2 Kolinita 11:25 - Loina Tabu Auwauna NT

²⁵ Matoi wate siunugu kaiwe 'ediyega, ma'ebweuna gulewega siunu dadanegu, matoi waga 'enega yadamana bwagabwagaya, ta 'asiyata 'ebweuna be boiboi 'ebweuna 'idoedoegu.

2 Kolinita 11:25 Referans Kwoze

Guinuwa 14:19

Ta sa'i me Yudia Anitioki be Ikoniami 'ediyega simai, ga silugu boda nidi Paulo ta Banaba 'adi toenonoyao soladiya, ga silo'ae etuetunedi ga Paulo gulewega siloibweibwena, ta 'asa solanega silisi apwesena, ta 'idi nuwanuwa ni'atu 'imwawasa.

Ibeliu 11:37

'Aidi wate gulewa sinabwadi 'ediyega siloibwaibwadi, ta 'aidi si'upwa luwedi, ta 'aidi sisisaiya 'ediyega siloemwawasidi, ta 'aidi sipi ta goti bwaladi 'enega si'oama'oama ta ma idi miyamwau 'atuwa tonanaewao, manuna tomota sigie to'umaliyedi.

Guinuwa 16:37

Ta Paulo 'iguitoyasa, 'igwae, “Geya'abo 'atautauya. Manuna nigeya 'ebweu 'ima loegesi etala 'enega silobaloba, ta bodao matadiya siunu dadanema, ga deliya sisa'u luguyema, ta 'abo'ama sa'i lowa 'aeLoma. To'ase manuna 'aene sida li'amima be sigieapwesema kwaiyega? Ta 'ilobwenedi esi taudi tuga sida mai be si'au'ewa apwesema.”

Guinuwa 16:33

Boiboi gote 'ena 'i'au'ewa apwesedi ga 'adi 'abiyama be lala sapiyega silobenaya 'i'utudi, ga tauna ma ina susuyao sibapitaiso.

Guinuwa 14:5

'Enega taudi nigeya me Yudia, be me Yudia wate, be 'idi 'inapwanao ma'ediyao siloina leleleya be Paulo ta Banaba sida gie'elouyaedi, nai gulewega sida loemwawasidi.

Madiu 21:35

Ga tuta nina sitauyaya to'ita'i'itao 'ali'eiyao nidi sigiyaidi ga 'ebweuna sisapina ta 'eluwena siloemwawasina ta 'etonina gulewega siloibweibwena.

Guinuwa 22:24

Ta 'enega boda saiya 'ana toloina 'ina tolosaiyao 'iloinedi, 'igwae, “Tai nate watauye anuwaya, be sapi yauna wa'ebwa'e, be 'ana laba 'isimana apwesa to'ase tomota 'idi gamwasowala 'enaya 'alena.”

Madiu 20:19

be muliyega sida 'ebwayaegu taudi nigeya me Yudia 'ediya be sida tuyeyegu be balaeyega sisapigu, be kelose 'enaya situtu epa'iyegu, be 'asiyata 'etonina 'enaya Yaubada 'ida gietoolo limagu.”

1 Timoti 1:19

ma imu emisa waiwaina ta ma imu nuwanuwa bobo'ana, tuta maibo'ana 'ediya. Manuna 'aina gosedao nuwanuwa bobo'ana siguitoyasena, 'enega 'idi emisa 'ineneta ga sibe'u.