete 'eguya, manuna lowa Yaubada 'iesinuwemi be 'aene oboboma Keliso 'enega waloba, 'enega tetelina waemisena, ta walomanini gete tuga ga waguitoyasena, ta mali tetela waemisena.

Epeso 4:14

Gete 'enega bubuna gogama tapilisinedi, manuna lowa 'ida mwalatoi nenetana 'ena e'ita dumadumadi be dumadumadi sigieloniuyeda, nate 'aina tokaboyao 'idi e'itao dibidibidi ta to'umalidi 'ediyega.

Kolose 2:4

Gete yaonaona be 'enega geya'abo mali tomota 'idi ona dibidibiyega sikabokaboemi.

1 Yoni 4:1

Gosegwao, geya'abo yaluyaluwa maibo'adi waemiemisedi, ta esi watoodi, bobo'adi nai to'umalidi. 'Eguma taudi bobo'adi, tamwalatonidi 'aene Yaubada 'enega simai, ta taudi to'umalidi mali senega simai, manuna gete tuga palopita kabokaboyao siapweapwesama mayaluyaluwadi nigeya Yaubada 'enega.

1 Timoti 2:14

Ta wate Seitani 'ina kabo 'enaya Adama nigeya 'ineeneta, ta waine esi 'ineneta ga loegesi 'igimi guinuwena.

E'ita'ita 12:9

Yobai nina bweyabweyalina ta sinabwana, tauna gimimwata 'ana esana Seitani, 'atuwa Taumudumudulele, tauna bale'u 'ana tokabo. Tauna ma ina aniloseyao maibo'adi bale'uya siula mwa'utedi.

Ibeliu 13:9

'Enega geya'abo loina auwaudi ta dumadumadi wanoonodi, manuna 'ateda 'iewaiwai Yaubada 'ina oboboma namo 'enega ta nigeya masula 'ediyega. Loina masula manuna geya'abo sa'i 'ana tomuliyao 'ilemelemedi.

Yoni 8:44

Yamwalatonimi 'omi Seitani natunao, 'enega nuwanuwami be tamamiya 'ina nuwanuwa wada guinuwe. Tuta 'ana 'ebe e'ale 'enega ga batuwa, tauna toloemwawasa, ta nigeya 'ebweu wate 'eda palupaluna 'enega 'ida tauya, manuna tauna nigeya 'ebweu 'eda palupaluna 'ena 'imiyami. Tuta yauna kaboega 'ionaona, manuna tauna tuga adelina nadigega, ta wate tokaboyao maibo'adi tamadiya.

Galetia 3:1

'Omi me Galetia uwauwami! Yaita sana 'ilonabwasuwemi ga 'igiekwanimi? Lowa 'ae'itemi ga nuwami 'isabwalena 'ai'aila Yesu Keliso manuna, 'aene keloseya 'imwawasa ta sa'i wanuwa pupulena! 'Enega wanuwena 'aene Mosese 'ina loina 'ana ematamatanega 'etoseyana walobai?

2 Kolinita 1:12

'Ebweu yage manuna yagwausowala sinabwana, ta yanuwena ona'ai'aila 'ima bubuna 'esasena ta palupaluna tomota 'ediya, nigeya sinasinapu bale'u 'ediyega, ta esi Yaubada 'ina oboboma 'emaya 'enega, ta wate nadigega 'aguinuwa sinabwana 'emiya.

1 Yoni 2:18

Natugwao, tuta 'ana 'ebe losalowa ni'atu 'imai saba, ta lowa wanonona 'aene Keliso 'ana talauwala nina 'iabe 'iapwesama, 'enega wada nuwa'i'isi Keliso 'ana talauwalao yaudi bale'uya simiyami, 'enega tamwalamwalatoni tuta 'ana 'ebe losalowa gete,

2 Pita 3:17

Gosegwao, yage getedi ni'atu 'omi wamwalatonidi, 'enega wada 'ita'i'isimi be geya'abo toto'umalidi sianugana gesiyemi be wabe'ube'u.

Galetia 4:11

Gete manuna ya'atesa'ala, 'abona nai 'igu paisewa nidi 'emiya waeyage besobesoedi.

2 Kolinita 2:17

Ta 'abo'ama nigeya nadigega tologuguya kabokabodi, taudi 'idi esaesa tuga manuna siloguguya, ta esi 'abo'ama ma 'ama emisa, nadigega Yaubada 'iloinema, 'enega tauna matanaya Keliso tetelina 'aonaona 'ai'aila.

2 Pita 3:3

Ta 'ebweu yage wada gimimwalatoni 'aene tuta 'ana 'ebe losalowa 'enaya 'aina totuyeya sida apwesa, be 'Inapwana 'ina 'eda manuna sida onaona besobeso, ta situyetuyeya, be taudi 'idi nuwanuwa to'umalidi simuliyedi,

2 Timoti 3:13

Ta wate taudi toto'umalidi be tomota 'adi tokaboyao 'idi to'umalinao sida sinabwa 'ai'aila, manuna Seitani ni'atu 'ikaboedi.

