1 Timoti 3:7 - Loina Tabu Auwauna NT

⁷ Toanuganao nidi 'ilobwenedi be ma 'adi 'awabobo'ana taudi nigeya totapwalolo matadiya, manuna 'eguma tomota toanuganao si'awa to'umaliyedi 'idi bubuna manuna, nate 'atuwa Seitani 'ina sikwa 'ena si'ona'ona.

1 Timoti 3:7 Referans Kwoze

2 Kolinita 8:21

ta esi nuwanuwama be tuta yauyauna 'ediya 'ada guinuwa palupalu Yaubada matanaya, ta wate tomota matadiya.

2 Timoti 2:26

be wate Seitani 'ina sikwa 'enega sidedena, manuna taudi Seitani lowa 'isikwedi, ga 'enaya sietoguinuwa 'ina nuwanuwao manudi.

Kolose 4:5

Wate taudi nigeya Keliso 'ana toemisao 'ediya wada guinuwa palupalu, be geya'abo 'imi tuta wamudamudali.

1 Timoti 6:9

Taudi esaesa 'ana toyalao ma'etamo Seitani 'ina sikwa 'enega 'i'onadi, ta taudimo 'idi nuwanuwagesi 'ediyega sigie to'umaliyedi, be ma'etamo taudi esilae 'ai'aila siloba.

1 Tesalonaika 4:12

Gete 'enega taudi nigeya Keliso 'ana toemisao sida 'amayabemi. Ta 'omi 'ami lema manuna geya'abo mali tomota 'ediya watuituila.

2 Kolinita 6:3

'Etoseyana gete tomota maibo'adi manudi. Geya nuwama be 'ebweu yaita 'ilomulomugiyema 'ima guinuwao manudi. Nigeya 'ebweu wate 'ebe 'etoboda 'asa'usa'u,

1 Kolinita 10:32

'Enega geya'abo mali tomota wagiegie nuwamwauyedi, nai me Yudia, nai taudi nigeya me Yudia, nai Yaubada 'ina toekalesiyao,

Guinuwa 6:3

'Enega 'omi 'emiyega tai sebeni waesinuwedi, yaisigedi ma 'adi 'amayaba, ta sinasinapudi, ta wate 'abo Yaluyaluwa Tabuna 'ina waiwai 'ediya, be paisewa gete masula 'ana eguyai manuna, 'ada 'ebwa'edi.

Taito 2:8

be 'enega 'imu e'itao geya'abo tomota si'awa'awa kabokaboedi, ta 'imu onao 'adi nono bobo'ana 'enega 'amu talauwalao 'ugie omayamayadi 'idi lo'aegila besobeso 'ediyega.

Taito 2:5

Ta ma idi 'amayaba ta bubuna 'esasena 'ediyega 'idi anuwao sida 'ita'i'isidi. Wate sida oboboma ta mwanediyao 'enadi sida ematamatanedi, be 'enega Yaubada 'ina ona tomota sida 'amayabe, ta geya'abo si'awa'awa to'umaliye.

1 Tesalonaika 5:22

ta 'abo to'umalina, maibo'ana waguitoyase.

1 Timoti 5:14

'Enega yanuwena kwabulao taudi ma'etamo nigeya sieilemwaya 'ilobwenedi be siai limana, be sienatuna, be taudi natudiyao si'ita'i'isidi, be 'enega geya'abo 'ada talauwalao si'awa'awa to'umaliyeda, kwabulao nidi 'idi bubuna manuna.

1 Kolinita 5:12

Ta 'abo'agu 'igu 'ebeloina toekalesiyao dimo 'ediya, ta geya'abo mali bodao 'ediya.

Guinuwa 22:12

Ta Damasiko 'ena 'ebweu tai 'ana esana Ananayasi 'imiyami, tauna Yaubada 'ana toemisa 'ai'aila, ta Mosese 'ina loina 'ana tomuliya, ta me Yudia sena nina 'ana tomiyanao si'awa bobo'anena.

Guinuwa 10:22

Ta sigwae, “Konilio 'ietunema, tauna 'ima tolosaiyao 'adi toanugana, ta tai palupaluna ta Yaubada 'ana to'amayaba, ta wate me Yudia maibo'adi si'awa tai bobo'anena, ga 'ana emataluwa 'inonona anilose 'enega, be 'aene 'oyo 'ibwauyeyo tauna 'ina anuwaya, be 'imu ona 'ida nono.”

Maki 4:11

Ta Yesu 'igwae, “'Omi ni'atu Yaubada 'emiya 'i'ebwaya be 'ina loina sola'ai'ailidi 'ana tomwalatoiyao, ta esi tomota yaudi nuwa potapotadi ga onasemalimali sinono,

3 Yoni 1:12

Ta Dimitilo sa'i tai bobo'ana. Tomota yauyaudi 'idi simana nadigega, manuna taudi e'ita 'ai'aila 'ana tomuliyao sisimana 'aene Dimitilo tai bobo'ana, ta 'abo'agu wate 'igu simana nadigega, be 'igu simana wamwalamwalatoni 'aene ona'ai'aila.

1 Timoti 3:6

Ta geya'abo toemisa auwauna waesiesinuwe be 'ietoanugana, 'abona nai 'ina nuwatu'e 'enega 'ibebe'u, nadigega Seitani nuwatu'e 'enega lowa 'ibe'u.