1 Yoni 2:5 - Loina Tabu Auwauna NT

⁵ Ta 'abo Yaubada 'ina ona tamulimuliye, 'ina oboboma 'enega 'iloemaeda be tamwalamwalatoni 'aene gosedai nina ma'eda tamiyami.

1 Yoni 2:5 Referans Kwoze

Yoni 14:23

Ta Yesu 'ena 'igwae, “'Abo 'oyo yaita 'uobobomegu 'igu ona 'uda muliyedi, 'enega Tamagu 'ida obobomeyo, be 'enega Tamagu ma'iyagu 'awawai 'emuya, be 'oyo ma'ema tada miya leleleya.

Yoni 14:21

'Eguma yaita 'oyo 'igu loina 'usinapudi be 'uematamatanedi, 'oyo ni'atu 'uobobomegu. 'Enega Tamagu wate 'ida obobomeyo, ta 'abo'agu wate yada obobomeyo, ta yada e'itaegu taugu 'emuya.”

Luke 11:28

Ta Yesu wate 'igwae, “Taudi esi 'abo Yaubada 'ina ona sinonona ga 'enana siematamatanena, taudi togwausowala 'ai'aila.”

1 Yoni 3:24

'Enega 'eguma 'ina loinao tamulimuliyedi, 'abo'ada 'enaya tamiyami, ta tauna 'edaya 'imiyami. Ta mwa'adega 'ina miya 'edaya tamwalatoi'ese? Manuna Yaluyaluwana 'i'ebwa'eda, ga 'edaya 'imiyami.

E'ita'ita 14:12

Ona gete 'enega Yaubada 'ina tomotaiyao sida 'alama'i'ita, taudi 'ina loina 'ana toematamatanao ta Yesu 'ana toemisao.

1 Yoni 5:2

'Enega 'eguma Yaubada taobobome, ta 'eguma 'ina loinao taematamatanedi, tamwalamwalatoni 'aene Yaubada natunao wate taobobomedi.

Yoni 15:5

“Ta 'abo'agu kaiwe nigu ta 'omi naligwao, 'enega 'eguma yaita 'eguya 'imiyami be 'abo'agu 'ena yamiyami, 'ida uwa bobo'ana. Manuna 'eguma 'abo'agu nigeya, geya'abo to'ase 'ebweu bobo'ana waguiguinuwe.

1 Yoni 4:18

Ta 'ida oboboma nina 'enega geya'abo tamatamatauta, manuna oboboma 'ai'aila matauta 'i'ewa yaulena. Ona'ai'aila, loina 'ena tamatauta, 'eguma eobooboboma 'ai'aila nigeya 'edaya.

2 Kolinita 5:17

ta esi wanuwa'i'isi 'aene 'abo yaita Keliso 'enaya 'imiyami, tauna 'ietomota auwauna. 'Ina bubuna kadekadelina ni'atu 'igumwala, ta auwauna sa'i ni'atu 'iapwesama.

E'ita'ita 12:17

'Enega yobai nina 'igamwasowala 'ai'aila waine nina 'ena, ga 'itauya ga waine nina 'ina susuyao 'ilosaiyedi, taudi nate Yaubada 'ina ona 'ana toematamatanao ta Yesu 'ana tosimanao. 'Enega yobai nina bweyabweyalina kaukauya 'itoolo baula.

1 Yoni 5:20

Ta wate tamwalamwalatoni 'aene Yaubada Natuna ni'atu 'imai 'edaya, ga 'igienuwa sabwalenida 'aene Yaubada Topalupaluna, ta 'enaya tamiyami, manuna 'abo'ada Yaubada Natuna Yesu Keliso ma'eda. Yesu nina Yaubada 'ai'aila, ta yawasida ataya 'alena.

1 Kolinita 1:30

Manuna Yaubada tauna 'ina guinuwega Yesu Keliso ma'eda tae'ebweu, 'enega Yaubada 'ina sinasinapu Yesu nina 'isa'u balenaya 'edaya, manuna Yesu tauna 'italiyaena manuda, ga 'enega 'igie'esaseda, ta 'igiepaepaluyeda.

Loma 8:1

'Enega 'eguma Yesu Keliso ma'edai, nigeya sawesawenaya be Yaubada 'ina ona mwauna 'edaya 'isa'u.

Yemesa 2:22

Gete 'enega 'uda mwalatoni 'aene Ebelaamo 'ina emisa be 'ina guinuwa sipaisewa leleleya, ga 'ina guinuwega 'ina emisa 'ai'aila 'igieapwesena.

2 Kolinita 5:21

Yaubada nina 'abo'ada manuda Keliso 'iloinena, tauna nigeya 'ebweu wate 'ina to'umalinamo, ta Yaubada 'itagwalena be Keliso nina 'atuwa tai to'umalina, be tauna 'enega 'abo'ada Yaubada 'ina bubuna palupaluna tada lowa'elu.

Yoni 6:56

'Enega 'abo yaita tauna bwalagu 'i'a'ani be lalagu 'inumai tauna 'eguya 'imiyami, ta wate 'abo'agu 'enaya yamiyami.

1 Yoni 4:17

Gete 'enega taeobooboboma 'ai'aila be bwa'omatana 'ana 'asiyata 'enaya geya'abo tamatamatauta, ta esi tada 'atepatu, manuna tuta gete bale'uya tamiyami 'abo'ada Keliso nadigega.

2 Yoni 1:6

Manuna 'eguma taeobooboboma, nate Yaubada 'ina loinao tamulimuliyedi, ta loina nina lowa wanononaya 'aene oboboma 'ina 'eda 'enega tada tauya.