1 Yoni 4:8 - Loina Tabu Auwauna NT

⁸ Ta esi taudi nigeya tooboboma, taudi nigeya Yaubada 'ana tomwalatoiyao, manuna Yaubada oboboma 'alena,

1 Yoni 4:8 Referans Kwoze

1 Yoni 4:16

'Enega Yaubada 'ina oboboma 'edaya ni'atu tamwalatonina ga ta'awa 'ai'ailena. Ona'ai'aila, Yaubada oboboma 'alena, 'enega 'abo yaita oboboma 'ina sena 'ena 'imiyami, tauna Yaubada 'ena 'imiyami, ta Yaubada sa'i tauna wate 'enaya 'imiyami.

1 Yoni 4:7

Gosegwao, maibo'ada tada eoboobobomeda, manuna Yaubada oboboma 'alena, 'enega toobobomao taudi ni'atu Yaubada 'ienatunedi, ta taudi Yaubada 'ana tomwalatoiyao.

2 Kolinita 13:11

Gosegwao kaiyoni. 'Igu loguguya wada nono be wasanaila. Wate 'imi nuwanuwa 'ebweuna 'enega wada miyasiwalowa, be Yaubada tauna oboboma be nuwasiwalowa 'aledi ma'emiya wada miya gwausowala.

Epeso 2:4

Ta 'enega 'ida loegesiyao siloemwawasida, ta esi Yaubada 'ina 'atenuwa'ole'ole tosinabwa sana ga 'ina oboboma sinabwana 'edaya 'ediyega 'igietoolo limeda, Keliso ma'edai. Yaubada tauna 'ina 'ebwayadaita 'enega 'i'etoseyeda,

1 Yoni 1:5

'Enega tetela gete 'ieonema, ga 'asimanena 'emiya 'aene Yaubada maedana 'alena, ta nigeya wate 'ebweu guguyoi 'enaya 'imiyami.

1 Yoni 3:6

'Enega 'eguma 'abo'ada Keliso ma'edai tamiyami geya'abo wate tabuubuna to'umalina, ta esi taudi toto'umalidi nigeya Keliso si'ita'ita, ta wate nigeya simwalamwalatoni.

1 Yoni 2:9

'Enega 'eguma yaita tasina 'ietalauwale be 'ionaona 'aene tauna maedana 'ena 'imiyami, nate 'ikabokabo, manuna tauna 'etamo tuga guguyoi 'ena 'imiyami.

1 Yoni 2:4

'Enega 'eguma yaita 'ionaona be 'igwae, “'Abo'agu Yaubada gosiyagu,” ta Yaubada 'ina loinao nigeya 'ida ematamatanedi, nate 'ikabokabo, manuna 'eda palupaluna 'ipilisinena.

Ibeliu 12:29

manuna 'ida Yaubada nina 'awe sabelulu 'atuwa.

1 Yoni 3:10

'Enega taudi ta'inanedi 'aene yaisigedi Yaubada natunao, ta yaisigedi Seitani 'ina bodao, manuna taudi Seitani 'ina boda geya'abo sa'i siguiguinuwa palupalu, manuna nigeya situbutubuwama Yaubada 'enega, ta wate geya'abo sieobooboboma matasidiyao.