1 Timoti 6:4 - Loina Tabu Auwauna NT

⁴ tauna 'ina nuwatu'e 'enega 'iemwagemwage 'ai'aila, ta egewagewana nuwanuwana. Taudi nadigega e'ipi'ipi 'aledi, be gamwasowala 'aledi, be eliya ta etalauwala 'aledi.

1 Timoti 6:4 Referans Kwoze

2 Timoti 2:23

Ta wate egewagewana besobeso 'upilisinedi, manuna egewagewana etalauwala 'ina 'ebe apwesa.

2 Timoti 3:4

towasegigi, be to'umalina 'ena siewaiwai, be onalaga 'aledi, be Yaubada geya'abo sioboobobome, ta esi taudimo 'idi gwausowala manuna sinuwanuwa.

1 Timoti 3:6

Ta geya'abo toemisa auwauna waesiesinuwe be 'ietoanugana, 'abona nai 'ina nuwatu'e 'enega 'ibebe'u, nadigega Seitani nuwatu'e 'enega lowa 'ibe'u.

Yude 1:10

Ta toto'umalina nidi, 'eguma to'ase nigeya simwalamwalatoni, ta tuwa tuga si'awa to'umaliye, manuna taudi 'atuwa bomitawa nadigega, ga 'adi lotoona siloiloinedi, ga 'enega taudimo sigieto'umaliyedi.

2 Pita 2:12

Ona'ai'aila toto'umalina nidi 'atuwa yobai. Yobai 'adi lotoona namo simulimuliyedi, ta nigeya sida nuwanuwa palupalu, 'enega tomota yobai nidi sigiyaidi be siunudi. Toto'umalidi wate mwalatoi 'ai'aila nigeya sida mwalatonina ta esi si'awa'awa to'umaliye, 'enega taudi wate sida esilae, yobai nadigega,

2 Timoti 2:14

'Enega Yaubada matanaya 'imu tomotaiyao 'uguguyadi ta 'uemataluwedi be ona getedi geya'abo sinuwanuwa pupuledi, ta wate geya'abo ona 'aidi 'adi gibui manudi siegewagewana. Manuna egewagewana besobeso nigeya sawesawenaya be toenono 'ilemedi, ta esi 'igie to'umaliyedi.

Yude 1:16

Tomota nidi lomugi 'aledi ta wate 'awa to'umali 'aledi, ta taudi 'adi lotoona 'enega sitautauya, be 'enega onatu'e 'aledi, 'enega 'abo gosediyao 'ediya siona oboboma, nate gwegwe manuna.

2 Pita 2:18

Toe'itao nidi 'idi bubuna to'umalidi ma idi ona gagasa siemwaemwasala, ta wate yalakwaiya to'umalidi 'ediyega tonuwa'ebuni'unu silisidi be siila limana 'idi gimi bubuna 'ediya.

1 Timoti 1:7

Nuwanuwadi be Yaubada 'ina loinao sie'itaedi, ta 'idi onao be 'idi loguguyao 'aledi nigeya simwalamwalatonidi.

1 Timoti 1:4

ta wate geya'abo siemwaemwasala be si'ina'inana gimi 'epata tomota 'adi esanao, 'abona nai egewagewana 'emiya 'iapwesa, manuna memebala nidi tomota 'idi emisa Yaubada 'ena geya'abo silemelemedi.”

Yemesa 1:19

Tasigwao, 'ilobwenemi be ona wada enono 'ai'aila, ta geya'abo onalimana be gamwasowala 'ediya waewaiwai.

Taito 3:9

Ta egewagewana besobeso loina manudi, nai gimi'epatao 'adi esanao manudi, gete nigeya sida lemeda, 'enega 'upilisinedi.

Guinuwa 15:2

Ta Paulo be Banaba nigeya si'awa'awa 'ai'ailedi, 'enega ma'ediyao siegewagewana sinabwana. Ga toekalesiyao Anitioki 'ena Paulo, be Banaba, be 'aina wate tomuliyao 'ediyega, siesinuwedi be 'aene sida tu'e Yelusalema, be nuwanuwa gete manuna sida onaona, nai sida loina, Yesu 'ana tosimanao site tuwelo be wate toanuganao ma'ediyao.

E'ita'ita 3:17

“Ta 'omi wagwae, ‘'Abo'agu toesaesa, ta yage yauna sawesaweguya,’ ta nigeya wamwalamwalatoni 'aene 'omi gomagomabesomi tuga, ta nuwa'ole'olemi sa'i, ta wate matakebokebomi be mabubugewami.

