1 Yoni 3:12 - Loina Tabu Auwauna NT

¹² Ta geya'abo Keni nadigega, manuna Keni nina Seitani 'ina boda, ga tasina 'iununa. Ta 'ina loemwamasa 'alena tuga e'ipi'ipi, manuna tasina 'ina guinuwa bobo'ana ta Keni nina 'ina guinuwa to'umalina.

1 Yoni 3:12 Referans Kwoze

Ibeliu 11:4

'Enega Ebeli wate ma ina emisa 'italiya Yaubada 'enaya, 'enega 'ina taliya nina Keni 'ina taliya 'ibobo'ana sinena, ta Yaubada 'igwausowala Ebeli 'ina taliya manuna ga 'i'awa palupaluyena. Ebeli nina ni'atu bale'u 'ipilisinena ta esi 'ina emisa 'enega 'ie'ie'ita 'edaya.

Yude 1:11

Nuwa'ole'oledi, manuna Keni 'ina 'eda to'umalina 'enega sitautauya, ta 'enega 'idi esaesa manuna sibubuna to'umalina, nadigega wate Balami lowa 'ina bubuna. 'Enega sida esilae, manuna loina bobo'ana siguitoyasena, nadigega Kola lowa loina 'iguitoyasena.

Luke 11:51

nate Ebeli siloemwawasina ga 'enega siloeloemwawasa ga 'ana laba Sakalaya 'ina tuta 'enaya siloemwawasina Anuwa Tabu ta 'ebe taliya gamwagamwanidiya. Ona'ai'aila, loemwawasa nidi maibo'adi 'adi e'isa 'epata getemi waloba.

Madiu 23:35

Ta 'ana 'ebe losalowa 'enaya topalupaludi 'adi loemwawasa 'ana e'isa maibo'ana 'omi wada loba. Gimi tai Ebeli tauna topalupaluna siloemwawasina ga 'enega siloeloemwawasa ga 'ana laba Balakaya natuna Sakalaya wate siloemwawasina Anuwa Tabu ta 'ebe taliya gamwagamwanidiya.

1 Pita 4:4

Ta tomiya apwesa nidi sinuwa owana 'abo 'omi nigeya ma'emiyao yage nidi to'umalidi waguiguinuwedi, 'enega si'awa to'umaliyemi.

Ibeliu 12:24

ta wate Yesu 'ena, tauna loina auwauna 'ana to'ebwaya nina ga lalana 'ana loseuseula 'enega 'i'etoseyeda, ta nigeya nadigega Ebeli lalana, manuna nate 'ebe esilae.

1 Yoni 3:8

Ta toto'umalidi nate taudi Seitani 'ina bodao, manuna gimituta 'enega ga batuwa Seitani tauna toto'umalina. 'Enega Yaubada Natuna 'ietunena ga bale'uya 'imai Seitani 'ina guinuwao sabi 'ausepaledi.

Guinuwa 7:52

Ona'ai'aila, tubumiyao palopitao maibo'adi sibubuna geyogeyoiyedi ga siloemwawasidi, palopitao nidi taudi Topalupaluna 'ina mai sigimi simanena, 'enega 'omi wate Topalupaluna nina wasipupuyena ga waloemwawasina.

Yoni 10:32

Ta Yesu 'i'itedi ga 'ediya 'igwae, “Guinuwa yaudi ta bobo'adi Tamagu 'enega ni'atu yaguinuwedi 'emiya, ta to guinuwa sana manuna wanuwanuwa 'aene to'umalina, ga 'enega 'aene gulewega wada loemwawasigu?”

Madiu 27:23

Ta Pailato 'ieonedi, “To'ase sana 'ina loegesi, ga 'enega 'aene mwawasa 'iloba?” Ta sibwau toitoila, sigwae, “Kelose 'enaya tada tutuepa'iye!”

Madiu 13:38

ta bagula nate bale'u maibo'ana, ta witi nate taudi Yaubada 'ina loina 'ana tomuliyao, ta pwatula nate taudi to'umalina 'ana toguinuwao,

Madiu 13:19

'Eguma yaita Yaubada 'ina loina tetelina 'inono namo, ta nigeya 'inuwanuwa sabwaleni, ma'etamo togieto'umali nina 'imamai be ona nidi tai 'atenega 'i'ewayauledi. Nate atu nidi sibe'ube'u 'edaya 'adi mwalatoi.

E'ita'ita 17:6

Ta waine nina ya'itena, ni'atu Yaubada 'ina tomotaiyao be Yesu 'ana tosimanao laladi 'inumena, ga 'enega 'iekabaleya, ga nuwagu 'iowana waine nina 'ana 'ita manuna.

1 Tesalonaika 2:14

Ta wate miyamwau walobena, nadigega taudi Yesu Keliso 'ana toemisao sena Yudia 'enaya, manuna toekalesiyao nidi 'idi miyamwau silobena taudi 'idi tomotaiyao 'ediyega, nadigega 'omi 'imi miyamwau walobena taumi 'imi tomotaiyao 'ediyega.

Madiu 5:37

Ta esi 'eguma ona 'ai'aila, 'ugwae, “Tamo”, ta 'eguma nigeya ona 'ai'aila, 'ugwae, “Nigeya.” Manuna 'eguma ona yauna, nate Seitani 'enega.

Yoni 8:40

Ta sa'i 'omi 'imi guinuwa dumadumadi, 'enega 'aene watootoo be waloemwawasigu, 'abo'agu Yaubada 'ina ona 'ai'aila 'ana tosimana. Ta wa'ita Ebelaamo 'ina guinuwa nigeya gete nadigega.

Yoni 8:41

Ta 'omi tamami 'ina guinuwa waguiguinuwedi.” 'Enega taudi wate sigwae, “Iye! 'Abo'ama nigeya pesiyeda. 'Abo'ama tamama 'ebweuna tuga, Yaubada.”