1 Timoti 6:17 - Loina Tabu Auwauna NT

¹⁷ Ta bale'u 'ana toesaesao 'uemataluwedi be geya'abo sinuwanuwa tu'e 'idi esaesa manudi, ta wate geya'abo siemiemisa 'aene ma'etamo 'ebe lema sinabwana 'idi esaesa 'ediyega silobaloba, manuna esaesa nidi sawasawalidi. Ta esi Yaubada namo 'ena sida emisa, manuna Yaubada tauna To'ebwaya bobo'ana, ta 'ida 'ebe gwausowala maibo'ana tauna 'enega siapweapwesama.

1 Timoti 6:17 Referans Kwoze

Guinuwa 14:17

ta sa'i 'ebe'itao 'ediya simiyami be 'aene 'ediyega Yaubada nina sida mwalamwalatoni, ta 'ebe'ita nidi 'ina obobomao 'ediya be 'omi 'emiya, nate 'usana galewega be wate 'oelaa bobo'ana, be 'ediyega sesoi bobo'adi walobaloba be 'enega wa'e'ai be manuna wagwaugwausowala.”

1 Timoti 4:10

manuna tuta gete 'enaya ma ida etapewa be ma ida gwaunuwa, manuna Yaubada miyamiya atayana tebweuna, tomota maibo'ada 'ada To'etoseyana, 'abo taemise. 'Enega 'ida nuwayaina 'enaya ni'atu tasa'una be 'i'etoseyeda.

Madiu 19:23

'Enega Yesu 'ina tononoyao 'ieonedi, “Ona'ai'aila, toesaesao 'idi lugu Yaubada 'ina 'ebeloina solanaya mwauna.

Taito 2:12

ta 'ie'iteda be 'aene bubuna besobeso ta nuwanuwa to'umalidi tada guitoyasedi, ta esi tada miya bubuna bobo'adi ta palupaludi 'ediyega.

Kolose 3:16

Wate Keliso 'ina ona bobo'ai'ailidi 'atemiya sida tabwa bobo'ana, be 'enega 'ebweuna 'ebweuna 'enaya wada e'ie'ita be wada loguloguguya mwalatoi 'ai'aila 'enega, be 'imi wali be Same walinao 'ediyega, be edale walinao Yaluyaluwa Tabuna 'enega 'ediyega, ma imi lokagutoki Yaubada 'ena 'atemiya.

Luke 19:2

Sena nina 'enaya 'ebweu takisi 'adi to'ewao 'adi toanugana 'imiyami, 'ana esana Sakiusa, tauna toesaesa 'ebweu.

Loma 11:20

Nate ona'ai'aila. Ta esi wada nuwa'i'isi 'aene naliyao nidi 'ilasedi, manuna nigeya siemiemise, ta esi 'omi 'imi emisa 'enega yawasimi bobo'ana walobena. 'Enega 'ilobwenemi be Yaubada wada mataute ta geya'abo wanuwanuwatu'e,

2 Timoti 4:10

Dimasa ni'atu 'iebesinegu, manuna bubuna bale'u nuwana 'i'ewena ga ni'atu 'itauya Tesalonaika. Kelesenisi wate ni'atu 'itauya Galetia, ta Taito ni'atu 'itauya Dalimetia. Taudi 'agu tolemao nidi maibo'adi ni'atu sipilisinegu.

1 Timoti 6:13

'Oyo Timoti yaloineyo Yaubada matanaya, tauna yage yauna yawasidi 'ana to'ebwaya, ta wate Yesu Keliso matanaya, tauna lowa Ponitio Pailato 'enaya ona 'ai'ailega 'iona.

1 Timoti 1:3

Lowa tuta nina ni'atu be yapilisineyo be yatatauya Masidonia, ta yaemataluwemu, yagwae, “Geya'abo 'utautauya. Bada tuga Epeso 'ena 'uda miyami be 'aina tomota 'u'etobodedi be geya'abo mali e'itao sie'ie'itaedi,

1 Tesalonaika 1:9

manuna taudi 'emaya siemwaemwasala 'imi tagwala lowa 'emaya manuna, 'aene 'imi 'ebe emisa kadekadelidi waguitoyasedi ga 'enega Yaubada 'ena watagwalemi, manuna taunamo Yaubada 'ai'aila ta mayawasina, 'enega tauna manuna waguiguinuwa,

Epeso 5:5

Ta ona'ai'aila, toto'umalidi geya'abo wate silugulugu Keliso be Yaubada 'idi 'ebeloina 'enaya, taudi nadigega toloelatao nai tosogalao nai gwegwe 'ana toyala diidigao, manuna gwegwe 'ana yala 'ana mwalatoi 'aene 'ida emisa tasa'ui gwegwe 'enaya, ta nigeya Yaubada 'enaya.