2 Tesalonaika 2:4

Yaubada 'ana saiya ta wate 'ebe emisa maibo'adi 'adi saiya, 'enega tauna 'ida gitu'eye be Yaubada 'ina Anuwa Tabu 'enaya 'ida miyatowa, be 'ida etoloina 'atuwa Yaubada.

Kolose 2:18

'Enega geya'abo 'ebweu yaita 'ida 'awa'awa to'umaliyemi manuna 'omi nigeya watapwatapwalolo ma imi nuwamwa'uta aniloseyao 'ediya, manuna tomota nidi 'idi mwalatoi madawalega manudi sigagasa, ta sinuwatu'e bubuna bale'u 'ediyega,

Pilipai 2:14

Ta 'imi paisewa 'ediya ma imi 'atetagwala wada guinuwa, ta geya'abo ma imi logwautoyasa walomulomugi,

Pilipai 2:3

Geya'abo wanuwanuwa tu'e nai wae'ipi'ipi, ta esi wanuwa mwa'uta, be gosemiyao 'adi esanao wagilagasidi.

Pilipai 1:15

'Aina tologuguyao e'ipi'ipiyega siloguloguguya Keliso manuna, ta 'aidi wate obobomega siloguloguguya,

Galetia 6:3

'Eguma yaita gomabeso, ta 'inuwena 'aene toesaesa, taunamo sa'i 'ikaboena.

Galetia 5:26

Ta geya'abo tanuwanuwa tu'e, nai gosedao tae'oata'oatadi, nai tae'ipi'ipiyedi.

Galetia 5:15

'Eguma loina gete wapilisine be taumimo 'emiya waetalauwala, ma'etamo 'ami boda waloesawali.

2 Kolinita 11:20

'eguma paisewa mwaudi si'ebwa'emi, ta 'emiyega si'ipwa'ipwala, ta sikaboemi, be ma idi nuwatu'e maninimiya sisasapi.

1 Kolinita 11:18

manuna 'aina tomota sieonegu 'aene 'imi deliegogona 'ediya waweyaweyalimi mali boda be mali boda 'ediya, 'enega tupwana 'idi ona yaemisena.

1 Kolinita 11:16

'Ada loina gete nadigega, ta nigeya 'ebweu wate mali loina toekalesiyao maibo'ada 'edaya, 'enega geya'abo 'ebweu yaita loina gete manuna 'ionaonaila.

1 Kolinita 3:18

Geya'abo yaita 'oyo tauyo 'ukaboeyo 'aene 'oyo 'ebweu tosinasinapu, manuna 'abo bale'u gete 'ana sinasinapu namo 'umwalamwalatoni, 'ilobweneyo be mwalatoi nina 'uguitoyase, be 'enega mwalatoi 'ai'aila Yaubada 'enega 'uloba.

1 Kolinita 3:3

Ona'ai'aila, 'imi bubuna ma'etamo tuga me bale'u nadigega, manuna 'etamo waegewagewana be wae'ipi'ipi tuga,

Loma 14:1

Ta 'aina tomota 'idi emisa nenetadi, nigeya waiwaidi, 'enega 'ilobwenena be 'ediya tada tagwala be ma'edao taeboda 'ebweuna, ta geya'abo ma'edao taegewagewana.

Loma 13:13

'Enega tada 'ita'i'isida be geya'abo bwasi waiwaidi tanumanumadi be taekaekabaleya, be geya'abo taloeloelata, ta wate geya'abo taegewagewana be talosalosaiya.

Loma 12:16

be 'enega maibo'ami wada eoboobobomemi. Ta geya'abo wanuwanuwatu'e nai watootoo be waetoloina, ta esi taudi nigeya 'adi esanamo wada egosigosiyanedi.

Loma 2:8

Ta sa'i, 'aidi tomota egewagewana 'aledi be 'eda bobo'ana siguitoyase, ta 'eda to'umalina simulimuliye, 'enega Yaubada 'ida gamwasowaledi be 'ida loinedi.

Guinuwa 18:15

ta esi nuwanuwa gete, taumi tuga 'imi onaona be esanao be loinao 'imi 'asega, 'enega taumi tuga wada loina. 'Abo'agu yaguitoyasa.”

Guinuwa 8:9

Ta toni'asa 'ebweuna, 'ana esana Saimoni, tauna Pilipi 'ina ona 'iemisena. Saimoni nina lowa 'i'oba'oba sinabwana 'asa nina 'enaya,