1 Timoti 3:13 - Loina Tabu Auwauna NT

¹³ Dikoni nidi 'eguma sigwaunuwa, 'enega tomota si'awa bobo'anedi, ta wate Yesu 'ana emisa manuna sida toolopa'ala.

1 Timoti 3:13 Referans Kwoze

Madiu 25:21

“Ta 'inapwana nina 'igwae, ‘Bobo'ana, 'oyo togwaunuwa 'ai'aila ta palupaluna. Ni'atu 'uetapewa yage gidalidi 'ediyega, 'enega 'amu loina yage sinabwadi manudi ya'ebwa'eyo, be wate 'igu 'ebe gwausowala gete 'ena 'uda miyami.’

Ibeliu 6:10

Yaubada 'ina loina 'emiya palupaluna, 'enega 'imi guinuwao bobo'adi tuta yauyauna, be 'imi obobomao Yaubada 'ana esanega, ta 'imi lema toekalesiyao 'ediya, geya'abo 'inuwanuwa pupuledi.

2 Timoti 2:1

Natugu Timoti, Yesu Keliso 'ina waiwaiyega 'uewaiwai

1 Tesalonaika 2:2

Wanuwa'i'isi wate 'aene me Pilipai lowa sibubuna geyogeyoiyema ga sigie omayamayaema, ta tuwa tuga Yaubada 'igie 'atepatuma ga tetelina bobo'ana 'asimanena 'emiya 'anabwa'ayoi tomota sietalauwalema, ta 'aloguguya 'emiya,

Pilipai 1:14

Ta wate tasidao yaudi 'igu miya deliya si'itena, 'enega sietaetapewa 'Inapwana 'ina guinuwa 'ena, ta Yaubada 'ina ona sisimasimane ma idi 'atepatu.

1 Kolinita 16:15

Sitipana 'ina bodao wamwalatonidi 'aene taudi Keliso 'ana togimi emisao sena Akaya 'enaya, ta ni'atu sitagwaledi Yaubada 'ina tomotaiyao 'adi lema manuna,

Guinuwa 21:35

'Enega sitauyena, ta pwalu sigamwasowala wawasae ga simulimuliyedima, ta sibwaubwau, “Waloemwawasi namo tuga.” 'Enega tolosaiyao Paulo si'aalena waisana 'enega ga anuwaya, tomota 'idi gewana manuna.

Guinuwa 6:15

Ta todeliegogona nidi maibo'adi Sitibeni maninina siduneyena, 'ana 'ita anilose maninina nadigega.

Guinuwa 6:8

Ta Sitibeni nina ma ina waiwai, ta ma ina oboboma sinabwana, ga guinuwa 'ebe nuwaowana ta we'iwe'iyayao 'iguinuwedi tomota gamwagamwanidiya.

Guinuwa 6:5

Ta boda sigwausowala 'idi loina gete manuna, 'enega site sebeni siesinuwedi getedi, Sitibeni, tauna 'ina emisa sinabwana Yesu 'ena, ta Yaluyaluwa Tabuna 'ina waiwai 'ena, be Pilipi be Pilokolo be Nikano be Timoni be Pamena be wate Nikola, tauna goma Anitioki ta ni'atu me Yudia 'idi tapwalolo 'ena 'ilugu.

Luke 19:17

“'Enega 'inapwana nina 'igwae, ‘Ona'ai'aila, 'oyo togwaunuwa 'ai'aila, manuna yage gidalina ta 'ugiesinabwena, 'enega 'amu e'isa ya'ebwa'eyo, nate 'asa sanau 'ediya 'uda etoloina.’

Madiu 20:28

Wate nadigega 'abo'agu Tomota Natuna yamai bale'uya nigeya 'aene tomota manugu siguinuwa, ta esi sabi guinuwa tomota manudi, ta wate yatagwalegu be yamwamwawasa tomota maibo'ami 'ami etoli'ama manuna.”

1 Timoti 3:14

Yanuwayaina 'aene tuta gidalina be yawawa 'emuya, ta nugana 'imu leta gete ya'etoladinawa,