1 Pita 2:1 - Loina Tabu Auwauna NT

¹ 'Enega 'imi to'umalinao be 'imi kabokaboyao onega be guinuwega, be 'imi e'ipi'ipiyao, be 'imi 'awato'umaliyao wada guitoyasedi,

1 Pita 2:1 Referans Kwoze

Epeso 4:31

Ta wate to'umalina getedi wada guitoyasedi: nuwato'umali, gamwasowala, 'asona, 'awa to'umalina, ta wate ona sinala,

Yemesa 1:21

'Enega 'imi bubuna be 'imi guinuwa to'umalidi wada pilisinedi, be wada tagwalemi Yaubada 'enaya, ta wate Yaubada ona nina 'atemiya 'iasonaya wada emisei, be wada ematamatane, be 'enega 'etoseyana waloba.

Yemesa 4:11

Tasigwao, geya'abo tasimiyao wa'awa'awa to'umaliyedi, manuna 'abo yaita tauna tasina 'i'awa to'umaliyei, nai 'iloinei, tauna nigeya Yaubada 'ina loina 'imulimuliyei, ta esi loina nina 'i'awa'awa to'umaliye.

1 Pita 3:10

Nadigega Buki Tabu 'ena 'isimana, 'igwae, “'Abo yaita tauna nuwanuwana be 'ida gwausowala 'asiyata maibo'ana 'ediya, 'ilobwenena be ona besobeso be kabo 'ida losa'u,

1 Pita 4:4

Ta tomiya apwesa nidi sinuwa owana 'abo 'omi nigeya ma'emiyao yage nidi to'umalidi waguiguinuwedi, 'enega si'awa to'umaliyemi.

1 Pita 4:2

'Enega 'ida tuta maibo'ana bale'uya tamiyami, tada tagwaleda Yaubada 'enaya be tauna 'ida loineda, ta 'ida yalakwaiya geya'abo 'iloiloineda.

Yemesa 5:9

Ta tasigwao, geya'abo taumimo waelomulomugiyemi, 'abona nai 'ida 'Inapwana 'ida bwa'omatami, ta Tobwa'omatana nina ni'atu be 'iapwesama.

Ibeliu 12:1

Ga 'enega toemisao yaudi galewega siduneduneyeda, be 'ilobweneda yage mwaudi 'edega tada gisinedi, be 'enega tada pili waiwai epili nina 'ana 'eda 'enega, ta wate bubuna to'umalina nidi sigiyagiyaida tada gisinedi.

1 Timoti 3:11

Mwanediyao wate ma idi nuwanuwa palupaluna, be geya'abo gosediyao si'awa'awa to'umaliyedi, ta geya'abo bwasi waiwai sinumanuma diidiga, ta esi sida gwaunuwa 'ai'aila.

1 Pita 2:22

Manuna tauna nigeya 'ina to'umalinamo ta wate nigeya kabo 'awanega 'ida apwesa.

Taito 2:3

Kaiyaleyao wate 'ueonadi be 'idi bubuna ma idi 'amayaba, be geya'abo tomota si'awa'awa to'umaliyedi, be geya'abo oine sinumanuma diidiga, ta 'ilobwenedi be bubuna bobo'ana sie'itaedi iine enatunadaya 'ediya,

1 Kolinita 14:20

Gosegwao, geya'abo 'imi nuwanuwa gogama nadigega, ta esi wada nuwanuwa tai sinabwadi nadigega. Ta geya'abo guinuwa to'umalina manudi wanuwanuwa be 'aene wamwalatonidi.

Loma 1:29

'Enega bubuna to'umalina maibo'ana 'iloemaedi, nadigega tomatagwegwe be, tobubuna geyogeyoi be, nadigega taudi e'ipi'ipi 'aledi be, loemwawasa 'aledi be, toegewagewana be, toekabokabo be, taudi toe'idi'idi be, taudi tolomugiyao be,

Luke 6:42

'Enega geya'abo tasiyo 'ueonai be 'ugwae, ‘Tasigu, 'ilobwenegu be 'aene kaiwe senasenamina matamuyega ya'ewayaule,’ manuna 'oyo wate kegabugabu sinabwana matamuya 'imiyami nigeya 'u'ita'ita. Ona'ai'aila 'oyo 'ebweu tokabo, aga? Ta esi kegabugabu matamuyega 'uda gimi 'ewayaule, be 'enega 'udune 'ai'aila ta muliyega tasimuna matanega kaiwe senasenamina 'u'ewayaule.

