1 Yoni 2:10 - Loina Tabu Auwauna NT

¹⁰ Ta wate 'abo yaita 'oyo gosemwao 'uobobomedi, 'oyo maedana 'ena 'umiyami, 'enega geya'abo 'ube'ube'u.

1 Yoni 2:10 Referans Kwoze

1 Yoni 3:14

Ta tamwalamwalatoni 'aene mwawasa 'ina sena ni'atu taebesinena, manuna 'atedega gosedao taoboobobomedi, ga yawasida ataya ni'atu talobena. Ta 'eguma yaisigedi taudi nigeya oboboma 'atediya, taudi tuga ma'etamo mwawasa 'ina sena 'ena simiyami.

Loma 14:13

'Enega gosedao geya'abo ta'awa'awa to'umaliyedi, ta esi tauda 'ida bubuna be 'ida guinuwao tada 'ita'i'isidi, be 'enega geya'abo 'ebweu gosedai tagiegiebe'uye 'idi edidigula 'ediyega.

2 Pita 1:10

'Enega, gosegwao, watoo waiwai be geya'abo Yaubada 'ana esiesinuwao bodadi 'enega wamiyamiya apwesa. Ta 'abo 'igu ona getedi waematamatanedi geya'abo wabe'ube'u,

Yoni 8:31

'Enega me Yudia nidi taudi Yesu siemisenaya, 'ieonedi, 'igwae, “'Eguma 'igu e'ita wamuliyedi, 'omi 'agu tomuliya 'ai'ailao.”

Madiu 18:7

“'Omi me bale'u nuwa'ole'olemi sa'i, manuna 'ebe be'u yaudi simiyami. Ona'ai'aila 'ilobwenena be 'ebe be'uyao bale'uya sida miyami, ta esi 'eguma tai 'itoo be gosenao 'igie be'uyedi, ma'etamo tai nina 'ito'umali 'ai'aila.

Madiu 13:21

ta nigeya lamudi 'ipa'apa'ala, 'enega tuta gidalina namo 'enaya sida miyami, be 'abo to tuta 'enaya tetela bobo'ana 'ana emisa manuna mwau nai etalauwala silobai, sibe'u manini.

Pilipai 1:10

be 'enega yage bobo'adi wada esinuwedi, be Keliso 'ina 'asiyata ma'etamo 'enaya adelimi bobo'ami ta 'esasemi,

Yoni 11:9

Ta Yesu 'ediya 'igwae, “'Asiyata 'ana maibo'ana 'ena nate gonegonega be 'ana laba 'asuinuwanuwa. 'Enega 'eguma yaita 'asiyataya 'itatauya geya'abo 'ieseesetupe, manuna ni'atu bale'u 'ana maedana 'imiyami,

Yoni 12:35

'Enega Yesu 'ieonedi, “Tuta gidalinamo 'ena maedana 'emiya 'imiyami, 'enega gete tuga maedana nina 'ena watatauya, manuna 'abo guguyoi 'imamai geya'abo 'eda wa'ita'ita. Manuna 'abo yaita tauna guguyoi 'ena 'itautauya nigeya 'imwalamwalatoni mwa'o 'ena 'itautauya.

1 Yoni 2:11

Ta esi 'abo tasiyo 'uetalauwale, 'alena gete manuna 'oyo 'etamo guguyoi 'ina sena 'ena 'umiyami, ta wate guguyoi 'ena 'utautauya, be 'eda geya'abo 'u'ita'ita, manuna matayo guguyoi 'iumabodena.