1 Pita 5:7 - Loina Tabu Auwauna NT

⁷ Ta 'ami mwauyao maibo'adi Yaubada 'ena wada 'ebwaya, be 'enega 'ami mwau nidi 'i'ewayauledi, manuna Yaubada tauna 'i'atenuwa'ole'ole 'ai'ailemi.

1 Pita 5:7 Referans Kwoze

Pilipai 4:6

Geya'abo 'ebweu to'ase manuna wanuwanuwa, ta esi ma imi lokagutoki yage maibo'adi manudi, Yaubada 'ena wada bwagobwago, be 'imi nuwanuwao manudi wada sidasida,

Luke 12:22

'Enega 'ina tononoyao 'ediya 'igwae, “Geya'abo 'imi miya bale'u manuna wanuwanuwa sinabwana, 'ami 'e'ai be 'ami 'oama manudi.

Maki 4:38

Ta Yesu waga kuliginaya 'ana gedu 'isa'una ga 'i'eno mwataya, ta 'ina tononoyao silowanowanona ga sigwae, “'Inapwana 'utoolo be 'ulemeda. 'Iabe tamwamwawasa!”

Yoni 10:13

Tai nina 'ina dena 'alena tuga maisa manuna 'ipaipaisewa, ta sipi nidi mali tai 'ina sipiyao, 'enega nigeya manudi 'inuwanuwa.

Madiu 6:27

Ta 'eisa 'emiyega 'ina nuwenuwega 'ina tuta bale'uya 'igieduduli? Nigeya, aga?

Madiu 6:28

'Enega to'ase manuna wanuwanuwa sinabwana 'ami 'oama manudi? Ta 'ebweuna wate gete 'ebe'ita, seninao 'idi tabwa 'asaya manuna wada nuwaedaedadami. Tuta yauna nigeya sida paisewa, ta wate nigeya 'adi 'oama sida guinuwedi.

Madiu 6:31

'Enega geya'abo wanuwanuwa sinabwana be 'aene wagwaegwae, “To'ase 'ada 'ani?” nai “To'ase 'ada numa?” nai “To'ase 'ada 'ote?”

Luke 12:26

Ta ona'ai'aila, 'atesa'ala nigeya wate 'ina lema 'edaya yage gidalina manuna, ta to'ase 'alena wa'ate'ate sa'ala yage sinabwadi manudi.