2 Kolinita 10:5 - Loina Tabu Auwauna NT

⁵ 'Ida gwegwe nidi 'ediyega sawesawedaya taewaiwaisine bubuna to'umalina, egewagewana be onalaga, nate yage nidi Yaubada 'ana emisa si'etobodena, ta esi tomota 'idi nuwanuwao tagibunidi be Keliso 'ina ona sida ematamatanedi.

2 Kolinita 10:5 Referans Kwoze

Ibeliu 4:12

Ona'ai'aila, Yaubada 'ina ona mayawasina ta waiwaina 'atuwa sisisaiya 'ina mamatana sena luwaluwana, ta sawesawenaya 'ibadida be sola'ai'ailidaya nuwanuwa be bubuna kwaikwaiyidi simiyami.

Loma 7:23

ta esi mali loinao 'ediyega welawela'agwao siloinegu. Tuta yauna lotoona to'umalina 'ateguya 'iewaiwai wawasae be 'igu nuwanuwa bobo'ana 'igieneneta, 'enega bwalagu 'iguiguinuwa to'umalina.

Madiu 15:19

nate nuwanuwa to'umalidi be loemwawasa be loelata be sogala be 'ipwala be onakabokabo be sinala be.

Loma 1:21

Manuna simwalatonina tauna Yaubada, ta nigeya sida 'amayabena be 'enaya sida lokagutoki, ta esi sikwanikwani ta sinuwanuwa besobeso, 'enega guguyoi 'atedi 'iloemaedi.

1 Kolinita 3:19

Manuna sinasinapu gete bale'u 'enega 'atuwa euwauwa Yaubada matanaya. Manuna Buki Tabu 'ena 'ina simana gete nadigega 'igwae, “Yaubada tosinasinapuyao 'i'onedi, be siesilae taudi 'idi gomanega.”

1 Kolinita 1:19

Gete manuna Buki Tabu 'ena 'isimana, 'igwae, “Taudi tomwalatoiyao be tosinasinapuyao 'idi nuwanuwa yaguitoyasedi be yaloesawalidi.”

Ibeliu 5:9

ga 'enega 'ina bubuna maibo'ana palupaluna. 'Enega 'abo'ada wate 'abo taematamatanei, 'etoseyana ataya Yesu nina 'enega taloba,

1 Pita 1:22

'Enega ni'atu 'eda palupaluna wamuliya 'ai'ailina, gote 'enega 'imi 'esasa walobena, ta wate taudi gosemiyao waobobomedi 'atemi maibo'ana 'enega, 'enega 'ilobwenemi be wada eobooboboma 'ebweuna 'ebweuna, oboboma 'ai'aila 'enega.

2 Tesalonaika 2:8

be 'enega toto'umalina nina 'iapwesama. Muliyega 'ida 'Inapwana Yesu 'ida apwesama, be tai to'umalina nina 'ida loesawali yage 'eluwa 'ediyega, nate 'ina waiwai ta 'awanega 'awesabelulu.

Luke 1:51

Ta esi taudi togagasao be tonuwatu'eyao nimana waiwaina 'enega 'i'ausepaledi.

2 Tesalonaika 2:4

Yaubada 'ana saiya ta wate 'ebe emisa maibo'adi 'adi saiya, 'enega tauna 'ida gitu'eye be Yaubada 'ina Anuwa Tabu 'enaya 'ida miyatowa, be 'ida etoloina 'atuwa Yaubada.

2 Kolinita 9:13

Ta togomabeso nidi sida gwausowala 'adi lema be mali boda wate 'adi lema bobo'adi 'emiyega manuna, be wate 'imi ematamatana Keliso tetelina 'enaya manuna sida ona'ai'aila, be wate Yaubada sida tupu,

Loma 16:26

ta esi gete tuga ni'atu 'igieapwesena 'edaya palopitao 'idi 'etoladiyao 'ediyega, ta wate Yaubada miyamiya atayana 'iloina be 'aene sena maibo'ana tomotediyao tetela gete sida mwalatoni, be 'enega sida emisa be sida muliye.

Loma 1:5

Yesu Keliso tauna 'iobobomegu, ga 'iesinuwegu be 'aene tauna manuna yada etosimana sena yauyauna 'ediya, be 'enega tauna 'ena sida tagwaledi ta sida emise.

1 Pita 1:2

'Omi lowa Yaubada 'inuwena be 'aene 'ida esinuwemi 'ina tomotaiyao, 'enega 'ina Yaluyaluwa Tabunega ni'atu 'igie'esasemi, nate Natuna lalanega, be 'aene Yesu Keliso nina 'enana wada ematamatane. Oboboma be nuwasiwalowa sida sinabwa 'emiya.

2 Kolinita 11:20

'eguma paisewa mwaudi si'ebwa'emi, ta 'emiyega si'ipwa'ipwala, ta sikaboemi, be ma idi nuwatu'e maninimiya sisasapi.

Pilipai 4:7

be Yaubada 'ina lemao tosinabwa sadi 'ediyega 'ida giegwausowalimi, be 'enega Yesu Keliso ma'emiya, 'atemi be 'imi nuwanuwao sida miya bobo'ana.