1 Pita 1:8 - Loina Tabu Auwauna NT

⁸ Keliso nina tauna nigeya wa'ita'ita ta tuga waobobomena, ta gete tuga wate nigeya wada 'itena, ta tuwa tuga 'ena waemisa, ta 'imi gwausowala 'enaya geya'abo tagwaegwae.

1 Pita 1:8 Referans Kwoze

Yoni 20:29

Ta Yesu 'ieonena, 'igwae, “Tomasi, ni'atu 'u'itegu 'enega 'uemisegu, aga? Ta 'uda mwalatoni 'aene yaisigedi taudi nigeya si'ita'itagu ta tuwa tuga siemiemisegu, taudi tuta yauna ma idi gwausowala.”

2 Kolinita 5:7

manuna 'ida emisa 'enega tatautauya ta nigeya duneyega.

Loma 15:13

Ta ona'ai'aila, Yaubada namo ma 'ana emisa, manuna taunamo 'enega lema bobo'adi talobalobadi, 'enega nuwanuwagu be ma imi gwausowala wada emisa 'aene 'imi miya sida bobo'ana, ta wate Yaluyaluwa Tabuna 'ina waiwaiyega 'imi emisao nidi 'ida giesinabwa 'ai'ailidi.

Ibeliu 11:1

'Abo to'ase bobo'ana tanuwayaina 'aene ma'etamo talobai, 'anabwa'ayoi gete tuga geya'abo ta'ita'ita, nate emisa 'ai'aila.

Yoni 16:22

Ta 'omi nadigega tuga, manuna mwau 'emiya tuta gete, ta ma'etamo yailama be wada 'itagu, 'enega manugu wada gwausowala 'ai'aila. Ta gwausowala nina tauna geya'abo yaita wate 'emiyega 'i'ewa'ewa yaule.

2 Kolinita 4:18

Manuna 'ida 'ebe masi yage nidi nigeya ta'ita'itadi 'ediya. Ona'ai'aila, yage nidi ta'ita'itadi sawasawalidi tuga, ta esi yage nidi nigeya ta'ita'ita taudi yage miyamiya atayadi.

1 Pita 1:6

'Enega wada gwausowala sinabwana, 'anabwa'ayoi tuta kukupana namo gete 'ena 'aina 'ebe tooyao mwaudi walobalobadi.

Ibeliu 11:27

'Enega 'ina emisega Itipita 'ipilisinena ga nigeya kini Pelo 'ina gamwasowala 'imatamataute, ta esi 'i'atepatu 'aene 'i'itena Yaubada matanaya 'imiyami, nigeya 'ina 'ita matanega ta esi 'ina emisega.

1 Pita 2:7

Ta 'omi yaisigedi 'ola gete waemisena, 'emiya 'ola bobo'ana wawasae, ta yaisigedi taudi nigeya 'ena siemiemisa manudi Buki Tabu 'ena 'isimana, 'igwae, “'Ola nina lowa to'abi anuwa siguitoyasena, ta gete tugai ni'atu sietoolona be 'ie'ola nugana, be 'ola maibo'adi 'iloinedi.”

Pilipai 4:4

Tuta maibo'ana wada gwaugwausowala 'Inapwana manuna, ta wate yaeona limami 'aene wada gwausowala.

1 Pita 5:4

Be 'enega tuta nina To'ita'i'ita sinabwana 'iapwesama, tauna 'enega 'ami pali bobo'ana ta miyamiya atayana waloba.

Epeso 6:24

Be wate yaisigedi ma'emiyao, 'abo 'ida 'Inapwana Yesu Keliso sioboboma ataena, 'ina 'atenuwa 'ole'oleyega 'ida obobomedi wate. 'Abo'agu Paulo.

