1 Tesalonaika 4:13 - Loina Tabu Auwauna NT

¹³ Gosemao geya'abo waemwagemwage tokwaiyao manudi, be 'enega 'abo yaita tasidai 'ikwakwaiya, geya'abo wanuwanuwa mwau, 'atuwa taudi nigeya 'idi emisamo toololimana manuna.

1 Tesalonaika 4:13 Referans Kwoze

1 Tesalonaika 5:10

'Enega Keliso nina manuda 'imwawasa, be nai mayawasida nai mwawamwawasida, ta 'eguma 'iilama 'ida 'au'ewada be ma'edai tada miyaataya.

1 Tesalonaika 4:15

Gete 'ida 'Inapwana 'ina ona 'asimasimane 'emiya, 'aene tuta nina 'iila limanama, taudi kwaikwaiyidi Keliso sida gimi lobai, ta 'abo'ada mayawasida muliyega.

Epeso 2:12

Wada nuwa'i'isi 'aene tuta nina lowa Keliso 'enega wamiya 'edasola, ta Isileli 'ina 'ebeloina 'enega wamiya apwesa, ta yage bobo'adi Yaubada 'iona upaupaena Buki Tabu solanaya nigeya 'ebweu to'ase 'omi manumi 'i'ina'inana, 'enega geya'abo 'ebweu to'ase bobo'ana ma'etamo walobaloba be manuna wada emisa, ta nigeya wate 'imi Yaubadamo tuta nina bale'uya wamiyami.

2 Pita 3:4

be sigwae, “To tuta sana 'imi 'inapwana nina 'iilaila limanama? 'Aa, geya'abo sa'i! Lowaenei bale'u 'ana mweluluwa'unu 'enega ga batuwa nigeya 'ebweu wate yage 'ida esa'ugelasa. Lowa tubudao mwawamwawasidi 'idi tutega ga 'ilagamaya, yage maibo'ana 'adi 'ita nina tuga. Nigeya sida esa'ugelasa.”

1 Kolinita 15:6

'Ebweu tuta 'enaya gosedao wate site paibi analedi si'itena. Boda nidi 'ediyega yaudi gete tuga simiyami, ta 'aidi sikwaiya.

Guinuwa 7:60

Ga 'i'aetulasa, ta 'ibwau, 'igwae, “'Inapwana, 'idi bubuna to'umalina gete geya'abo 'ue'ie'isa 'ediya.” Ga 'ina ona gete mulinaya yawasina 'igumwala.

2 Kolinita 1:8

Gosegwao, nuwanuwagu be wada mwalatoni 'ima 'elouyao manudi, tuta nina Esia 'ena 'amiyami, nate 'ima nuwamwau sinabwa wawasae 'enega 'anuwena 'aene 'iabe 'amwamwawasa.

1 Kolinita 10:1

Gosegwao tubudao wada nuwa'i'isidi 'aene lowaenei tuta nina sena mwatui daitaya sitautauya, ta pwana 'enega Yaubada 'ianuganedi, ga wate ola solanaya 'idi 'eda 'iguinuwena ga 'enega siabala mali esenaya.

Loma 1:13

Tasigwao wada nuwa'i'isi 'aene tuta yauyauna yanuwanuwa sinabwana be mwa'adega yada ayausimi, ta nigeya kapekapeyana 'eguya, manuna nuwanuwagu 'igu ayausa uwana 'ida apwesa, nadigega 'igu ayausa nidi mali senao taudi nigeya me Yudia 'ediya uwadi ni'atu siapwesa.

Guinuwa 13:36

“Ona getedi nigeya Debida tauna manuna. Debida nina 'ina tutaya Yaubada 'ina nuwanuwa 'iguinuwedi, ga 'ikwaiya, ga sisa'u 'ali'aliyena, ga tubunao ma'ediya simwaumwaulu,

Yoni 11:24

Ga waine nina 'igwae, “O, yamwalamwalatoni 'aene ma'etamo tuta 'ana 'ebe losalowa 'enaya mwawasega 'ida toololimana.”

2 Pita 3:8

Gosegwao, 'ebweu wate yage wada nuwa'i'isi, 'aene 'Inapwana 'enaya 'asiyata 'ebweuna 'atuwa yakwala tausani 'edaya, ta yakwala tausani 'enaya 'atuwa 'asiyata 'ebweuna.

Guinuwa 8:2

Ta 'aina tomota, taudi Yaubada 'ana to'amayabao, Sitibeni nina sisa'u 'ali'aliyena ma idi dedoi sinabwana.

Madiu 27:52

Ta wate 'ali'ali 'awadi si'egegedi ga toemisao yaudi lowa simwawasaya kokowadi sitoolo limana,

1 Kolinita 12:1

Gosegwao, nuwanuwagu be Yaubada 'ina eguyai yaluyaluwada manudi yali'ami be wada mwalatoni.

Epeso 2:3

'Abo'ada wate lowa taudi nadigega, ta ooda 'ina yalakwaiyao tamulimuliyedi, be to'ase tauda 'ida nuwanuwa taguiguinuwedi. 'Enega 'ana lobwene be Yaubada 'igamwasowaleda manuna adelida toto'umalida, nadigega me bale'u maibo'adi.

1 Tesalonaika 4:14

Ta 'abo'ada Yesu taemisena 'aene mwawasega 'itoolo limana, ga nadigega wate taemisa 'aene gosedao nidi ni'atu sikwaiya Yaubada 'ida ila limanedima, Yesu ma'enao.

1 Tesalonaika 5:6

'Enega geya'abo ta'eno'eno, nadigega tomota yaudi si'eno'eno'esa, ta esiya Yesu tada yamwayamwa ma ida nuwanuwa palupalu.