1 Timoti 5:17 - Loina Tabu Auwauna NT

¹⁷ Ta 'ami toanuganao 'eguma silema 'ai'ailimi, 'omi wate wada 'amayaba 'ai'ailidi be wada 'ita'i'isidi, nate 'idi loguguya ta 'idi e'ita 'ana e'isa.

1 Timoti 5:17 Referans Kwoze

Ibeliu 13:17

'Imi toanuganao 'ediya wada ematamatana be watagwalemi 'idi loinao 'ediya, manuna yaluyaluwami si'ita'i'isidi, be 'enega tuta 'imeema 'enaya 'imi bubuna manuna sida emwasala Yaubada 'enaya. 'Enega 'ilobwenemi be wada too be tetelimi manuna ma idi gwausowala Yaubada 'enaya sida simanemi, ta esi geya'abo ma idi omayamaya, 'abona nai loina mwauna waloba.

Galetia 6:6

Tapwalolo 'ana toe'itao, 'eguma sinasinapu sie'itada, 'ilobweneda be gwegwe ta'ebwa'edi, 'abo to'ase 'ediya 'ikukupa.

Luke 10:7

“Ta 'abo anuwa nina gete 'enaya wamiyami, be to'ase 'ami masula nai 'ami bwasi matamiya sisa'u, wada 'ani, manuna topaisewao 'ilobwenedi be 'adi niyaula siloba. Ta geya'abo watautauya mali anuwa 'ediya, ta esi anuwa nina 'ena wagimilugu 'ena tuga wada miyami.

Ibeliu 13:7

'Ami toanuganao wanuwa'i'isidi, manuna lowa Yaubada 'ina ona si'ebwaya 'emiya, ta wate wada nuwa'i'isi 'aene 'idi emisa uwana bobo'ana taudi silobena, 'enega wada etotowanedi.

2 Timoti 2:6

Nadigega tobagula 'ina paisewa waiwai manuna 'ilobwenena be bagula uwana 'ida gimilotoo.

Pilipai 2:29

'Enega 'abo to tuta 'iapwesa 'imi senaya, ma imi gwausowala 'Inapwana 'ana esanega wada bwauye 'imi anuwaya. Be wate 'aina 'Inapwana 'ina toguinuwao, 'abo siwawai 'emiya, wa'amayabedi nadigega Epapilodito.

Loma 12:8

Ta 'abo yaita etaetapewana be gosenao tuta yauna 'igiewaiwaiyedi, nadigega 'ida guinuwa'esa. Ta 'abo yaita tuta yauna 'i'ebwa'ebwaya daita, ma ina 'atetagwala 'ida guinuwa nadigega. Ta 'abo toanuganao paisewa 'ilobwenedi, sida paisewa tuga. Ta wate 'abo yaita 'ina 'atenuwa 'ole'oleyega gosenao 'ilemelemedi, ma ina gwausowala 'ida guinuwa.

Guinuwa 28:10

'Enega oboboma yauna si'ebwa'ema, ga 'ima tuta gelu 'ena, 'ama 'abwaga sawesawemaya sieusena.

2 Kolinita 6:1

'Enega tauna ma'emai 'apaipaisewa, ga 'emiya 'asida be geya'abo Yaubada 'ina oboboma waeyage besobesoe,

Loma 16:12

'Igu oboboma wate Yesu 'ina toguinuwao taudi Talipina be Taliposa 'ediya. Ta wate gosiyagu Pelisi 'enaya, tauna 'ida 'Inapwana manuna 'ietapewa sinabwana.

Loma 15:27

manuna taudimo gete nadigega 'idi nuwanuwa. Ona'ai'aila, 'ilobwenena be me Yelusalema 'adi lema sida loba me Esia 'ediyega, manuna nugana me Yelusalema 'ediyega Keliso tetelina me Esia nidi sinonona, yaluyaluwadi 'adi lema manuna, 'enega taudi sa'i bale'u gwegwenao si'ebwa'ebwaya me Yelusalema 'ediya.

Pilipai 4:3

Wate gosiya 'ai'ailigu, 'oyo toanugana, yasideyo be iine nidi 'ulemedi, manuna lowa taudi ma'egwao 'aguiguinuwa leleleya, tetela bobo'ana 'ana simana 'enaya, ta wate Kelemeniti be 'aidi wate 'agu tolemao ma'emao 'apaipaisewa, taudi 'adi esanao yawasi bukina solanaya 'eto'etoladina.

1 Kolinita 16:16

'enega yaemataluwemi be 'idi onao wada muliyedi, be yaisigedi wate ma'ediyao Keliso manuna sipaipaisewa taudi wate wada muliyedi.

Guinuwa 11:30

'enega sigimi 'ebwayadaita ga mani silobena, ga tuta nina botana 'iapwesa, 'enega si'ebwa'edi Banaba ta Saulo, ga taudi sitauyena sena Yudia 'enaya.