Madiu 23:28

'Omi 'ami 'ita tomota matadiya 'aene toanuganao bobo'ami, ta solamiya kabo be to'umalina yauna simiyami.

Madiu 7:5

Ona'ai'aila 'oyo 'ebweu tokabo, aga? Ta esi kegabugabu matamuyega 'uda gimi'ewa yaule, be 'enega 'udune 'ai'aila ta muliyega tasimuna matanega kaiwe senasenamina 'u'ewayaule.

2 Kolinita 12:20

Ona'ai'aila ya'atesa'ala, ta geya nuwagu yawawai be 'imi bubuna ya'italoba 'aene nigeya bobo'ana, be 'igu wai manuna wada nuwamwau, 'abo taumimo waegewagewana be wae'ipi'ipi ta wagamwasowala, nai walogwegwe diidiga, ta gosemiyao wa'awa to'umaliyedi, be wanuwatu'e, nai waguinuwa besobeso.

E'ita'ita 14:5

Taudi nigeya 'ebweu wate kabo 'ediya, ta nigeya 'ebweu wate 'idi to'umalinamo.

1 Pita 2:16

Ta 'omi esi ni'atu Yaubada 'ili'amimi be 'aene taumimo wada loinemi, ta esi geya'abo guinuwa to'umalidi 'ediya watautauya, ta wada guinuwa tuga nadigega Yaubada 'ina toguinuwao.

Yemesa 4:5

'Enega geya'abo Buki Tabu 'ina simana wa'awa'awa gidale tuta nina 'igwae, “Yaluyaluwa nina Yaubada 'isa'una 'edaya nuwanuwana sinabwana 'abo'ada.”

Yemesa 3:14

Ta 'eguma wae'ipi'ipi be wagamwasowala mali tomota 'ediya, ta wate taumi 'imi nuwanuwao 'igiegagasimi be e'ita palupaluna wagiegie to'umaliye,

1 Tesalonaika 2:3

nigeya kaboega, nai nigeya ona to'umalina 'enega, ta esi ona'ai'aila 'enega.

1 Kolinita 5:8

'Enega 'ida sagali nina tada guinuwe, nigeya ma ida bubuna kadekadelina ta to'umalina 'ediyega, ta esi ma ida bubuna bobo'ana ta palupaluna 'ediyega.

Yoni 1:47

Ga tuta nina Yesu Nataniela 'i'itena ga tomota 'ieonedi Nataniela manuna, 'igwae, “Tai gote tauna goma Isileli ta nigeya 'ebweu wate kabo 'enaya.”

Luke 11:44

“Ona'ai'aila sa'i nuwa'ole'olemi, manuna 'atemi 'atuwa nadigega 'ali'ali mapwatulidi, tomota 'ediyega sitautauya ta nigeya simwalamwalatoni 'aene 'ali'ali.”

Luke 12:1

Pwalu sinabwa wawasae sideli egogonama ga siegigigila, ta Yesu 'iona nugana 'ina tononoyao 'ediya, 'igwae, “Wada 'ita'i'isimi ta Palisiyao 'idi guinuwa kabokabo geya'abo waguiguinuwedi, manuna 'idi guinuwa 'atuwa nadigega pwalawa 'ana 'ebe gieseseya. 'Ebe gieseseya nina 'abo to'ase nadigega gidalina 'iabe 'igiesinabwa,

Maki 12:15

Takisi nina taemaisi Kini 'enaya, nai nigeya?” Ta Yesu 'idi kabo ni'atu 'imwalatonina, 'enega 'ieonedi, 'igwae, “To'ase manuna watootoogu? Abaga mani nina wame'e be ya'ita.”

Madiu 24:51

'iabe anuwega 'ipa'i be e'isa to'umalina 'i'ebwa'e tokaboyao 'idi senaya, sena gote 'ena sidedoi be siesala'i'ita 'elouya 'enega.

Madiu 15:7

“Ona'ai'aila 'omi tokabokabo. Lowaenei Aisea palopita manumi 'ionaupaupa 'ai'aila, tuta nina Yaubada 'ina ona 'isimanena, 'igwae,