1 Yoni 2:16 - Loina Tabu Auwauna NT

¹⁶ Ona'ai'aila, bale'u yagenao maibo'ana, nate yalakwaiya be gwegwe 'ana yala be nuwatu'e, yage getedi nigeya Tamada 'enega simeemai, ta esi bale'u 'enega.

1 Yoni 2:16 Referans Kwoze

Loma 13:14

Ta esi 'ilobweneda be 'ida 'Inapwana Yesu Keliso 'ina bubunega tada bubuna, be geya'abo bubuna bale'u manuna tanuwanuwa.

Galetia 5:17

Manuna yalakwaiyao Yaluyaluwa Tabuna sietalauwalena, ta sa'i Yaluyaluwa Tabuna 'ida yalakwaiyao 'ietalauwaledi. 'Enega soladaya silosalosaiya, ta to'ase bobo'ana nuwanuwada be taguinuwei nigeya sawesawedaya be taguinuwei.

Epeso 2:3

'Abo'ada wate lowa taudi nadigega, ta ooda 'ina yalakwaiyao tamulimuliyedi, be to'ase tauda 'ida nuwanuwa taguiguinuwedi. 'Enega 'ana lobwene be Yaubada 'igamwasowaleda manuna adelida toto'umalida, nadigega me bale'u maibo'adi.

Yemesa 3:15

sinasinapu nidi gete nadigega nigeya galewega, ta esi tuga bale'u bubuninao 'adi yalakwaiya be Seitani 'ediyega.

1 Pita 2:11

Ta gosegwao 'emiya yada simana apwesa 'aene 'abo'ada bale'u gete 'enaya toesugalagala, 'enega 'imi yalakwaiyao nidi 'atemiya simiyami waguitoyasedi, manuna yaluyaluwami sietalauwaledi.

2 Pita 2:10

Ona'ai'aila, 'eguma toto'umalidi Yaubada 'ina loina siguitoyasei, be 'idi yalakwaiyao baibailidi simulimuliyedi, 'adi e'isa to'umali 'ai'ailina 'i'ebwa'edi. Toto'umalina nidi wate gagasa 'aledi, ta nigeya 'idi 'amayabamo me galewa to'esasedi 'ediya, ta esi si'awa'awa to'umaliyedi.

Taito 2:12

ta 'ie'iteda be 'aene bubuna besobeso ta nuwanuwa to'umalidi tada guitoyasedi, ta esi tada miya bubuna bobo'adi ta palupaludi 'ediyega.

2 Pita 2:18

Toe'itao nidi 'idi bubuna to'umalidi ma idi ona gagasa siemwaemwasala, ta wate yalakwaiya to'umalidi 'ediyega tonuwa'ebuni'unu silisidi be siila limana 'idi gimi bubuna 'ediya.

1 Pita 1:14

Ta Yaubada 'ena wada ematamatana ta geya'abo 'imi yalakwaiyao siloiloinemi, nadigega lowa 'imi tuta emwagemwage 'enaya.

Taito 3:3

Ona'ai'aila, 'abo'ada lowa uwauwada ta loguitoyasa 'aleda, ga yalakwaiya be gwausowala besobeso 'adi nuwa'ewa 'enega 'eda bobo'ana tapilisinena. Ta wate lowa etalauwala be e'ipi'ipi 'aleda, ta mali tomota 'edaya sinuwa to'umali, ga 'abo'ada wate 'ediya tanuwa to'umali.

Madiu 5:28

Ta 'abo'agu yaloinemi 'aene 'eguma to tai waine 'ena 'iyalakwaiya, tauna 'atenaya ni'atu 'iloegesi.

Luke 4:5

'Enega Seitani Yesu 'i'au'ewa tu'eyena ga bale'u 'ina 'ebe loinao maibo'adi 'ie'itena tuta nina gote 'enaya, ga 'igwae,

Galetia 5:24

Ta wate 'eguma Yesu Keliso 'iloineda, ooda 'ina bubuna to'umalidi be yalakwaiyao 'iloemwawasidi 'ana kelose 'enaya.

Madiu 4:8

Ta Seitani Yesu 'i'au'ewena 'oya sinabwana etaninaya ga gote 'ena 'ebeloina esaesa bale'uya maibo'adi Yesu 'ie'itena

1 Kolinita 10:6

Ta taudi 'ebe'ita 'edaya be 'aene geya'abo to'umalina manuna tanuwanuwa,

Yemesa 4:16

Ta gete tuga ma imi gagasa waonalaga, ta wada nuwa'i'isi 'aene onalaga yage to'umalina.