2 Timoti 4:2

'Amu loina nina gete: Tuta maibo'ana 'uetapewa waiwai be tetelina 'usimane, tuta mwau ta tuta gwausowala 'ediya, be tomota 'ediya 'uloguguya be siemisa, ta wate 'ugiepaludi be 'ugiewaiwaiyedi, ta yage nidi getedi 'ue'ita 'ai'ailidi ma imu 'alama'i'ita.

1 Timoti 4:16

Timoti, 'u'ita'i'isiyo, tuta maibo'ana 'ena 'uda guinuwa bobo'ana, be 'uda e'ita 'ai'aila, be 'enega Yaubada 'oyo ta ma imu toenonoyao, 'i'etoseyemi.

1 Timoti 3:5

Ta 'eguma tai nigeya sawesawenaya natunao 'iloina palupaluyedi, tauna nigeya sawesawenaya be Yaubada 'ina toekalesiyao wate 'iloina palupaluyedi, aga?

Pilipai 2:16

Gosegwao, tetela bobo'ana wagiyai 'i'isi be 'enega yawasi ataya waloba, be tuta nina 'iilama yada gwausowala manumi, manuna geya nuwagu be 'igu paisewao 'emiya 'adi mudala.

Madiu 24:25

Ta 'omi yage gete manuna ni'atu yagimisimana 'emiya.

Ibeliu 13:24

'Ima oboboma yaetuetunenawa 'ami toanugano be toekalesiyao be maibo'ami 'emiya. Ta me Itali wate 'idi oboboma sietuetunenawa yauyaumi 'emiya.

1 Timoti 4:10

manuna tuta gete 'enaya ma ida etapewa be ma ida gwaunuwa, manuna Yaubada miyamiya atayana tebweuna, tomota maibo'ada 'ada To'etoseyana, 'abo taemise. 'Enega 'ida nuwayaina 'enaya ni'atu tasa'una be 'i'etoseyeda.

1 Kolinita 15:10

Ta esi Yaubada 'i'atenuwa 'ole'oleyegu ga 'ilemegu. 'Enega nigeya 'ilemalema daidaitegu, manuna ni'atu yaemisa 'ai'ailena ga tosimanao maibo'adi 'idi paisewa yapilisinena, nigeya taugu 'igu waiwaiyega, ta Yaubada esiya 'ina oboboma 'eguya 'enega.

Guinuwa 20:35

'Igu bubuna getedi 'ediyega yae'itemi 'aene 'ilobweneda be tauda 'ida paisewega tonenetao tada lemedi. Nadigega wate 'Inapwana Yesu 'ina ona wanuwayaina, nate 'igwae, ‘'Ewadaita nigeya gwausowalinamo, ta 'ebwaya esiya 'ana gwausowala sinabwa wawasae.’ ”

Yoni 4:38

'Abo'agu 'Inapwana 'ina sesoi manuna yaetunemi be wada sesoi bagula nina 'enega, tauna 'ena nigeya wabagubagula, ta esi mali tomota 'ena sibagula be 'idi guinuwa 'enega 'omi sesoi wada guinuwe.”

Luke 12:42

'Enega Yesu 'igwae, “Toguinuwa bobo'adi ta sinasinapudi 'idi bubuna gete nadigega, 'abo yaita tauna 'ina 'inapwana 'iesinuwena be anuwa 'ida 'ita'i'isi, be gosenao 'adi masula 'i'ebwa'edi 'asiyata 'ebweuna 'ebweuna 'ediya,

1 Timoti 5:3

Kwabulao nidi nigeya 'idi susu walemedi.

1 Timoti 4:6

Loina getedi 'eguma gosedao 'ediya 'ue'itae, 'enega 'oyo Yesu Keliso 'ina toguinuwa bobo'ana, manuna e'ita palupaludi Yesu 'ana emisa manuna 'umulimuliyedi, ta 'ediyega yaluyaluwayo 'iewaiwai.

1 Kolinita 3:9

Gete tuga Yaubada ma'ema 'ina bagulaya 'apaipaisewa, ta 'ina bagula nina nate 'omi tomotai, ta wate 'omi Yaubada 'ina anuwa.

1 Timoti 4:14

Lowa tapwalolo 'ana 'inapwanao sigidebemuya, ta Yaubada 'ina guinuwa manuna siona obobomemu, 'enega guinuwa nina manuna Yaubada 'igiewaiwaiyemu. Ta 'unuwa'i'isi,

1 Timoti 5:19

'Eguma 'aina tomota sie'ewa kabokabo 'ami toanuganao manudi, geya'abo wanoonodi. Nate namo 'eguma tomota 'eluwa nai 'etoi sieonaona toanugana 'ebweuna 'ina to'umalina manuna, 'enega wada etala.