1 Pita 5:3 - Loina Tabu Auwauna NT

³ Ta geya'abo watoo be waetoloina 'ediya, ta esi bubuna bobo'ana wada e'itae 'ediya, be sida muliyemi.

1 Pita 5:3 Referans Kwoze

2 Tesalonaika 3:9

Ona'ai'aila, loina 'imiyami be 'omi wada e'enima, ta tuwa tuga tauma 'ama masula manuna 'aetaetapewa, be 'enega 'omi 'ima guinuwa wada etotowanedi.

Pilipai 3:17

Gosegwao maibo'ami waetotowanegu, be yaisigedi taudi 'idi bubuna nadigega 'abo'agu waduneduneyema, be 'omi wate wada bubuna nadigega.

2 Kolinita 1:24

Nigeya 'aene 'aetoloina pa'alina 'emiya 'imi emisa be 'imi tapwalolo manudi, manuna ni'atu 'imi emisega watoolopa'ala, ta esi sabi lememi 'imi gwausowala manuna.

Taito 2:7

Ta 'oyo 'imu bubuna maibo'ana 'ediyega tomota 'ue'itadi be taudi wate sida bubuna bobo'ana, ta ona 'ai'ailega 'ue'ita, be 'enega 'imu bubuna 'imu e'ita 'ilobwene,

1 Timoti 4:12

Tomota geya'abo sisinasinaliyo manuna 'aene 'oyo tubuwau tuga, ta esi 'imu ona bobo'ana, be 'imu guinuwa bobo'ana, 'imu oboboma, 'imu emisa, be 'imu bubuna 'esasena 'ediyega be 'oyo 'ebe'ita taudi 'ediya.

Guinuwa 20:28

“'Enega toanuganao 'omi, taumimo wa'ita'i'isimi be 'imi sipiyao wate wa'ita'i'isidi, manuna Yaluyaluwa Tabuna 'imi paisewa nina 'i'ebwa'emi be toekalesiyao nidi walomata'i'isidi, manuna 'ida 'Inapwana Yesu tomotai nidi tauna lalanega 'igimwanedi.

Pilipai 4:9

'Omi wada etotowanegu, 'igu guinuwao wa'itedi 'ediyega, be 'igu onao be 'igu e'itao wanonodiya ga wamwalatonidiya 'ediyega. 'Enega Yaubada ma ina nuwa siwalowa ma'emiya wada miya gwausowala.

2 Kolinita 4:5

'Ima loguguya nigeya 'abo'ama manuma, ta esi Yesu Keliso tauna 'Inapwana manuna, ta 'abo'ama 'imi toguinuwao tuga Yesu manuna.

1 Kolinita 11:11

Ta esi 'abo 'Inapwana 'ina 'eda tamulimuliye nigeya sawesawenaya be waine tebweuna 'iloiloina nai tai tebweuna 'iloiloina,

1 Pita 2:9

Ta 'omi nigeya nadigega taudi, ta 'omi esi Yaubada 'ina boda esiesinuwami, 'enega 'omi kini nina 'ina totaliyao ta 'ina tomotaiyao 'esasemi, manuna sena guguyoi 'enega 'ibwauyemi, ga 'ina maedana tobobo'ana sana 'ena 'isa'umi, be 'aene 'ina guinuwa bobo'ana gete wada simane.

1 Kolinita 3:9

Gete tuga Yaubada ma'ema 'ina bagulaya 'apaipaisewa, ta 'ina bagula nina nate 'omi tomotai, ta wate 'omi Yaubada 'ina anuwa.

1 Kolinita 3:5

Mwa'adega ga 'abo'agu be Apolosa manuma waegewagewana? 'Abo'ama topaisewa tuga 'Inapwana manuna. 'Inapwana nina 'ima paisewa 'i'ebwa'emaya dumadumadi be dumadumadi 'aguinuwedi, ga 'enega 'omi Keliso waemisena.

Yoni 13:15

tuga to'ase nadigega yaguinuwena 'emiya wada etotowanegu be wada guinuwa nadigega gosemiyao 'ediya.

1 Tesalonaika 1:7

'Enega 'omi 'ebe'ita bobo'ana, ga Keliso 'ana toemisao, sena Masidonia be Akaya 'ediya, sietotowanemi.