1 Kolinita 8:7 - Loina Tabu Auwauna NT

⁷ 'Abo'ada 'ida emisa pa'alina, ta sa'i 'aina toekalesiyao 'idi emisao nenetadi, manuna sienuwanaluwa 'aene mali 'ebe bwagobwago wate 'ebe emisa 'ai'aila, 'enega 'abo tomota nidi 'ebe emisa kabokaboyao 'adi masula si'a'ani 'iabe simatauta 'ediya.

1 Kolinita 8:7 Referans Kwoze

Loma 14:14

Ta ona'ai'aila, 'ida 'Inapwana Yesu ni'atu 'igienuwa sabwalenigu ga yamwalatonina 'aene nigeya 'ebweu masula 'eto'etobodana 'imiyami, ta esi 'abo 'ebweu tomota 'inuwena 'aene 'aina masula 'eto'etobodadi, 'etoboda nidi tauna tuga manuna.

Guinuwa 15:20

ta esi 'idi leta tada 'etoladi be 'etoboda ata dimo tasa'udi nate, masula nina mali 'ebe bwagobwago 'ediya si'ebwa'ebwaya be, loelata be, yobai didimagadi esiyodi be, lala be.

Loma 15:14

Gosegwao, ni'atu yamwalatoi 'ai'ailimi 'aene 'omi tomota bobo'ami ta sinasinapumi, 'enega sawesawemiya be 'ebweuna 'ebweuna 'enaya wada e'ita.

1 Kolinita 8:1

'Ebweu wate enaida 'igu leta 'enaya ni'atu wasimanenaya, nate masula nidi tomota si'ebwa'ebwaya 'idi 'ebe bwagobwago gulewa nai kaiwe 'ediya. Yage nidi 'idi kabo wamwalamwalatoni, ta sa'i geya'abo wanuwanuwatu'e 'imi sinasinapu nina manuna, ta 'ilobwenemi be gosedao maibo'adi 'atemiyega wada obobomedi, manuna oboboma yage sinabwana, ta mwalatoi esi nigeya yage sinabwana.

1 Kolinita 8:4

'Enega mwa'adega masula nina tomota si'ebwa'ebwaya 'idi 'ebe emisa kabokaboyao 'ediya? 'Ebe bwagobwago kabokaboyao getedi nigeya 'ebe emisa 'ai'aila, manuna Yaubada namo tebweuna 'imiyami, ta mali 'ebe emisao yage besobeso tuga.

1 Kolinita 10:25

'Enega 'abo yobai esiyona mali tomota 'ediyega wagimwane, geya'abo waenaenaida esiyo nina manuna, ta esi wada 'ani tuga, be geya'abo wanuwanuwa to'umalina to'ase lowa masula nina 'ena siguinuwena.

1 Tesalonaika 5:14

Ta gosemao, 'ilobwenemi wate be tologwautoyasao waloguguyadi, be to'atesa'ala wagie 'atepatudi, be toneneta walemedi, ta yage nidi getedi e'alama'i'itega wada guinuwedi.