1 Yoni 3:16 - Loina Tabu Auwauna NT

¹⁶ Ta wate oboboma tamwalatonina, nate 'aene Keliso yawasina 'itagwalena ga manuda 'imwawasa, 'enega 'ilobweneda wate be yawasida tatagwale tasidao manudi.

1 Yoni 3:16 Referans Kwoze

Epeso 5:2

be wate wada eoboobobomemi nadigega Keliso 'ioboboma 'eseda, ga tauna 'itagwalena ga 'italiyaena Yaubada 'enaya manuda, ga 'imwawasa.

Yoni 13:34

“'Enega 'omi wate gete tuga loina auwauna ya'ebwa'emi, be 'atemiyega wada eobooboboma 'ebweuna 'ebweuna 'enaya, nadigega 'abo'agu yaoboboma'esemi,

Yoni 3:16

Ta Yaubada sa'i tomota maibo'adi bale'uya 'iobobomedi ga natuna tebweuna 'itagwalena be 'enega yaisigedi tauna 'ena siemisa, geya'abo simwawamwawasa ta esi yawasidi ataya sida loba.

Loma 5:8

ta 'abo'ada 'etamo toto'umalida ga Yaubada 'ina oboboma 'ie'itaena 'edaya, nate Keliso manuda 'imwawasa,

E'ita'ita 1:5

Ta Yesu Keliso tauna Tosimana 'ai'aila, ta wate tauna mwawasega 'igimi toololimana, ta bale'u 'ana toloinao 'idi kini. Tauna Yesu nina 'iobobomeda ga 'ida loegesiyao lalanega 'i'utu yauledi.

1 Pita 3:18

Ona'ai'aila, Keliso ma'ebweuna 'imwawasa 'ida to'umalinao manudi, ta tauna tai bobo'ana, ta 'abo'ada toto'umalida ga manuda 'imwawasa, be gote 'enega 'ida 'au'ewada Yaubada 'ena. Ta Keliso oona namo siloemwawasina, ta yaluyaluwana nigeya.

Madiu 20:28

Wate nadigega 'abo'agu Tomota Natuna yamai bale'uya nigeya 'aene tomota manugu siguinuwa, ta esi sabi guinuwa tomota manudi, ta wate yatagwalegu be yamwamwawasa tomota maibo'ami 'ami etoli'ama manuna.”

Guinuwa 20:28

“'Enega toanuganao 'omi, taumimo wa'ita'i'isimi be 'imi sipiyao wate wa'ita'i'isidi, manuna Yaluyaluwa Tabuna 'imi paisewa nina 'i'ebwa'emi be toekalesiyao nidi walomata'i'isidi, manuna 'ida 'Inapwana Yesu tomotai nidi tauna lalanega 'igimwanedi.

Epeso 5:25

Aiai nimi me'olotomi 'ilobwenemi be mwanemiyao waobobomedi, nadigega Keliso 'ina toekalesiyao 'iobobomeda, ga tauna 'itagwalena, ga manuda 'imwawasa,

Taito 2:13

Gete tuga ma ida gwausowala 'ada To'etoseyana Yesu Keliso taemisena, tauna 'ida Yaubada waiwaina ta ma ina esaesa, 'enega 'ina apwesama manuna tayamwayamwa.

Loma 16:4

ta wate yawasidi sitagwalena manugu tuta 'ebe esilae 'ediya. 'Enega manudi yalokagutoki sinabwana, ta nigeya 'aene taugumo 'igu lokagutoki, ta wate toekalesiyao sena apwesao 'ediyega.

1 Yoni 2:6

'Enega 'eguma yaita 'oyo 'ugwae, “'Abo'agu Yaubada gosiyagu ta ma'iyagu 'amiyami,” 'ilobwene 'ai'ailiyo be 'uda bubuna nadigega Yesu 'ina bubuna.

Yoni 10:15

Nadigega tuga Tamagu 'imwalatonigu ta 'abo'agu wate yamwalatonina. Ta wate 'abo'agu yawasigu ni'atu yatagwalena be 'igu sipiyao manudi yamwamwawasa.

Pilipai 2:17

Wate 'eguma 'iabe 'agu talauwalao siloemwawasigu, 'atuwa nadigega sitaliyaegu, yada gwausowala tuga, be 'omi wate wada gwausowala. 'Omi lowa wataliya Yaubada matanaya, tuta nina Yesu waemisena; ta 'igu mwawasa 'imi taliyao 'ida loeposeyanedi.

E'ita'ita 5:9

Ga wali auwauna siwaliyena, sigwae: “Ona 'ai'aila, 'oyo sawesawemuya be buki nate 'u'ewa, ta wate sawesawemuya 'ana losipwa 'uli'ami, manuna ni'atu siloemwawasimu, ga lalamuyega tomota 'usa'ugagidi Yaubada manuna, ta taudi bodao be 'enanao be susuyao be 'ebeloinao maibo'adi 'ediyega.

1 Pita 2:24

Ona'ai'aila, Keliso tauna oonega 'ida to'umalinao 'i'aalidi kelose 'enaya, be gote 'enega 'aene 'ida bubuna to'umalidi sigugumwala, ta bubuna palupaluna 'enega tatatauya. Tauna 'ana badi 'enega 'imi bobo'ana walobena.

1 Pita 1:18

Lowa 'imi bubuna tubumiyao 'ediyega nigeya bobo'ana, 'enega Yaubada emaisa 'iguinuwena sabi 'etoseyemi. Ta 'ami e'isa nina ni'atu wamwalamwalatoni 'aene nigeya yage gumwagumwalidi, nadigega siliba nai goula,

Pilipai 2:30

Ona'ai'aila, Epapilodito nina Keliso 'ina paisewa 'enaya le'oasega selabenaya be 'imwamwawasa, manuna 'omi nigeya sawesawenaya be walemegu, ta Epapilodito nina 'ipasima ga 'ilemegu, ga 'enega le'oasa nina 'ilobena.

Yoni 10:11

Ta wate 'ediya 'igwae, “'Abo'agu sipi 'adi to'ita'i'ita bobo'ana, 'enega yawasigu yatagwalena be 'igu sipiyao manudi yamwamwawasa.

1 Tesalonaika 2:8

Ta nuwama wa'ewena, 'enega ma ima 'atetagwala 'emiya Yaubada tetelina 'asimanena, ta wate 'abo'ama taumamo 'atagwalema, ga 'aegosigosiyana 'ai'ailemi.

1 Yoni 2:9

'Enega 'eguma yaita tasina 'ietalauwale be 'ionaona 'aene tauna maedana 'ena 'imiyami, nate 'ikabokabo, manuna tauna 'etamo tuga guguyoi 'ena 'imiyami.

2 Kolinita 4:12

'Atuwa nadigega mwawasa solamaya 'iguiguinuwa be 'enega 'omi solamiya yawasi bobo'ana 'ida guinuwa.