1 Tesalonaika 5:21 - Loina Tabu Auwauna NT

²¹ ta esi e'ita nina wada too, be 'abo bobo'ana wagiyai,

1 Tesalonaika 5:21 Referans Kwoze

1 Yoni 4:1

Gosegwao, geya'abo yaluyaluwa maibo'adi waemiemisedi, ta esi watoodi, bobo'adi nai to'umalidi. 'Eguma taudi bobo'adi, tamwalatonidi 'aene Yaubada 'enega simai, ta taudi to'umalidi mali senega simai, manuna gete tuga palopita kabokaboyao siapweapwesama mayaluyaluwadi nigeya Yaubada 'enega.

Loma 12:2

Ta geya'abo bubuna bale'u 'ediya watagwatagwalemi, ta esi oomi maibo'ana wada tagwaledi Yaubada 'enaya, be 'enega Yaubada 'imi nuwanuwao 'ida gieauwaudi, be tauna 'ina nuwena bobo'adi, be gwaugwausowalidi, ta palupaludi wada mwalatonidi.

Epeso 5:10

Be wate watootoo be to'ase 'Inapwana nuwanuwana wada mwalatonidi be waguinuwedi,

Guinuwa 17:11

Lowa Tesalonaika 'ena me Yudia geya nuwadi tetela nina, ta sa'i me Yudia Belia 'ena 'idi tagwala bobo'ana, ga tetela nina nuwadi 'i'ewena, 'enega 'asiyata 'ebweuna 'ebweuna Buki Tabu sisawasawa be 'aene tetela gete 'ana 'ai'aila sida mwalamwalatoni.

Luke 12:57

“Ta to'ase 'alena ga nigeya waesiesinuwa 'ai'aila be 'eda palupaluna 'enega watautauya?

Pilipai 4:8

Gosegwao, gete 'ebweu wate loguguya 'aene wada nuwanuwa yage 'ai'ailidi ma 'adi 'amayaba manudi, be yage palupaludi manudi, be yage 'esasedi manudi, be yage 'adi 'ita kausala nidi manudi, be yage oboobobomidi manudi, be 'eguma to'ase bobo'ana 'ediya nai 'ebe tupu 'ediya manudi.

Loma 12:9

Wada oboboma 'ai'aila ta to'umalina wada guitoyase, ta esi bubuna bobo'ana wada giyai.

E'ita'ita 3:3

Ta lowa e'ita nina sie'itemiya ga wanononaya, 'enega wada nuwa'i'isi be wasanaila, ta wamuliya 'ai'aila. Ta 'abo nigeya 'eno'enoega watootoolo, 'etamo 'emiya yawawai be yaloesalutuimi nadigega to'ipwala, ta nigeya wamwalamwalatoni to tuta 'ena yawawa.

Pilipai 3:16

Ta sa'i 'ilobweneda be yage nidi talobediya tagiyai 'i'isidi.

1 Kolinita 15:58

Ta wate gosegwao yalokagutoki sinabwana 'emiya, be yaloguguyami be wada toolo pa'ala, be tuta yauyauna wada etapewa 'Inapwana 'ina paisewa 'enaya, manuna ma'etamo 'Inapwana 'ina paisewa nina 'enega uwana tada loba.

Pilipai 1:10

be 'enega yage bobo'adi wada esinuwedi, be Keliso 'ina 'asiyata ma'etamo 'enaya adelimi bobo'ami ta 'esasemi,

Yoni 8:31

'Enega me Yudia nidi taudi Yesu siemisenaya, 'ieonedi, 'igwae, “'Eguma 'igu e'ita wamuliyedi, 'omi 'agu tomuliya 'ai'ailao.”

E'ita'ita 2:25

Tuga ma imi emisa wada toolopa'ala 'ana laba yailama.

