1 Yoni 1:8 - Loina Tabu Auwauna NT

⁸ Ona'ai'aila, maibo'ada toto'umalida tuga, ta geya'abo takabokaboeda, be tagwae, “'Abo'agu bobo'agu, ta nigeya 'igu to'umalinamo.”

1 Yoni 1:8 Referans Kwoze

Loma 3:23

Manuna maibo'ada toto'umalida, ga tamiya 'edasola Yaubada 'ina maedana 'enega,

Yemesa 3:2

Ona'ai'aila, maibo'ada loegesi taguiguinuwe. Ta 'abo yaita tauna nigeya ona to'umalina 'awanega 'ida apwesa, tauna tai 'esasena ta palupaluna, manuna sawesawenaya be oona maibo'ana 'iloine.

1 Yoni 2:4

'Enega 'eguma yaita 'ionaona be 'igwae, “'Abo'agu Yaubada gosiyagu,” ta Yaubada 'ina loinao nigeya 'ida ematamatanedi, nate 'ikabokabo, manuna 'eda palupaluna 'ipilisinena.

1 Yoni 1:10

Ona'ai'aila, 'eguma tagwae, “Nigeya wate 'ebweu tuta yaloeloegesi,” nate Yaubada ta'awa'awa kabokaboe, manuna 'ina ona nigeya taemiemise.

Galetia 6:3

'Eguma yaita gomabeso, ta 'inuwena 'aene toesaesa, taunamo sa'i 'ikaboena.

Yemesa 1:26

Ta 'eguma 'ebweu tai 'inuwanuwa gesi be 'aene tauna totapwalolo 'ai'aila, ta nigeya 'ina ona 'i'ita'ita'i'isi, 'ina tapwalolo yage besobeso.

1 Timoti 6:5

'Enega gosediyao ma'ediyao siegewagewana, ta 'idi nuwanuwa geyogeyoi manuna e'ita 'ai'aila geya'abo simwalamwalatoni, ta esi sinuwena 'aene Yaubada 'ana 'amayaba 'enega esaesa bale'u sinabwana siloba.

1 Kolinita 3:18

Geya'abo yaita 'oyo tauyo 'ukaboeyo 'aene 'oyo 'ebweu tosinasinapu, manuna 'abo bale'u gete 'ana sinasinapu namo 'umwalamwalatoni, 'ilobweneyo be mwalatoi nina 'uguitoyase, be 'enega mwalatoi 'ai'aila Yaubada 'enega 'uloba.

2 Yoni 1:2

manuna mwalatoi 'ai'aila 'atedaya 'imiyami be 'edaya 'ida miyaataya.

1 Yoni 1:6

'Enega 'abo sena guguyoi 'enaya tamiyami, geya'abo takabokabo be tagwae 'aene, “Yaubada ma'edai taegosiyana.” Nate nigeya bubuna palupaluna.

Yemesa 1:22

Ta geya'abo waenono namo, nate wakabokaboemi tuga, ta esi wada guinuwa wate.

2 Timoti 3:13

Ta wate taudi toto'umalidi be tomota 'adi tokaboyao 'idi to'umalinao sida sinabwa 'ai'aila, manuna Seitani ni'atu 'ikaboedi.

3 Yoni 1:3

Lowa 'aina tasidao bada simai ga 'imu bubuna palupaluna tetelina 'enega sigie gwausowaligu, manuna 'eda palupaluna 'enega 'utautauya.

2 Pita 2:13

be 'adi e'isa 'idi to'umalina manuna 'ida to'umali 'ai'aila. Nuwanuwadi 'asiyata 'ebweuna 'ebweuna siegwausowala besobeso. Ta 'eguma ma'emiyao wa'e'ai, 'idi bubuna to'umalina 'ediyega sigiebailimi.

Yoni 8:44

Yamwalatonimi 'omi Seitani natunao, 'enega nuwanuwami be tamamiya 'ina nuwanuwa wada guinuwe. Tuta 'ana 'ebe e'ale 'enega ga batuwa, tauna toloemwawasa, ta nigeya 'ebweu wate 'eda palupaluna 'enega 'ida tauya, manuna tauna nigeya 'ebweu 'eda palupaluna 'ena 'imiyami. Tuta yauna kaboega 'ionaona, manuna tauna tuga adelina nadigega, ta wate tokaboyao maibo'adi tamadiya.

Loma 3:10

Nadigega Buki Tabu 'ina simana 'igwae, “Nigeya 'ebweu yaita 'ina bubuna palupaluna.

1 Yoni 4:20

'Eguma yaita 'igwae, “Yaubada yaobobomena,” ta 'abo tai nina tasina 'ietalauwale, tauna tokabo, manuna tasidai ta'ita'ita, 'enega 'abo tasidai nigeya taoboobobome, nigeya sawesawedaya be Yaubada taobobome, tauna nigeya tada 'itena.