1 Yoni 4:4 - Loina Tabu Auwauna NT

⁴ Natugwao, 'omi Yaubada 'enega watubuwama, 'enega mali yaluyaluwa nidi ni'atu waewaiwai sinedi, manuna Yaluyaluwa nina 'edaya 'imiyami Toewaiwai sana, ta yaluyaluwa nina me bale'u 'ediya 'imiyami 'ina waiwai nigeya sinabwana.

1 Yoni 4:4 Referans Kwoze

Loma 8:31

Ona'ai'aila, Yaubada 'ina oboboma manuna geya'abo tagwaegwae, manuna 'abo Yaubada ma'edai 'ilemeda, nigeya yaita sawesawenaya 'ilosaiyeda, nai 'igie to'umaliyeda.

1 Yoni 5:4

'Enega 'eguma Yaubada 'ienatuneda, bubuna bale'u taewaiwai sine, ta 'ida 'ebe ewaiwai nina 'ana esana emisa.

Loma 8:37

Ta esi yage maibo'adi getedi 'ediyega taewaiwai, manuna Yesu 'ina oboboma be 'ina lema 'edaya sinabwa wawasae.

1 Yoni 4:16

'Enega Yaubada 'ina oboboma 'edaya ni'atu tamwalatonina ga ta'awa 'ai'ailena. Ona'ai'aila, Yaubada oboboma 'alena, 'enega 'abo yaita oboboma 'ina sena 'ena 'imiyami, tauna Yaubada 'ena 'imiyami, ta Yaubada sa'i tauna wate 'enaya 'imiyami.

1 Kolinita 2:12

Yaubada yaluyaluwana nigeya me bale'u yaluyaluwadi nadigega, ta esi Yaubada yaluyaluwana nina 'i'ebwa'eda, 'enega tanuwanuwa sabwalena 'ina obobomao 'edaya manudi.

1 Yoni 5:19

Ta wate 'abo'ada tamwalamwalatoni 'aene Yaubada 'ienatuneda, ta sa'i bale'u bubunina 'ana tomuliyao yauyaudi toto'umalina nina 'ina bodao.

1 Yoni 4:13

Ta wate tamwalatonina 'aene 'abo'ada 'enaya ta tauna 'edaya, manuna yaluyaluwana ni'atu 'i'ebwa'eda.

Epeso 6:10

Gosegwao, 'Inapwana 'ina waiwai sinabwanega wada ewaiwai,

Epeso 3:17

be wate 'imi emisega Keliso 'ida miyami 'atemiya, be adelimi maibo'ana oboboma tuga,

E'ita'ita 12:11

Ta tasidao nidi ona'ai'aila yawasidi sitagwalena be Keliso manuna simwamwawasa, 'enega Seitani nina ma'edi silosaiya ga taudi siewaiwai. Ta 'idi ewaiwai Lami lalanega, ta wate 'idi simana Lami manuna 'enega.

1 Yoni 3:24

'Enega 'eguma 'ina loinao tamulimuliyedi, 'abo'ada 'enaya tamiyami, ta tauna 'edaya 'imiyami. Ta mwa'adega 'ina miya 'edaya tamwalatoi'ese? Manuna Yaluyaluwana 'i'ebwa'eda, ga 'edaya 'imiyami.

Yoni 12:31

Tuta gete ni'atu 'imai saba be toto'umalidi bale'uya simiyami Yaubada 'ida loinedi, ta wate bale'u gete 'ana toloina to'umalina 'ida ula apwese.

Yoni 17:23

Ta 'abo'agu 'ediya yamiyami. 'Oyo wate 'eguya 'umiyami, be gete 'enega sida e'ebweu 'ai'aila. Be wate gete 'enega me bale'u sida mwalatonigu 'aene 'oyo 'uetuneguma, be wate sida mwalatoniyo 'aene 'oyo 'uobobomedi taudi, tuga nadigega 'abo'agu 'uobobomegu.

1 Yoni 4:6

Ta 'abo'ada esi Yaubada 'enega tatubuwama, 'enega 'abo yaisigedi taudi Yaubada 'ana tomwalatoiyao 'enada sinonona, ta taudi nigeya Yaubada simwalamwalatoni 'enada geya'abo sinonona. 'Enega tamwalatonina 'aene yaluyaluwa kabokabona 'ediya 'imiyami, manuna 'eguma yaluyaluwa 'ai'aila 'ediya 'imiyami 'enada sida nono.

2 Kolinita 6:16

Wate nigeya sawesawenaya mali 'ebe emisao wasa'u luguyedi Yaubada 'ina anuwa solanaya, ta Yaubada tauna mayawasina ga 'ina anuwa 'abo'ada, ta 'igwae, “ ‘'Abo'agu taudi 'ediya yada e'asa be soladiya yada adadana, be 'abo'agu 'idi Yaubada ta taudi 'igu tomotaiyao.’

1 Yoni 2:13

'Ena'iyao ye, ona gete ya'etoladinawa manuna 'omi tauna lowaenei ga batuwa 'imiyami ni'atu wamwalamwalatoni. Tubuwauyao ye, ona gete ya'etoladinawa, manuna tauna toto'umalina sana ni'atu waewaiwai sinena. Ta 'omi gogama sinasinabwami ona gete ya'etoladinawa, manuna Tamada ni'atu wamwalatonina.

1 Kolinita 6:13

Wada nuwa'i'isi masula manuna. Ona'ai'aila, masula gamwada manuna, ta wate gamwada masula manuna, ta esi ma'etamo masula be gamwada Yaubada 'ida loesawalidi. Ta bwalada Yaubada 'i'ebwa'eda nigeya loelata manuna, ta tauna esiya manuna, be tauna 'abo'ada manuda,

Epeso 2:2

Ona'ai'aila, lowa bubuna bale'u waguiguinuwedi, manuna yaluyaluwa to'umalidi ta waiwaidi 'idi 'inapwana, tauna tomiya mwatui waematamatanena. Tauna yaluyaluwa nina taudi tole'oa loina simulimuliye be 'atediya 'imiyami.

Yoni 16:11

Ta wate tauna bwa'omatana 'ida e'itami 'aene ni'atu bwa'omatana 'imai saba bale'uya, manuna bale'u 'ana toloina nina 'ina guinuwa to'umalina 'enega 'ana bwa'omatana 'ilobena.

2 Kolinita 4:4

Taudi nigeya siemiemisa, manuna bale'u gete 'ina 'inapwana ni'atu 'igiekebodi, be 'enega maedana geya'abo si'ita'ita, nate Keliso 'ina esaesa tetelina, tauna 'ana 'ita Yaubada nadigega.

Yoni 14:30

“Nai geya'abo tuta dudulana yaonaona 'emiya, manuna ni'atu gabula 'ana 'inapwana to'umalina 'imeema, ta tauna nigeya 'ebweu wate 'ina waiwai 'eguya,

1 Yoni 2:1

Ye natugwao, 'imi leta gete ya'etoladinawa be 'enega geya'abo waguiguinuwa gesi. Ta 'eguma taloegesi, Yesu Keliso tauna topalupaluna 'isisida manuda, Tamana 'enaya,

1 Yoni 3:20

Ta 'eguma ma ida 'atesa'ala 'aene 'abo'ada toto'umalida, Yaubada 'atesa'ala nidi 'ida kweudi, manuna yage yauna sawesawenaya, ta wate mwalatoi maibo'ana 'isinapudi.