1 Kolinita 7:3 - Loina Tabu Auwauna NT

³ Be 'enega me'olotomi mwanemiyao 'idi nuwanuwa wada muliyedi. Wate nadigega 'omi mewainemi mwanemiyao 'idi nuwanuwa wada muliyedi.

1 Kolinita 7:3 Referans Kwoze

1 Pita 3:7

Ta 'omi wate toai me'olotomi, mamwanemiyao wamiyami, wada nuwayai 'aene taudi nenetadi, 'enega wada 'amayabedi be wa'ita'i'isidi, manuna 'omi be mwanemiyao ma'emiyao yawasimi Yaubada 'i'ebwa'emi. Gete nadigega wabubuna'esa be 'enega geya'abo to'umalina 'imi sidasidao 'i'eto'etobodedi.

1 Kolinita 7:2

Ta esi nigeya sawesawemiya be maibo'ami nadigega waguiguinuwa'esa, manuna yau wawasae taudi weweloedi siguiguinuwa besobeso. 'Enega nai 'ilobwenemi wa'eloai be 'enega 'ebweuna 'ebweuna mamwanena, be geya'abo guinuwa besobeso 'isinasinabwa 'emiya.

1 Kolinita 7:4

Manuna 'abo waine 'iai, nigeya sawesawenaya be tauna oona 'iloine, ta esiya mwanenana me'olotona 'iloina. Wate tai, nigeya sawesawenaya be tauna oona 'iloine ta esiya mwanena mewainena 'ida loine.