1 Yoni 4:1 - Loina Tabu Auwauna NT

¹ Gosegwao, geya'abo yaluyaluwa maibo'adi waemiemisedi, ta esi watoodi, bobo'adi nai to'umalidi. 'Eguma taudi bobo'adi, tamwalatonidi 'aene Yaubada 'enega simai, ta taudi to'umalidi mali senega simai, manuna gete tuga palopita kabokaboyao siapweapwesama mayaluyaluwadi nigeya Yaubada 'enega.

1 Yoni 4:1 Referans Kwoze

1 Tesalonaika 5:21

ta esi e'ita nina wada too, be 'abo bobo'ana wagiyai,

2 Pita 2:1

Ta esi lowaenei 'aina palopita kabokabodi tomota gamwagamwanidiya siapwesa. Nadigega wate gete tuga toe'ita kabokaboyao gamwagamwanimiya siapweapwesa, ta 'idi e'ita kabokabo 'enega tomota sigie to'umaliyedi 'idi e'ita to'umalina 'enega. 'Inapwana nina tauna 'iyotulidaya, ta taudi sieyaseyaseye, 'enega e'isa to'umalina 'iabe siloba.

1 Timoti 4:1

Yaluyaluwa Tabuna ni'atu 'isimana apwesa 'aene ma'etamo tuta 'ana 'ebe losalowa 'enaya 'aina tomota tapwalolo sida guitoyase, be yaluyaluwa to'umalidi be Taumudumudulele 'idi e'ita kabokaboyao sinonodi.

2 Yoni 1:7

Ta tokabo yaudi ni'atu siapwesa bale'uya ga sieyaseyase, sigwae, “Yesu Keliso nigeya 'ieetomota.” 'Eguma yaita nadigega 'ikabo'esa, tauna Keliso 'ana talauwala.

1 Kolinita 14:29

Ta wate tologuguyao 'eluwa nai 'etoi sida ona, be 'enega maibo'ami 'idi ona nidi wada nonodi, be manudi wada nuwanuwa.

1 Yoni 2:18

Natugwao, tuta 'ana 'ebe losalowa ni'atu 'imai saba, ta lowa wanonona 'aene Keliso 'ana talauwala nina 'iabe 'iapwesama, 'enega wada nuwa'i'isi Keliso 'ana talauwalao yaudi bale'uya simiyami, 'enega tamwalamwalatoni tuta 'ana 'ebe losalowa gete,

Luke 12:57

“Ta to'ase 'alena ga nigeya waesiesinuwa 'ai'aila be 'eda palupaluna 'enega watautauya?

Luke 21:8

Ga Yesu 'ediya 'igwae, “Wa'ita'i'isimi 'abona nai tomota 'aidi sikaboemi, manuna ma'etamo tomota yaudi 'agu esanega simama be 'aene sianugana gesiyemi be 'ebweuna 'ebweuna 'ida gwae, ‘'Abo'agu To'etoseyana nina,’ nai 'aina wate sida gwae, ‘To'etoseyana 'ina tuta ni'atu 'iapwesama.’ Ta esi geya'abo wamulimuliyedi.

2 Timoti 3:13

Ta wate taudi toto'umalidi be tomota 'adi tokaboyao 'idi to'umalinao sida sinabwa 'ai'aila, manuna Seitani ni'atu 'ikaboedi.

E'ita'ita 2:2

“Ni'atu yamwalatonimi, 'aene 'imi paisewa sinabwana 'enega, be 'imi e'alama'i'itana 'ediyega, waewaiwai, ta toto'umalidi geya nuwami, 'enega 'agu tosimana kabokaboyao watoodi ga 'idi kabo wagieapwesena.

1 Kolinita 12:10

be 'ebweuna yage 'ebe nuwaowana 'ana guinuwa, be 'ebweuna loguguya, be 'ebweuna mali yaluyaluwao 'adi 'inana 'aene bobo'ana nai to'umalina, be 'ebweuna wate mali 'enana sawesawenaya be 'ediyega 'ioona, be 'ebweuna wate 'enana nidi 'ana gibui.

Guinuwa 20:29

“Yamwalamwalatoni wate 'iabe 'igu tauya mulinaya toe'ita to'umalidi, 'atuwa kedewa bosasa, simamai be 'imi sipiyao sida gieto'umaliyedi.

Maki 13:21

“'Enega 'abo yaita 'ieonami be 'igwae, ‘Keliso gete’ nai ‘Gote’ geya'abo waeemisedi.

Guinuwa 17:11

Lowa Tesalonaika 'ena me Yudia geya nuwadi tetela nina, ta sa'i me Yudia Belia 'ena 'idi tagwala bobo'ana, ga tetela nina nuwadi 'i'ewena, 'enega 'asiyata 'ebweuna 'ebweuna Buki Tabu sisawasawa be 'aene tetela gete 'ana 'ai'aila sida mwalamwalatoni.

1 Tesalonaika 5:20

'enega 'eguma 'ebweu tologuguya e'ita auwauna 'iona apwesei, geya'abo waguiguitoyase,

2 Tesalonaika 2:2

be 'enega geya'abo wa'ate'ate sa'ala. 'Enega 'eguma tomota sigwae, “'Inapwana 'ina apwesa limanama 'ana tuta gete,” geya'abo waemiemisedi. 'Eguma siona 'aene mwalatoi gete silobena 'idi madawalega, nai Yaubada 'ina ona 'ediya 'enega, nai 'abo'agu 'idi leta ya'etoladina 'ediya 'enega,

1 Yoni 2:7

Gosegwao, geya'abo loina auwauna ya'eto'etoladinawa, ta esi loina kadekadelina nina wagimi nononaya, ga ni'atu wamwalatonina, gete yalolimenawa.

3 Yoni 1:11

Gosegwao, geya'abo bubuna to'umalina wamulimuliye, ta bubuna bobo'ana esi. Ona'ai'aila, tobobo'adi taudi Yaubada 'ina bodao, ta toto'umalidi nigeya Yaubada sida mwalatonina.