Pilipai 1:25

'Enega yamwalatoi 'ai'ailina 'aene 'omi ma'egwao tada miyami be yada lememi be wada gwausowala 'imi emisa Keliso 'ena manuna,

Loma 14:17

Ta esi wada nuwa'i'isi 'aene Yaubada 'ina 'ebeloina nigeya masula be bwasi manudi, ta esi bubuna bobo'ana be nuwasiwalowa be gwausowala, Yaluyaluwa Tabuna 'enega, manudi.

Yoni 14:24

Ta 'abo 'oyo yaita nigeya 'uobobomegu, 'igu ona wate nigeya 'uda ematamatanedi. Ta ona nidi nate wanoonodi nigeya 'eguyega, ta esi tauna 'agu toetune Yaubada 'enega.

Yoni 8:42

'Enega Yesu 'ediya 'igwae, “'Eguma Yaubada tauna tama 'ai'ailimi wada obobomegu, manuna 'abo'agu Yaubada 'ietuneguma, ga sena gete 'ena yamai. 'Abo'agu nigeya taugu 'igu nuwenuwega yameemai, ta esi tauna 'ietuneguma 'ina nuwanuwa 'enega.

Pilipai 3:3

'Abo Yaubada 'ena tabwagobwago yaluyaluwana 'enega, ga Yesu Keliso namo tatupuna, ta nigeya bubuna bale'u 'ena taemiemisa, gote 'enega tamwalatoni 'aene ni'atu lodaba 'ai'aila ta'ewena.

Galetia 5:22

Ta sa'i Yaluyaluwa Tabuna uwana bobo'adi 'atedaya getedi, oboboma, gwausowala, miyasiwalowa, toolopa'ala, lema, bubuna palupaluna, emisa,

Galetia 5:6

Ona'ai'aila, Yesu Keliso 'enaya me Yudia 'adi we'iwe'iyaya, nate bwaladi silodaba, nigeya 'igiepaepaluyeda, be wate 'abo lodaba taguitoyase geya'abo 'ada 'awapalupalu talobaloba. Nate namo 'eguma Yesu taemise be taobobome, tauna 'ada togiepalu.

2 Kolinita 12:4

Ta tai nina me galewa 'idi ona 'aina 'inonodi, ta nigeya sawesawenaya be 'iona apwesedi, manuna etaetabudi.

2 Kolinita 9:15

Ona'ai'aila, Yaubada 'ena tada lokagutoki 'ina oboboma sinabwa wawasae manuna.

2 Kolinita 1:22

ta 'ana 'ebe lo'inana 'edaya 'isa'una, tauna Yaluyaluwana 'atedaya, be 'enega tamwalatoni 'aene 'abo'ada 'ina tomotaiyao.

Guinuwa 16:34

'Enega 'i'au'ewedi tauna 'ina anuwaya, ta 'enega 'adi masula 'igibubuna, ga si'e'ai. Ga deli 'ana to'ita'i'ita nina ma ina susuyao sigwausowala sinabwana, 'ina emisa auwauna Yaubada 'ena 'ilobenaya manuna.

Yoni 14:21

'Eguma yaita 'oyo 'igu loina 'usinapudi be 'uematamatanedi, 'oyo ni'atu 'uobobomegu. 'Enega Tamagu wate 'ida obobomeyo, ta 'abo'agu wate yada obobomeyo, ta yada e'itaegu taugu 'emuya.”

Yoni 14:15

Ta Yesu wate 'ediya 'igwae, “'Abo waobobomegu, 'igu loinao waematamatanedi,

Madiu 10:37

“Ta 'abo yaita tamana be sinana 'iobobomedi sinabwana ta 'abo'agu gidalina, tauna nigeya sawesawenaya be 'imuliyegu. Ta 'abo yaita wate natuna me'olotona nai mewainena 'iobobome sinabwana ta 'abo'agu gidalina, tauna nigeya sawesawenaya be 'imuliyegu.

1 Kolinita 16:22

'Abo yaita nigeya 'Inapwana 'ioboobobomei 'ida miya mwau. 'Inapwana ye, nuwanuwagu be 'uda mai.