1 Pita 2:19 - Loina Tabu Auwauna NT

¹⁹ Manuna 'abo nigeya 'ebweu 'imi guinuwa to'umalina, ta sigie'elouya daisimi be Yaubada manuna wanuwanuwa sinabwana ga wae'alama'i'itanemi, nate bubuna bobo'ana Yaubada matanaya.

1 Pita 2:19 Referans Kwoze

1 Pita 2:20

Ta wada nuwa'i'isi 'aene 'abo 'ida guinuwa to'umalina 'enega sigie'elouyaeda be tae'alama'i'itana, nate nigeya yage sinabwana. Ta esi 'abo 'ida guinuwa bobo'ana 'enega sigie'elouyaeda be tae'alama'i'itana, Yaubada manuda 'ida gwausowala.

1 Kolinita 15:10

Ta esi Yaubada 'i'atenuwa 'ole'oleyegu ga 'ilemegu. 'Enega nigeya 'ilemalema daidaitegu, manuna ni'atu yaemisa 'ai'ailena ga tosimanao maibo'adi 'idi paisewa yapilisinena, nigeya taugu 'igu waiwaiyega, ta Yaubada esiya 'ina oboboma 'eguya 'enega.

Luke 6:32

Ta 'abo 'aina tomota siobobomemi be taudimo waobobomedi, nigeya 'ebweu 'ana bobo'anamo 'emiya, manuna toto'umalidi wate gosediyao siobobomedi, 'enega taudi be 'omi tuga 'imi bubuna leleleya.

Loma 13:5

'Enega 'ilobwenena be toloinao tada 'amayabedi, 'abo loina tamatautena, ta wate 'abo bubuna bobo'ana nuwanuwada.

Yoni 15:21

Ta yage nidi to'umalidi gete sida guinuwedi 'emiya manuna 'omi 'igu bodao, ta wate manuna 'agu toetune nina nigeya simwalamwalatoni.

2 Timoti 1:12

Gete manuna 'igu miyamwau yalobena, ta geya'abo manuna yaomayamaya, manuna 'Inapwana nina yaemisena tauna yamwalamwalatoni, ta wate yamwalatonina 'aene guinuwa 'i'ebwa'eguya 'ida 'ita'i'isi be 'ana laba 'asiyata nina sinabwana 'imeemai 'ena.

2 Kolinita 8:1

Gosegwao, nuwanuwama be toekalesiyao Masidonia solanaya wada mwalatonidi 'aene Yaubada 'ienuwa sa'uyedi ga 'ebwayadaita bobo'ana sisa'una.

2 Kolinita 1:12

'Ebweu yage manuna yagwausowala sinabwana, ta yanuwena ona'ai'aila 'ima bubuna 'esasena ta palupaluna tomota 'ediya, nigeya sinasinapu bale'u 'ediyega, ta esi Yaubada 'ina oboboma 'emaya 'enega, ta wate nadigega 'aguinuwa sinabwana 'emiya.

Guinuwa 11:23

Ga tuta nina Banaba 'imai Anitioki 'enaya Yaubada 'ina oboboma toekalesiyao nidi 'ediya 'i'itena, ga 'igwausowala sinabwana, ga 'iguguyedi be geya'abo sienuenuwanaluwa, ta esi sida toolopa'ala ma idi emisa 'Inapwana 'enaya.

Ibeliu 10:2

Manuna 'eguma guinuwa nina sawesawenaya be 'igie'esasedi, ma'ebweuna namo sida guinuwei be 'adi lotoona 'ida bobo'ana ataya, be 'enega geya'abo yakwala 'ebweuna 'ebweuna siguiguinuwa limalimana, aga?

1 Pita 4:15

Ta esi nigeya yage bobo'ana manumi, 'abo waloemwawasa, nai wa'i'ipwala, nai waloegesi, nai waguinuwa besobeso, be manudi 'elouya waloba.