1 Tesalonaika 3:5

Gete 'alena 'enega yanuwanuwa wawasae, ga Timoti yaetunenawa be 'imi emisa 'ida 'ita, be tetelimi 'ida me'e 'eguya, manuna ya'atesa'ala Seitani 'enaya, 'abona nai 'ebetoo sinabwana 'i'ebwa'emi be waneneneta, be 'enega 'ima paisewa lowa 'emiya 'igie to'umaliye.

Epeso 6:24

Be wate yaisigedi ma'emiyao, 'abo 'ida 'Inapwana Yesu Keliso sioboboma ataena, 'ina 'atenuwa 'ole'oleyega 'ida obobomedi wate. 'Abo'agu Paulo.

Galetia 2:4

Ta 'aidi wate gosedao kabokabodi ni'atu 'emaya siluguma, nuwanuwadi be 'ida miya bobo'ana Yesu Keliso 'i'ebwa'eda sida 'ita, ta taudi nigeya toemisa 'ai'aila, manuna nuwanuwadi be loina mwauna si'ebwa'ema.

2 Kolinita 4:2

Ni'atu bubuna to'umalidi nai kabokabodi 'aguitoyasedi, ta wate geya'abo Yaubada 'ina ona 'agibugibuni be 'aene e'ita kabokabona 'enega 'ae'ie'ita, ta esi e'ita 'ai'aila 'aonaona apwese, be tomota maibo'ami 'ima bubuna bobo'ana Yaubada matanaya wa'ita.

Madiu 24:24

Manuna Keliso kabokabo be palopitao kabokabo 'iabe siapwesa be we'iwe'iyaya waiwaidi tomota 'ediya sida e'itaedi be 'ediyega 'abo sawesawediya Yaubada 'ina bodao esiesinuwadi wate sikwakwani.

Yude 1:4

Mwau nina ni'atu 'emiya 'iapwesa, nate 'aina toto'umalidi sikaboemi ga 'ami boda 'ena silugu, 'enega Yaubada 'ina oboboma 'edaya taudi 'idi e'itega sisa'u gelasena ga loelata 'ana guinuwa 'enaya, ta wate 'ida Yaubada be 'Inapwana Yesu Keliso siguitoyasedi. Taudi 'idi to'umalinao manudi 'adi loina mwauna lowaenei Yaubada 'isa'una.

Taito 1:10

Ona'ai'aila, tologwautoyasa yaudi simiyami, ta me Yudia 'idi loina 'ana tomuliyao yau wawasae sionaona besobeso be tomota sikabokaboedi.

1 Timoti 1:3

Lowa tuta nina ni'atu be yapilisineyo be yatatauya Masidonia, ta yaemataluwemu, yagwae, “Geya'abo 'utautauya. Bada tuga Epeso 'ena 'uda miyami be 'aina tomota 'u'etobodedi be geya'abo mali e'itao sie'ie'itaedi,

Kolose 2:18

'Enega geya'abo 'ebweu yaita 'ida 'awa'awa to'umaliyemi manuna 'omi nigeya watapwatapwalolo ma imi nuwamwa'uta aniloseyao 'ediya, manuna tomota nidi 'idi mwalatoi madawalega manudi sigagasa, ta sinuwatu'e bubuna bale'u 'ediyega,

2 Kolinita 11:29

'Enega 'abo yaita 'ineneta, 'abo'agu wate 'atuwa yaneneta, ta 'eguma yaita 'ebe esetupe 'ena 'ibe'u, nate 'igu 'ebe nuwamwau.

Loma 12:8

Ta 'abo yaita etaetapewana be gosenao tuta yauna 'igiewaiwaiyedi, nadigega 'ida guinuwa'esa. Ta 'abo yaita tuta yauna 'i'ebwa'ebwaya daita, ma ina 'atetagwala 'ida guinuwa nadigega. Ta 'abo toanuganao paisewa 'ilobwenedi, sida paisewa tuga. Ta wate 'abo yaita 'ina 'atenuwa 'ole'oleyega gosenao 'ilemelemedi, ma ina gwausowala 'ida guinuwa.

E'ita'ita 20:2

ga 'igiyaina yobai nina bweyabweyalina, tauna gimimwata ta Taumudumudulele nina, nate Seitani, ga 'iyonina be 'ana laba tausani yakwala sigugumwala.

2 Kolinita 11:20

'eguma paisewa mwaudi si'ebwa'emi, ta 'emiyega si'ipwa'ipwala, ta sikaboemi, be ma idi nuwatu'e maninimiya sisasapi.

Epeso 4:22

'Enega bubuna kadekadelina wada guitoyasedi, nate guinuwa nidi lowa waguiguinuwedi, tuta nina yalakwaiyao to'umalidi sigieto'umali 'ai'ailimi,

E'ita'ita 12:15

'Enega mwata nina 'awanega bwasi 'isiwa apwesena 'atuwa muluwa waine nina mulinega, be 'enega 'ida doe.