Ibeliu 10:23

'Enega tatoolo pa'ala be 'ida emisa Yesu 'ena tada giyagiyai, be tasimana apwesa tomota 'ediya, manuna Toonaupaupa nina nigeya 'ida kabo ta esi 'ina onao nidi nadigega 'iguiguinuwa 'esedi.

2 Tesalonaika 2:15

Gosemao, wada toolopa'ala, be 'ami e'itao nidi 'ima onega, ta wate 'ima leta 'ediyega, wada giyai'i'isidi.

Guinuwa 14:22

Ta 'idi sakowasi nina 'ena Yesu 'ana toemisao sigiepa'alidi 'asa 'ebweuna 'ebweuna 'ediya, ta siloguguyedi be geya'abo 'idi emisa 'ida neeneta, ta sigwae, “Ona'ai'aila, ma'etamo 'ida 'elouyao yaudi 'ediyega talulugu Yaubada 'ina 'ebeloina 'ena.”

Yoni 15:4

'Enega 'omi 'eguya wada miyami, 'abo'agu wate 'emiya yada miyami. Manuna 'abo 'omi nigeya 'eguya wamiyami, geya'abo wauwauwa bobo'ana. Nadigega 'abo kaiwe nalina nigeya kaiwe 'ena 'imiyami, geya'abo 'iuwauwa.

E'ita'ita 3:11

“'Iabe yawawa, ta to'ase nadigega 'emiya 'imiyami wada giyai'i'isidi, be geya'abo yaita pali nina 'emiyega 'i'ewa'ewa yaule.

E'ita'ita 2:2

“Ni'atu yamwalatonimi, 'aene 'imi paisewa sinabwana 'enega, be 'imi e'alama'i'itana 'ediyega, waewaiwai, ta toto'umalidi geya nuwami, 'enega 'agu tosimana kabokaboyao watoodi ga 'idi kabo wagieapwesena.

2 Timoti 4:14

Kainumu 'ana toguinuwa, 'ana esana Alekisana mwau sinabwana 'i'ebwa'egu. 'Enega 'ana e'isa 'Inapwana 'enega ma'etamo 'iloba.

2 Timoti 1:15

Ni'atu 'umwalamwalatoni 'aene me Esia taudi Paigelio be Elimogini, ta boda nidi, siguitoyasegu ga sipilisinegu.

1 Kolinita 2:11

Tada nuwa'i'isi 'abo'ada tomota, manuna 'abo yaita tai ma ina nuwanuwa kwaikwaiyina, tai nina tauna yaluyaluwana 'imwalamwalatoni. Nadigega wate Yaubada Yaluyaluwana taunamo 'ina nuwanuwa 'imwalamwalatoni.

Guinuwa 11:23

Ga tuta nina Banaba 'imai Anitioki 'enaya Yaubada 'ina oboboma toekalesiyao nidi 'ediya 'i'itena, ga 'igwausowala sinabwana, ga 'iguguyedi be geya'abo sienuenuwanaluwa, ta esi sida toolopa'ala ma idi emisa 'Inapwana 'enaya.

2 Timoti 3:6

Manuna 'aidi 'ediyega anuwa 'ediya silugulugu iine nidi nigeya 'idi nuwanuwa pa'alidi sabi kaboedi, ta iine nidi simwalatonina 'aene taudi toto'umalidi, ta mali lotoona be mali lotoona soladiya simulimuliyedi,

Galetia 6:10

'Enega 'ilobweneda be tuta maibo'ana 'ediya tomota yauyaudi tada lemedi, ta esi Yaubada 'ana toemisao talemedi sinabwana.

1 Tesalonaika 5:15

Wa'ita'i'isimi be geya'abo 'ebweu yaita 'emiyega to'umalina 'ie'ie'isa to'umalina 'enega, ta esi tuta maibo'ana wada eobooboboma be wada elemalema. Mali tomota wate wada lemedi.

1 Tesalonaika 5:22

ta 'abo to'umalina, maibo'ana waguitoyase.