1 Pita 1:17 - Loina Tabu Auwauna NT

¹⁷ 'Etamo Yaubada 'ina loina 'ebweuna ta palupaluna 'enega tomota maibo'ada 'ida loineda, nadigega 'ida guinuwa, bobo'ana, nai to'umalina. Tauna Yaubada nina waeesena Tamami 'imi sidasidao 'ediya, 'enega 'ilobwenemi be wada 'amayabe tuta maibo'ana bale'u gete 'ena wamiyami.

1 Pita 1:17 Referans Kwoze

Madiu 6:9

'Enega tuta sidasida 'ediya gete nadigega wada sidasida: “Tamama galewaya 'amu esana 'a'amayabei, ta 'asideyo be 'oyo 'uda loinema,

Pilipai 2:12

Gosegwao 'omi ematamatana 'alemi. Lowa mataguya waematamatana, ta gete tuga 'emiyega yamiya 'edasola, ta tuga ma'etamo waematamatana 'ai'aila. 'Enega 'ilobwenemi be Yaubada wamataute be wate watoo waiwai be 'ina 'etoseyana waloba,

2 Kolinita 7:1

Gosegwao, Yaubada 'ina onaoboboma getedi tada nonodi be ooda be yaluyaluwada tagie'esasedi yage baibailidi 'ediyega, be ta'esasa 'ai'aila ma ida 'amayaba Yaubada 'ena.

Ibeliu 12:28

Gete 'ida sena auwauna 'ena talugulugu, waiwaina ta miyamiya atayana, 'enega 'ilobweneda be Yaubada 'enaya tada lokagutoki, be tada lotapwalolo to'ase 'ina nuwanuwa 'ana lobwene nadigega, be wate tada 'amayabei ma ida matauta,

Epeso 1:17

Ta 'igu sidasida manumi 'aene 'ida 'Inapwana Yesu Keliso 'ina Yaubada, tauna Tamada ta Toesaesa sinabwana, 'ida gienuwa sabwalenimi, be tauna wada mwalatoi 'ai'aili,

Galetia 2:6

Ta wate taudi toekalesiyao sieesedi 'aene 'idi toanuganao, taudi nigeya 'ebweu wate loeposeyana sisa'usa'u 'igu loguguya 'enaya. Ta 'abo'agu 'igu nuwanuwa 'aene nigeya yage sinabwana 'eguma taudi sieesedi toanuganao nai to'ase, manuna tomota maibo'ada leleleya Yaubada matanaya.

Loma 11:20

Nate ona'ai'aila. Ta esi wada nuwa'i'isi 'aene naliyao nidi 'ilasedi, manuna nigeya siemiemise, ta esi 'omi 'imi emisa 'enega yawasimi bobo'ana walobena. 'Enega 'ilobwenemi be Yaubada wada mataute ta geya'abo wanuwanuwatu'e,

Madiu 22:16

'Enega loina silobena, ta 'adi tomuliyayao be Elodi 'ina bodao ma'ediyao sietunedi Yesu 'ena ga sigwae, “'Inapwana ni'atu 'amwalatonimu 'aene 'oyo toe'ita 'ai'aila be Yaubada 'ina nuwanuwa 'ue'ita 'ai'aila, ta wate tomota 'idi waiwai manuna nigeya 'umatamatauta, ta tuga ona 'ai'aila 'usimana leleleya tomota maibo'adi 'ediya.

1 Pita 2:11

Ta gosegwao 'emiya yada simana apwesa 'aene 'abo'ada bale'u gete 'enaya toesugalagala, 'enega 'imi yalakwaiyao nidi 'atemiya simiyami waguitoyasedi, manuna yaluyaluwami sietalauwaledi.

Ibeliu 4:1

'Ina onaupaupa manuda 'etamo 'imiyami, 'aene 'ina eyawai'ata tauna 'enega tada loba, 'enega 'ilobweneda be tamatauta 'abona nai 'aimi wabebe'u be geya'abo walobaloba.

Kolose 3:25

Ta esi toto'umali nidi 'ida emaisidi yage to'umalidi 'ediyega. Manuna nigeya 'ebweu wate mali loina 'imiyami.

Epeso 6:9

'Omi 'inapwanao wate wada bubuna 'ai'aila 'imi toguinuwao 'ediya, ta geya'abo wa'ena'ena pa'alidi, ta wanuwa'i'isi 'aene maibo'ami 'omi be taudi 'imi 'Inapwana galewaya 'imiyami, ta 'ina loina 'emiya leleleya maibo'ami manumi.

Epeso 3:14

'Enega 'abo'agu ya'aetulasa Tamada matanaya,

1 Pita 3:15

ta esi 'atemiyega 'ida 'Inapwana Keliso wada 'amayabe. Be 'enega 'abo yaita 'ienaidemi be 'ida gwae, “To'ase manuna 'uemiemisa?” ta 'omi ni'atu ma imi e'isa bobo'ana wada simana 'ediya, ta geya'abo ma imi oopa'ala, ta esi ma imi bubuna nuwana 'enega waeonadi.

2 Kolinita 5:6

'Enega tuta maibo'ana 'ediya ta'ate'atepatu, ta tamwalatonina 'aene 'abo 'ida anuwa bale'u 'ena tamiyami nate nigeya 'Inapwana 'ina senaya,

2 Kolinita 1:2

Tamada Yaubada be 'ida 'Inapwana Yesu Keliso 'idi obobomega wada miya gwausowala.

2 Kolinita 7:11

Ona'ai'aila, 'imi nuwamwau gete 'enega Yaubada 'ilememi, ga waetaetapewa, ta waewaiwai be 'imi bubuna 'ida bobo'ana maibo'ana, 'enega to'umalina nina manuna wagamwasowala ta wamatauta, ta nuwanuwami be yawawai 'emiya, ta wate waewaiwai ga to'umalina nina wae'isena. Yage maibo'adi 'ediyega 'imi guinuwa bobo'ana wae'itaena.

Madiu 16:27

“Ma'etamo 'abo'agu Tomota Natuna yaila limanama, be Tamagu 'ina esaesa tuyatuyayalina 'enega yailama, ta wate aniloseyao ma'egwao, be tomota 'idi guinuwao 'adi e'isa ya'ebwa'edi.