Guinuwa 17:25

Ta tomota 'abo'ada nigeya sawesawedaya be 'ebweu to'ase nimadega tauna Yaubada nina ta'ebwa'e, 'abo tanuwanuwa 'aene nuwanuwana, ta tauna esi yawasida be yaluyaluwada be 'ida yageyao maibo'adi 'adi To'ebwaya,

Guinuwa 14:27

'Enega tuta nina Anitioki 'ena siluguya, toekalesiyao sibwau egogonedima, ga yage yauyauna Yaubada 'iguinuwenaya manudi, 'idi sakowasi nina solanaya siemwasalidi, nate emisa 'ana 'awa 'igigegena taudi nigeya me Yudia manudi, be taudi wate sida lugu.

Maki 10:24

Ta 'ina tononoyao nuwadi 'iowana 'ina ona gete manuna. 'Enega Yesu 'ieonedi, 'igwae, “Natugwao, Yaubada 'ina 'ebeloina 'ana lugu mwau wawasae.

Madiu 27:57

Ta 'asuinuwanuwaya 'ebweu goma Alimatia 'imai Pailato 'enaya, tauna toesaesa, ta wate Yesu tauna 'ana tomuliya 'ebweu, 'ana esana Yosepa.

Madiu 6:32

Ona getedi nadigega taudi 'etamo guguyoi 'enaya simiyami 'idi ona. Ta to'ase 'imi nuwanuwa Tamami galewaya ni'atu 'isinapudi, nadigega 'ami masula be 'ami bwasi be wate 'ami 'oama, be 'i'ebwa'emi tuga.

Taito 3:6

Ta 'ada To'etoseyana Yesu Keliso 'enega Yaubada Yaluyaluwa Tabuna 'i'etosiwena 'atedaya.

1 Timoti 5:21

Gete 'amu emataluwa 'eguyega Yaubada be Yesu Keliso matadiya, be wate aniloseyao 'esasedi matadiya, 'aene loina getedi 'uda muliya 'ai'ailidi. Tomota maibo'adi 'uda loinedi loina 'ebweuna namo 'enega, ta geya'abo 'aidi namo 'ediya 'uloiloina pa'ala, ta 'aidi 'ediya nigeya.

1 Timoti 3:15

be 'eguma yasoso'i, leta gete 'enega 'umwalatoni to bubuna 'abo'ada totapwalolo 'ilobweneda, tauna 'ida Yaubada mayawasina 'ina boda solanaya, manuna 'abo'ada toekalesiyao 'ina e'ita 'ai'aila 'ana to'ita'i'itao.

Madiu 12:32

“'Abo'agu Tomota Natuna be 'eguma yaita 'i'awa to'umaliyegu Yaubada 'iabe ona nina 'ida nuwatau, ta 'abo yaita Yaluyaluwa Tabuna 'i'awa to'umaliyei geya'abo sa'i Yaubada 'inuwanuwatau tuta gete 'enaya be tuta simeemai 'ediya.”

Luke 3:11

Ga Yoni nina 'igwae, “'Abo yaisigedi 'omi 'ami 'oamao 'eluwa ta gosemiyao nigeya 'adi 'oamamo, 'ebweu wa'ebwa'edi. Ta wate nadigega 'abo 'ami masulao sinabwana, tupwana tobotanao 'ediya wada eguyaiyedi.”

1 Timoti 6:9

Taudi esaesa 'ana toyalao ma'etamo Seitani 'ina sikwa 'enega 'i'onadi, ta taudimo 'idi nuwanuwagesi 'ediyega sigie to'umaliyedi, be ma'etamo taudi esilae 'ai'aila siloba.

2 Pita 1:11

be 'enega muliyega ma imi gwausowala walulugu 'ida 'Inapwana ta 'ada To'etoseyana Yesu Keliso 'ina 'ebeloina 'enaya, be nada wamiya ataya.

Madiu 25:16

“'Enega tai nina tauna ma ina paibi analedi kina 'ina 'inapwana 'ina mani nina 'i'ewedi ga 'ediyega 'iepaisewaedi ga 'adi loeposeyana paibi analedi wate 'ilobedi.